Miguel Anxo Araúxo Iglesias

Miguel Anxo Araúxo Iglesias

Biografía
Nacemento	(es) Miguel Ángel Araújo Iglesias xaneiro de 1920 España
Morte	22 de xullo de 2007 (87 anos) Ourense, España
Bispo de Mondoñedo-Ferrol
2 de xullo de 1970 – 20 de maio de 1985 ← Jacinto Argaya Goicoechea – José Gea Escolano → Diocese: Diocese de Mondoñedo-Ferrol
Datos persoais
Relixión	Igrexa católica
Actividade
Ocupación	bispo católico (1970–), sacerdote católico (1945–)
Membro de	Real Academia Galega (académico de número) (1980–2007)
Consagración	Fernando Quiroga Palacios
Premios
(2000)  Premio Otero Pedrayo (1989)  Premio Trasalba (1988)  Medalla Castelao

Miguel Anxo Araúxo Iglesias, nado o 10 de xaneiro de 1920 en Sabadelle (O Pereiro de Aguiar) e finado o 22 de xullo de 2007 en Ourense, foi un bispo e escritor galego.

Traxectoria

Carreira eclesiástica

Iniciou os seus estudos de bacharelato no Instituto de Ourense e proseguiunos en 1932 na Universidade Pontificia de Comillas onde obtivo a licenciatura en Filosofía (1941) e Teoloxía (1945). Foi consagrado sacerdote en Comillas en xullo de 1945. Trasladado como crego a Ourense, foi profesor de Teoloxía no seminario desa cidade e reitor del entre 1956 a 1966.

O 6 de setembro de 1970 foi ordenado bispo da diocese de Mondoñedo-Ferrol, nunha cerimonia presidida polo cardeal de Santiago, Fernando Quiroga Palacios. O acto da súa ordenación episcopal foi realizado na catedral de Ourense, e por primeira vez na historia^{[Cómpre referencia]} da Igrexa en Galicia, en galego. O día 13 dese mes entrou oficialmente na catedral de Mondoñedo. Durante o seu período como bispo de Mondoñedo-Ferrol tocoulle vivir a transición e as cerimonias funerais dos obreiros Amador Niebla e Daniel Rey, mortos en enfrontamentos coa policía, que condenou nunha homilía. Foi coñecido polas súas ideas progresistas e a prol dunha maior presenza da lingua galega na Igrexa católica. En 1985 a Santa Sé concedeulle a xubilación anticipada.

Dignidades da Igrexa católica
Predecesor: Jacinto Argaya Goicoechea	Bispo de Mondoñedo - Ferrol  1970-1987	Sucesor: José Gea Escolano

Escritor e tradutor

Foi un grande impulsor dos textos relixiosos en galego, e presidiu a comisión técnica encargada da tradución do Misal romano ao galego. Traballou tamén na versión dos Rituais sacramentais e preparou un devocionario popular en lingua galega. Publicou diversas pastorais no boletín do bispado de Mondoñedo-Ferrol e outros textos de pensamento cristián, e colaborou en diversos xornais como La Voz de Galicia ou La Región e revistas como Irimia, Encrucillada, Raigame ou Estudios Mindonienses.

O 30 de maio de 1980 ingresou na Real Academia Galega para ocupar a cadeira que deixara vacante Ramón Otero Pedrayo, co discurso A igrexa de Mondoñedo nas súas Sinodais, que foi respondido por Ramón Piñeiro.

Entre as súas obras destacan:

• A fe cristiá ante a cuestión da lingua galega (1975, SEPT).
• Escritos cristiáns sobre problemas, personaxes e conflictos de Galicia (1987, Ediciós do Castro).
• Palabras para os amigos (1989).
• Escritos pastorais (1990).
• Oracional galego (1991, en colaboración con Ramiro González Cougil.
• Memoria de vida (1993).
• Os bispos de Galicia e o Concilio Vaticano II (1996)..

Sucesión apostólica

• Miguel Anxo Araúxo Iglesias (1968)
• Fernando Quiroga Palacios (1946)
• Antonio García García (1930)
• Federico Tedeschini (1921)
• Giacomo della Chiesa (1907)
• Giuseppe Melchiorre Sarto (1884)
• Constantino Patrizi Naro (1828)
• Carlo Odescalchi (1823)
• Giulio Maria della Somaglia (1788)
• Hyacinthe-Sigismond Gerdil (1777)
• Marcantonio Colonna (1762)
• Carlo della Torre Rezzonico (1743)
• Prospero Lorenzo Lambertini (1724)
• Pietro Francesco Orsini (1675)
• Paluzzo Paluzzi Altieri degli Albertoni (1666)
• Ulderico Carpegna (1630)
• Luigi Caetani (1622)
• Ludivico Ludovisi (1621)
• Galeazzo Sanvitale (1604)
• Girolamo Bernerio (1586)
• Giulio Antonio Santorio (1566)
• Scipione Rebiba (1541)

Premios e honras

• Pedrón de Ouro (1977)
• Medalla Castelao (1988)
• Premio Trasalba (1989)
• Grelo de Ouro (1992

Véxase tamén

Bibliografía

• Barrera, Feliciano, ed. (2002). "Araujo Iglesias, Miguel Ángel". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 38. ISBN 84-8064-113-4. 
• F. Freixanes, Víctor (1976). Unha ducia de galegos. Vigo: Galaxia. ISBN 84-7154-248-X.