Manuel Remuñán Ferro
| Biografía | |
|---|---|
| Nacemento | 17 de novembro de 1921  Santiago de Compostela, España |
| Morte | 1 de febreiro de 2014 (92 anos) Santiago de Compostela, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | xurista , político |
| Lingua | Lingua castelá |
Premios
| |
 | |
Manuel Remuñán Ferro, nado o 17 de novembro de 1921 na Casa da Concha, actual sede do Consello Social da Universidade de Santiago de Compostela na rúa da Conga en Santiago de Compostela e finado o 1 de febreiro de 2014 con 92 anos de idade, tamén en Santiago, foi profesor Doutor de Dereito Público e Privado e de Relacións Internacionais na Universidade de Santiago de Compostela durante máis de 40 anos, até que se xubilou.
Traxectoria[editar | editar a fonte]
Foi xerente da empresa Fraga durante 25 anos, cargo que herdou do seu pai, profesor de Literatura na USC, que xestionaba o Teatro Principal e o Salón Teatro en Santiago.
Adicouse, de xeito altruísta, a defensa do patrimonio histórico compostelán ao longo de máis de 50 anos polo que foi membro do comité español do ICOMOS, da Comisión de Defensa do Patrimonio Histórico Artístico de Santiago de Compostela e da Comisión Asesora da Cidade Histórica do Concello e asesor cultural da Xunta de Galicia na Comisión do Patrimonio Histórico da Cidade.
Concelleiro de Unión de Centro Democrático, como independente, na primeira corporación democrática en Santiago de Compostela.
Tivo un papel destacado nas medidas de rehabilitación para acadar que Santiago de Compostela fora declarada pola UNESCO coma Patrimonio da Humanidade, xunto con Xerardo Estévez, daquela alcalde de Santiago.
O 11 de decembro de 1983, ingresou coma Académico Correspondente da Real Academia Galega.[1]
Recoñecementos[editar | editar a fonte]
- Medalla Castelao da Xunta de Galicia no ano 1997.[2]
- Medalla de Ouro da Cidade de Santiago de Compostela.
Notas[editar | editar a fonte]
- ↑ Relación dos actuais académicos correspondentes Arquivado 01 de xuño de 2020 en Wayback Machine. Boletín da Real Academia Galega 366. p. 404. 2004.
- ↑ Decreto 131/1997, do 29 de maio, polo que se concede a Medalla Castelao no ano 1997 DOG 106, 4/6/1997.
Véxase tamén[editar | editar a fonte]
Bibliografía[editar | editar a fonte]
- "Remuñán Ferro, Manuel". Dicionario biográfico de Galicia 3. Ir Indo Edicións. 2010-2011. p. 160.
- Barrera, Feliciano, ed. (2002). "Remuñán Ferro, Manuel". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 482-483. ISBN 84-8064-113-4.
