Fernando Martínez Morás

Fernando Martínez Morás, retrato en Vida Gallega, 1926.

Fernando Martínez Morás, nado na Coruña o 31 de maio de 1885 e finado na provincia de León o 11 de setembro de 1937, foi un xeógrafo e escritor galego.

Traxectoria

De pé, de esquerda a dereita: Sebastián González, Eladio Rodríguez González, Enrique Peinador, Gonzalo López Abente, Pura González Varela (muller de Lugrís), Celia Brañas Fernández, Otero Pedrayo, David Fernández Diéguez, Ángel del Castillo e Fernando Cortés Bugía. Sentados: Fernando Martínez Morás, Castelao, Manuel Lugrís Freire, Antón Villar Ponte e Félix Estrada Catoyra.

Fillo de Andrés Martínez Salazar. Foi comisario pola Coruña na Exposición Rexional de 1909. Ingresou na Real Academia Galega o 20 de novembro de 1926 co discurso La Toponimia de Galicia. Foi secretario da Real Academia Galega dende 1927. Redactor de La Voz de Galicia, publicou artigos no Boletín de la Real Academia Gallega e noutras revistas de historia e literatura.

Amais de á RAG, pertenceu a outras institucións, como a Comisión Provincial de Monumentos e a Real Academia Provincial de Belas Artes.

Morreu por mor dun accidente de tráfico.

Obras

Fernando Martínez Morás, 1910.

• Las alarmas de Galicia, 1908.
• La Junta Superior de Subsidios, Armamento y Defensa del Reino de Galicia, 1908.
• Medios prácticos de fomentar entre la juventud el amor al estudio y el alejamiento de aquellos lugares en que puedan peligrar su honradez y buenas costumbres, 1916.
• Guía del turista, 1926.
• La región gallega. Notas geográfico-económicas, 1926, en colaboración con María de los Ángeles Lens de Patiño.

Véxase tamén

Bibliografía

• Couceiro Freijomil, A. (1951-54). Diccionario Bio-bibliográfico de Escritores (en español) II. Bibliófilos Gallegos. p. 386. 
• "Martínez Morás, Fernando". Gran Enciclopedia Galega (DVD). El Progreso. 2005. ISBN 84-87804-88-8. 

Ligazóns externas

• Ficha na páxina web da Real Academia Galega
• Artigos de Fernando Martínez Morás no Boletín da RAG