Manuel Sánchez Salorio
| Biografía | |
|---|---|
| Nacemento | 22 de xaneiro de 1930  A Coruña |
| Morte | 16 de marzo de 2023 (93 anos) A Coruña |
| Educación | Universidade de Santiago de Compostela |
| Actividade | |
| Ocupación | oftalmólogo |
| Premios | |
| |
    | |
Manuel Sánchez Salorio, nado na Coruña o 22 de xaneiro de 1930 e finado na mesma cidade o 16 de marzo de 2023, foi un médico oftalmólogo e humanista galego que configurou unha escola científica española coñecida actualmente como Escola Galega de Oftalmoloxía.[1][2][3] Foi académico numerario da Real Academia de Medicina e Cirurxía de Galicia e foi o creador da primeira Rede de Investigación Colaborativa en Oftalmoloxía (Oftared).[4]
Traxectoria
[editar | editar a fonte]Fillo do oculista Manuel Sánchez Mosquera[1] e sobriño de Juan José Barcia Goyanes,[5] percibiu precozmente o seu ambiente familiar: a cátedra universitaria.[6] Un irmán da súa nai foi Demetrio Salorio Suárez, alcalde da Coruña.[1]
Licenciouse en Medicina pola Universidade de Santiago de Compostela (1946-52), con Premios Extraordinario e Nacional Fin de Carreira, e doutorouse pola mesma Universidade, con Premio Extraordinario cunha tese titulada La regulación nerviosa de la tensión ocular ("A regulación nerviosa da tensión ocular", 1955). Realizou a especialidade de oftalmoloxía primeiro co seu pai e logo co profesor Ángel Moreu González-Pola, catedrático de oftalmoloxía de Santiago de Compostela. Este nomeouno o seu profesor adxunto (1956-63), devindo logo á súa morte encargado de cátedra e finalmente catedrático desa disciplina en 1963, sendo o primeiro catedrático de Oftalmoloxía da universidade compostelá. Aprendeu cirurxía ocular asistindo aos servizos de Hermenegildo Arruga, Ignacio Barraquer e Ramón Castroviejo.
Fiel expoñente da universidade autárquica creou a escola científica inicialmente coñecida como Escola Profesional de Oftalmoloxía e que adoita chamarse hoxe Escola Galega de Oftalmoloxía anexa a devandita Cátedra. Foi ademais Vicedecano da Facultade de Medicina e Vicerreitor de Extensión Universitaria da Universidade de Santiago de Compostela (1975).
O 27 de febreiro de 1981 ingresou como Académico Numerario na Real Academia de Medicina e Cirurxía de Galicia.[7]
Un dos membros máis antigos do corpo médico da comunidade galega e remiso á xubilación, en 2015 continuaba a ser o director da Fundación Instituto de Oftalmoloxía de Galicia (Ingo).[2]
Escribiu numerosos artigos para a Revista Española de Oftalmología e outras publicacións da especialidade. A súa escola fixo importantes achegas científicas sobre a circulación da retina e, moi especialmente, ofreceu unha solución ao tratamento da enfermidade ocular chamada glaucoma, frecuente en Galicia.[8]
Outras actividades
[editar | editar a fonte]Sánchez Salorio foi un dos fundadores en 1961 do Real Club de Golf da Coruña.[9]
Recoñecementos
[editar | editar a fonte]- Medalla Castelao (1996).[10]
- Medalla de Ouro do Colexio Oficial de Médicos da Coruña (2010).[11]
- Medalla de Galicia (2015).[12]
Notas
[editar | editar a fonte]- 1 2 3 "Interesante contacto con D. Manuel Sánchez Salorio". Arquivado dende o orixinal o 16 de setembro de 2017. Consultado o 15 de setembro de 2017.
- 1 2 El oftalmólogo Sánchez Salorio, medalla de oro de Galicia 2015 La Voz de Galicia.
- ↑ "Fallece el oftalmólogo y humanista coruñés Manuel Sánchez Salorio". La Opinión de A Coruña (en castelán). 2023-03-16. Consultado o 2023-03-16.
- ↑ Homenaje en Madrid a Manuel Sánchez Salorio La Voz de Galicia.
- ↑ "Historia de la neurocirugía española. La escuela de Valencia: J.J. Barcia Goyanes". Arquivado dende o orixinal o 16 de setembro de 2017. Consultado o 15 de setembro de 2017.
- ↑ Sanchez Salorio, M.: Demetrio Pita en la memoria y en el corazón. Rev.Soc.Esp.Oftal.,81, 2006
- ↑ "Real Academia de Medicina y Cirugía de Galicia: Miembros de la Real Academia - Manuel Sánchez Salorio". Arquivado dende o orixinal o 16 de setembro de 2017. Consultado o 15 de setembro de 2017.
- ↑ Sanchez Salorio y Pita Salorio, D.: Atlas de retinopatías vasculares. Sandoz. Barcelona. 1972
- ↑ "Manuel Sánchez Salorio, medalla de oro de Galicia 2015". Arquivado dende o orixinal o 16 de setembro de 2017. Consultado o 15 de setembro de 2017.
- ↑ DOG Núm. 117 do 14 de xuño de 1996
- ↑ El Colegio de Médicos de A Coruña concede la medalla de oro y brillantes a Sánchez Salorio La Voz de Galicia.
- ↑ Neira Vilas, David Cal, Sánchez Salorio y Enrique Beotas, Medallas de Oro de Galicia
Véxase tamén
[editar | editar a fonte]Bibliografía
[editar | editar a fonte]- Barrera, Feliciano, ed. (2002). "Sánchez Salorio, Manuel". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 532. ISBN 84-8064-113-4.
Ligazóns externas
[editar | editar a fonte]- Álvarez, E.: Manuel Sánchez Salorio: «El médico tiene que meterse dentro de la piel del paciente» La Voz de Galicia, 14/9/2012.
- Lugilde, A.: Manuel Sánchez Salorio, 82 años: "Continúo activo para seguir vivo" La Vanguardia, 31/12/2012.
Galardoados coa Medalla Castelao | ||
|---|---|---|
| 1984 |  | |
| 1985 | ||
| 1986 | ||
| 1987 | ||
| 1988 | ||
| 1989 | ||
| 1990 | ||
| 1991 | ||
| 1992 | ||
| 1993 | ||
| 1994 | ||
| 1995 | ||
| 1996 | ||
| 1997 | ||
| 1998 | ||
| 1999 | ||
| 2000 | ||
| 2001 | ||
| 2002 | ||
| 2003 | ||
| 2004 | ||
| 2005 | ||
| 2006 | ||
| 2007 | ||
| 2008 | ||
| 2009 | ||
| 2010 | ||
| 2011 | ||
| 2012 | ||
| 2013 | ||
| 2014 | ||
| 2015 | ||
| 2016 | ||
| 2017 | ||
| 2018 |
| |
| 2019 |
| |
| 2020 |
| |
| 2021 |
| |
| 2022 | ||
| 2023 | ||
| 2024 |
| |
| 2025 |
| |
