María do Carme Kruckenberg

Na Galipedia, a Wikipedia en galego.
María do Carme Kruckenberg
Medalla Castelao Galiza Spain.png
Medalla de Galiza.svg
María do Carme Kruckenberg (AELG)-1.jpg
Datos persoais
Nacemento 3 de xuño de 1926
Lugar Vigo
Falecemento 16 de maio de 2015
Actividade
Lingua Galego
Xéneros Poesía e narrativa

María do Carme Kruckenberg Sanjurjo, nada en Vigo o 3 de xuño de 1926 e finada na mesma cidade o 16 de maio de 2015,[1] foi unha escritora galega.

Traxectoria[editar | editar a fonte]

Foi filla de nai galega e pai mexicano de orixe alemá, afiliado á Falange Española en 1932[2]. En febreiro de 1938 participou como actriz na estrea a obra de teatro de Álvaro Cunqueiro Érase una vez...[3].

Estudou pola súa conta idiomas, historia, ciencias, literatura etc., converténdose nunha autodidacta. Viviu na Arxentina de 1949 a 1953, onde coñeceu moitos escritores galegos emigrados e arxentinos. De novo en Madrid, participou nas reunións do Café Gijón. Posteriormente, tras volver a Galicia, traballou como delegada científica nos Laboratorios Servier.

Autora de contos e tradutora, colaborou con diversas revistas e diarios, sobre todo en Faro de Vigo. Foi, entre outros premios, recoñecida co Premio Alecrín 1997, a Medalla de Galicia (bronce) en 1998, a Medalla Castelao en 2002 e o Premio Laxeiro en 2011. En 2006 foi nomeada socia de honra da Asociación de Escritores en Lingua Galega, entidade da que foi vicepresidenta. En 1999 dedicóuselle unha praza en Vigo.

Obras en galego[editar | editar a fonte]

Monumento en homenaxe a María do Carme Kruckenberg en Vigo.

Poesía[editar | editar a fonte]

  • Cantigas do vento, 1956, Alba, Vigo.
  • Canaval de ouro, 1962, Galaxia.
  • Cantigas de amigo a Ramón González Sierra, 1972, Noroeste, Vigo.
  • A sombra ergueita, 1976, Edicións Castrelos.
  • Cantigas para un tempo esquecido, 1986, Edicións do Castro.
  • Alegoría do ensoño ferido, 1992, Edicións do Castro.
  • XXI poemas nun grido de luz, 1997, Iniciativas Gutenberg.
  • Meditacións á beira da noite, 1997, Iniciativas Gutenberg.
  • O ratiño do pazo, 1998, Iniciativas Gutenberg.
  • Vivir, aventura irrepetible, 1998, Iniciativas Gutenberg, edición bilingüe galego-castelán.
  • Jazz espido, 1999, Edicións do Castro.
  • Poemas sen resposta, 1999, Espiral Maior.
  • Obra poética case completa, 2000, Edicións do Castro.
  • A pulga garimosa, 2000, edición da autora.
  • Lembranzas da beleza triste, 2003, Espiral Maior.
  • A rapaza da frauta, 2003, edición da autora.
  • Luz para un novo amencer, 2004, Edicións do Castro, edición bilingüe galego-castelán.
  • As complexas mareas da noite, 2006, Espiral Maior.
  • Os límites do arreguizo, 2008, Espiral Maior.
  • A voz da auga, 2010, Barbantesa.
  • O enigma do segredo, 2011, Barbantesa.
  • Jazz espido un e dous, 2011, Barbantesa.

Narrativa[editar | editar a fonte]

  • O paxariño de Sevilla, 1998, Iniciativas Gutenberg.
  • Historias na memoria, 1999, Unión Comarcal de CCOO de Vigo.

Obras colectivas[editar | editar a fonte]

  • I Festival de Poesía no Condado (1981, S. C. D. Condado).
  • VI Festival da Poesía no Condado (1986, S. C. D. Condado).
  • VII Festival da Poesia no Condado, 1987, S. C. D. Condado.
  • VIII Festival da Poesia no Condado. Escolma Poética, 1988, S. C. D. Condado.
  • IX Festival da Poesia no Condado. Escolma Poética, 1989, S. C. D. Condado.
  • XIII Festival da Poesia no Condado, 1993, S. C. D. Condado.
  • XIV Festival da Poesia no Condado, 1994, S. C. D. Condado.
  • Daquelas que cantan. Rosalía na palabra de once escritoras galegas, 1997, Fundación Rosalía de Castro.
  • Novo do trinque, 1997, BNG.
  • María do Carme Kruckenberg e tres poetas medievais da ría de Vigo: Martín Codax, Mendiño, Johán de Cangas, Union Comarcal de CCOO de Vigo, Concello de Vigo e Deputación de Pontevedra.
  • Alma de beiramar, 2003, AELG.
  • Elas 2: antoloxía poética, 2003, Unión Comarcal de CCOO de Vigo.
  • Intifada. Ofrenda dos poetas galegos a Palestina, 2003, Fundación Araguaney.
  • Negra sombra. Intervención poética contra a marea negra, 2003, Espiral Maior.
  • 23 poetas cantan a don Antonio Machado, 2004, Hipocampo.
  • Elas 3: antoloxía poética, 2004, Unión Comarcal de CCOO de Vigo.
  • Poemas de amor. Xeración dos 50, 2004, Tórculo. Por Maximino Cacheiro Varela.
  • Xela Arias, quedas en nós, 2004, Xerais.
  • Amor en feminino: antoloxía das poetas galegas de Rosalía á Xeración dos 80, 2006, Baía Edicións. Edición de Maximino Cacheiro Varela.
  • Poetas con Rosalía, 2006, Fundación Rosalía de Castro.
  • Poetas e Narradores nas súas voces. II, 2006, Consello da Cultura Galega.
  • Vanakkam/Benvidas, 2007, Implicadas/os no Desenvolvemento.
  • A Coruña á luz das letras, 2008, Trifolium.
  • Elas 7: antoloxía poética, 2008, Unión Comarcal de CCOO de Vigo.
  • Actas do Congreso Manuel María. Literatura e Nación, 2009, Fundación Manuel María.
  • Elas 9: antoloxía poética, 2010, Unión Comarcal de CCOO de Vigo.
  • To The Winds Our Sails, 2010, Salmon Poetry. Tradución do galego ao inglés.
  • Tamén navegar, 2011, Toxosoutos.

Obras en castelán[editar | editar a fonte]

Poesía[editar | editar a fonte]

  • Las palabras olvidadas, 1953, Buenos Aires.
  • Los parajes inmóviles, 1956, Noroeste, Vigo.
  • Rumor de tiempo, 1957, Noroeste, Vigo.
  • Farol del Aire, 1958, Noroeste, Cuba.
  • Poemas inevitables, 1960, Faro de Vigo. Publicados en galego en 1996 polo Concello de Vigo.
  • Poemas y canciones de aquí y de allí, 1962, edición da autora, Bilbao.
  • Tauromaquia en linea y verso, 1964, Noroeste, Vigo.
  • Memoria de mi sueño, 1969, Noroeste, Vigo.
  • Cantares de mi silencio, 1980, edición da autora.
  • 20 poemas rescatados del olvido y una elegía a Chuca Pereda, 1983, edición da autora.

Narrativa[editar | editar a fonte]

  • El nieto de la sirena, 1968, Faro de Vigo.

Traducións[editar | editar a fonte]

  • Cantos del 6.° Dalai Lama, 1968, Papeles de Son Armadans, Mallorca.
  • Trilogía española, de Rainer Maria Rilke. Con Ángeles Vázquez.

Notas[editar | editar a fonte]

  1. "Fallece a los 88 años la escritora viguesa María do Carme Kruckenberg" Faro de Vigo, 16/05/2015.
  2. Navaza, T. (1990): "María do Carme Kruckenberg: ferida de amor estaba", en Andaina. Revista galega de pensamento feminista n.º 20, p. 31-34.
  3. "Cunqueiro no cárcere e outras historias falanxistas", artigo de Xosé Enrique Acuña en Biosbardia, 25 de febreiro de 2016.

Véxase tamén[editar | editar a fonte]

Ligazóns externas[editar | editar a fonte]