Jenaro Marinhas del Valle

Na Galipedia, a Wikipedia en galego.
Tumba de Jenaro Marinhas del Valle no cemiterio de Santo Amaro da Coruña.

Jenaro Marinhas del Valle, nado na Coruña o 25 de novembro de 1908 e finado na Coruña o 23 de decembro[1] de 1999, foi un novelista, poeta, ensaísta e dramaturgo galego.

Traxectoria[editar | editar a fonte]

Fillo de Jenaro Mariñas González. Sendo novo entrou en contacto coa intelectualidade galeguista da Coruña por mediación do seu pai, que estaba relacionado cos integrantes da Cova Céltica (Eladio Rodríguez, Francisco Tettamancy, Carré Aldao, Lugrís Freire...). Após finalizar os seus estudos de bacharelato, trasladouse a Santiago de Compostela, en cuxa universidade cursou estudos de Filosofía e Letras. Porén, non acabou a carreira, e matriculouse en Empresariais. Dedicado xa a actividades mercantís, Marinhas del Valle frecuentou as Irmandades da Fala, fundadas na súa cidade natal, A Coruña, en 1933. Alí fundou a Mocedade Galeguista da Coruña, organización que colaborou, xunto ao Partido Galeguista ao que pertencía, na campaña a favor do Estatuto de Autonomía de 1936.

Durante a preguerra compartiu parladoiros e debates con outros destacados intelectuais galeguistas, como Otero Pedrayo ou Castelao. Pola mesma época escribiu a súa primeira peza de teatro, que lle entregou a Víctor Casas para que a publicase Ánxel Casal. Porén, Casal foi asasinado polos falanxistas, co que o orixinal se perdeu e nunca chegou a ser editado.

Xa na posguerra, Marinhas del Valle viaxou por toda Europa, pero non perdeu o contacto co galeguismo da época. De feito, froito dos seus contactos na clandestinidade con diferentes galeguistas (entre eles Francisco Fernández del Riego) é que se chegou á creación da editorial Galaxia e da revista Grial, onde publicou as súas primeiras obras literarias.

Durante todo o franquismo e até os primeiros anos da Transición Española, o escritor coruñés ocupou un lugar destacado no panorama intelectual e literario da Galiza. Porén, por mor da súa defensa da unidade lingüística galego-portuguesa, viuse cada vez máis desprazado á periferia do sistema. Esta situación fíxose especialmente notoria após o falecemento de Ricardo Carvalho Calero, e logo de Marinhas del Valle ter renunciado[Cómpre referencia] a un posto na Real Academia Galega.

Xa nos últimos anos da súa vida, Marinhas del Valle foi nomeado membro de honra da Associaçom Galega da Língua (AGAL), pero tamén recibiu homenaxes por parte doutros colectivos (como a Asociación Sócio-Pedagóxica Galega, a Agrupación Cultural O Facho ou a Fundación Alexandre Bóveda) debido ao seu labor en favor do nacionalismo e pola defensa da lingua galega no ensino.

En 1999, aos 91 anos, o intelectual galeguista faleceu na súa cidade natal. A revista Agália, no seu número 60, publicou de forma póstuma a narración A Tía Solinha; ao mesmo tempo que a revista Enclave publicaba no seu número 6 a peza teatral breve Pai Desconhecido.

Obras[editar | editar a fonte]

Teatro[editar | editar a fonte]

Ensaio[editar | editar a fonte]

Narrativa[editar | editar a fonte]

  • A vida escura. AGAL (A Coruña, 1987).

Poesía[editar | editar a fonte]

Artigos e estudos[editar | editar a fonte]

  • A Serpe, Galaxia (Vigo, 1952).
  • Monifates, en Grial, n.º 4. (1964).
  • A festa do Cheneque e outras historias, en Grial. (1967).
  • Pequena farsa dos amores desencontrados, en Grial, n.º 21 (1968).
  • Loucura e morte de Peregrino, en Grial, n.º 31 (1972).
  • O real em cena. Notas a esmo, en Agália, n.º 21 (1990).
  • Os alárvios, en Agália, n.º 23 (1990).
  • Lugrís, oratória e teatro, en Agália, n.º 23 (1990).
  • A língua do escritor, en Agália, n.º 25 (1991).
  • Teatro Interte, en Agália, n.º 49 (1997).

Obras colectivas[editar | editar a fonte]

  • Johán V. Viqueira: uma utopia verificável, Instituto de Estudos Luso-Galaicos Ricardo Carvalho Calero. (A Coruña, 1994).

Premios[editar | editar a fonte]

  • Premio Castelao de Teatro Galego no 1965, por A revolta e outras farsas.

Notas[editar | editar a fonte]

  1. "O rescate de Jenaro Marinhas". El País (en español). 5-12-2008. Consultado o 25-11-2015. 

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]