Ana Peleteiro

Na Galipedia, a Wikipedia en galego.
Saltar ata a navegación Saltar á procura
Ana Peleteiro Brión
Ribeira a atleta Ana Peleteiro recolleu o premio "Princesa de Asturias" polos seus éxitos en 2012 (11172766635) (cropped).jpg
Ana Peleteiro co premio "Princesa de Asturias", outorgado polos seus éxitos en 2012
Información persoal
NacionalidadeGalega Galicia
Nacemento2 de decembro de 1995
Ribeira, Galicia Galicia
ResidenciaGuadalajara, Castela-A Mancha
Altura1,72 m
Peso52 kg
Deporte
PaísEspaña
DeporteAtletismo
Triplo salto
AdestradorAbelardo Moure (2008-2011)
Juan Carlos Álvarez (2011-2014)
Iván Pedroso (desde 2014)
editar datos en Wikidata ]

Ana Peleteiro Brión, nada en Ribeira o 2 de decembro de 1995, é unha atleta galega, especialista en triplo salto.

Foi elixida mellor atleta española júnior dos anos 2011,[1] 2012,[2] e 2013, pola Real Federación Española de Atletismo.[3] No campionato do mundo de atletismo júnior de 2012, ceblerado no Estadio Olímpico de Barcelona, conseguiu o récord nacional na súa modalidade.[4] [5] No ano 2012 recibiu o Premio Nacional do Deporte, e, no 2013, o Premio Princesa de Asturias S.A.R. Doña Letizia.[6] No campionato de España de atletismo en pista cuberta, celebrado en Sabadell en febreiro de 2014, aínda en idade júnior, proclamouse campioa absoluta de España de triplo salto.[7] No Mundial de atletismo en pista cuberta de 2018, disputado en Birmingham, acadou o bronce en triplo salto cunha distancia de 14,40 m.[8] E no campionato de Europa absoluto de atletismo de 2018 celebrado en Berlín conseguiu a medalla de bronce, a primeira medalla conseguida por un atleta galego nun campionato de Europa.[9].

En 2019 proclamouse campioa de Europa de pista cuberta de triplo salto cunha marca de 14,73 metros, novo récord de España, no Campionato Europeo de atletismo en pista cuberta disputado en Glasgow.[10]

Traxectoria[editar | editar a fonte]

Primeiros pasos[editar | editar a fonte]

Ana Peleteiro comezou a súa carreira deportiva en Ribeira, da man de María José Martínez Patiño e Carlos Aldán, na Asociación de Atletismo e Deportes do Barbanza,[11] compaxinando as especialidades de velocidade (50 e 100 metros lisos), salto de altura e triplo salto, adestrada por Abelardo Moure. En 2012 a triplista e o seu adestrador foron elixidos polo atletismo español mellor júnior e mellor adestrador do ano, respectivamente.[12]

Peleteiro asombrou desde moi nena. Bateu os récords de España cadete, xuvenil, júnior e promesa e, con 16 anos, foi a campioa do mundo júnior, cun salto de 14,17 m no campionato do mundo de atletismo júnior de Barcelona (2012).[11] [13] Daquela, Ramón Cid (hoxe director deportivo da selección española de atletismo), comentou: «tendes unha xoia, esta rapaza é a bomba».[11]

Na tempada 2012-13 competiu na primeira Copa de Galicia de clubs formando parte do Ría de Ferrol, club asociado a ADT Barbanza, batendo o seu propio récord galego absoluto de triplo salto en pista cuberta, saltando até os 13,20 m, o que significaba 20 cm máis do saltado un ano antes por ela mesma no escenario da Polideportiva de Riazor (A Coruña). Esta marca significou ademais un novo récord en categoría júnior en España, deixando sen efecto os 12,61 m que Vanesa Peñalver lograra en Alacant o 18 de xullo de 1998.[13] [14]

Salto á Blume[editar | editar a fonte]

En xuño de 2013 decidiu dedicarse preferentemente ao triplo salto e cambiar de adestrador e de residencia,[15] trasladándose a Madrid, ao Centro de Alto Rendemento de Madrid, onde se puxo ás ordes de Juan Carlos Álvarez, aloxándose na Residencia "Joaquín Blume", dependente do Consello Superior de Deportes de España.[11]

No campionato de España de atletismo en pista cuberta, celebrado en Sabadell en febreiro de 2014, proclamouse campioa de España de triplo salto, cun rexistro de 13,91 m, conseguindo nova marca de España júnior.[7] [16] [17]

Decaemento e volta ao primeiro plano[editar | editar a fonte]

Ana Peleteiro saltando no campionato europeo de atletismo en pista cuberta, Belgrado, 2017.

Desde o verán de 2014 até finais de 2016 Peleteiro sufriu un decaemento deportivo. En Eugene (Oregón), o 5 de xullo de 2014, saltou 13,71 m, quedando clasificada no sexto posto. A iso uniuse o seu paso por Lisboa, a onde se mudou na primavera de 2016 para preparar a súa participación nos Xogos de Río dese ano, aos que tivo que renunciar por problemas físicos. A etapa portuguesa durou pouco. Meses despois púxose en mans do adestrador cubano Iván Pedroso, e foi vivir a Guadalajara.[11] E no mundial de atletismo en pista cuberta de 2018, disputado en Birmingham, acadou a medalla de bronce en triplo salto cunha distancia de 14,40 m.[8] O bronce de Birmingham e habituarse a estar sempre por riba dos 14 m reflicte todo un cambio de técnica.[11]

Primeira medalla de bronce nun campionato absoluto de Europa[editar | editar a fonte]

Ana Peleteiro, aos seus 22 anos, no concurso de triplo salto no campionato europeo de Berlín de 2018, obtivo a medalla de bronce, cun mellor salto de 14,44 m, a un centímetro da prata, que foi para a alemá Kristin Gierisch; o ouro foi para a grega Paraskevi Papachristou, que saltou 14,60 m. A galega estivo en posicións de podio de principio a fin do concurso. Fixo dous moi bos saltos, pero que resultaron nulos, e tiña a marca de 14,55 m conseguidos ese ano en Xetafe).[9] [18]

Primeira medalla de ouro nun campionato absoluto de Europa[editar | editar a fonte]

Na mañá do 3 de marzo de 2019, no campionato de Europa en pista cuberta, en Glasgow, cun salto de 14,73 m fixo historia no deporte español, alzándose coa medalla de ouro e, ademais, bateu o récord de España de triplo salto, en poder de Carlota Castrejana con 14,64 m desde 2007.[19][20]

Mundial de Doha[editar | editar a fonte]

En outubro de 2019 participou no Campionato do mundo de atletismo ao aire libre celebrado en Doha. Meteuse na final cun salto de 14,23 m[21] e na final rematou sexta cunha mellor marca de 14,47, lonxe dos 15,37 da súa compañeira de adestramentos, a venezolana Yulimar Rojas.[22]

Marcas persoais[editar | editar a fonte]

Data Especialidade Lugar Marca [23]
3 de marzo de 2018 Triplo salto (pista cuberta) Birmingham 14,40 m
22 de xuño de 2018 Triplo salto (aire libre) Getafe 14,55 m
28 de xaneiro de 2012 Salto de lonxitude (pista cuberta) A Coruña 5,87 m
30 de maio de 2015 Salto de lonxitude (aire libre) Valladolid 5,99 m
15 de xuño de 2014 100 metros lisos (aire libre) Pontevedra 11,93 s
15 de febreiro de 2014 60 metros lisos (pista cuberta) Madrid 7,56 s
9 de febreiro de 2013 50 metros lisos (pista cuberta) A Coruña 6,66 s


Palmarés[editar | editar a fonte]

Data Competición Lugar Resultado
2010 Campionato de España de atletismo cadete en pista cuberta, en triplo salto e en salto de lonxitude Oviedo
2011 Campionato de España de atletismo xuvenil, en triplo salto Granollers
Campionato de España de atletismo xuvenil en pista cuberta, en triplo salto Zaragoza
Campionato do mundo de atletismo xuvenil, en triplo salto Lille
Festival olímpico da mocidade europea, en triplo salto Trebisonda
2012 Campionato do mundo de atletismo xuvenil, en triplo salto Barcelona
2014 Campionato de España de atletismo absoluto en pista cuberta, en triplo salto Sabadell
2015 Campionato de España de atetismo absoluto, en triplo salto Castelló de la Plana
2018 Campionato do mundo de atletismo absoluto en pista cuberta, en triplo salto Birmingham
Campionato de Europa de atletismo absoluto, en triplo salto Berlín
2019 Campionato de Europa de atletismo absoluto en pista cuberta, en triplo salto.[19][20] Glasgow
Campionato do mundo de atletismo absoluto ao aire libre, en triplo salto. Doha

Galardóns[editar | editar a fonte]

  • Premio Nacional do Deporte (España), no ano 2012.
  • Premio Princesa de Asturias S.A.R. Doña Letizia, no ano 2013.

Notas[editar | editar a fonte]

  1. "Natalia Rodríguez y Manuel Olmedo, mejores atletas de 2011". Real Federación Española de Atletismo. 29 de decembro de 2011. 
  2. "Ruth Beitia y Miguel Ángel López, mejores atletas de 2012". Real Federación Española de Atletismo. 26 de decembro de 2012. 
  3. "Ruth Beitia y Miguel Ángel López, mejores atletas españoles de 2013". Real Federación Española de Atletismo. 20 de decembro de 2013. 
  4. "Ana Peleteiro, dobre mellor mellor marca xuvenil en triplo (12.80m e 13.04m)". Real Federación Española de Atletismo. 29 de xaneiro de 2012. 
  5. 14th IAAF World Junior Championships Triple Jump women. Results.
  6. "Ana Peleteiro, Premio Princesa de Asturias S.A.R. Doña Letizia". Real Federación Española de Atletismo. 2 de decembro de 2013. 
  7. 7,0 7,1 Ana Peleteiro y Fátima Diame escenifican el cambio de generación del atletismo español en MundoDeportivo.com
  8. 8,0 8,1 "Ana Peleteiro logra un histórico bronce en el triple salto del Mundial de Birmingham", Marca, 3 de marzo de 2018 (en castelán).
  9. 9,0 9,1 "Bronce para la historia de Peleteiro". La Voz de Galicia, 11-8-2018.
  10. "Ana Peleteiro pulveriza el récord de España y gana el oro europeo". La Voz de Galicia (en castelán). 2019-03-03. Consultado o 2019-03-03. 
  11. 11,0 11,1 11,2 11,3 11,4 11,5 "Del Barbanza a La Alcarria". La Voz de Galicia, 11-8-2018.
  12. "Ana Peleteiro y su técnico Abelardo Moure, los mejores del año para el atletismo español". La Voz de Galicia, 28-12-2012.
  13. 13,0 13,1 Ana Peleteiro inicia el año con récord gallego absoluto y júnior en España La Voz de Galicia, 14/01/2013.
  14. Vanesa Peñalver. Perfil na web da IAAF.
  15. Ana Peleteiro cambia de entrenador Martí Perarnau, 17 de xuño de 2013.
  16. Vídeo coas súas declaracións despois da vitoria (RFEA-Youtube).
  17. Ana Peleteiro: «Salió como soñaba, no me lo esperaba». Faro de Vigo, 24-2-2014.
  18. «Ya puedo creer en mí». La Voz de Galicia, 12-8-2018.
  19. 19,0 19,1 Ana Peleteiro, la gallega que sabe volar. La Voz de Galicia, 03-03-2019.
  20. 20,0 20,1 Israel Molina (03-03-2019): Peleteiro hace historia con sus 14.73. La gallega se cuelga el oro y destroza el récord de España, vigente desde hace doce años y que estaba en poder de Carlota Castrejana. El Independiente.
  21. "Ana Peleteiro, a la final de triple salto en Doha". El Progreso (xornal) (en castelán). 3 de outubro de 2019. Consultado o 7 de outubro de 2019. 
  22. "Ana Peleteiro remata de sexta no Mundial de Doha". TVG. 7 de outubro de 2019. Consultado o 6 de outubro de 2019. 
  23. Ana Peleteiro. Perfil na web da IAAF.

Véxase tamén[editar | editar a fonte]