Medalla Castelao

Medalla Castelao
Lema: Deus fratresque Gallaeciae
Instancia de condecoración civil medalla  Epónimo Alfonso Daniel Rodríguez Castelao  Texto lema Deus fratresque Gallaeciae
Datas  Fundación / creación 1984
Implicados  Concedido por Xunta de Galicia
Localización  País España
Fontes e ligazóns
Wikidata C:Commons

Título acreditativo outorgado a Emilio González López en 1984.

Título acreditativo outorgado ás Asociacións de Amigos do Camiño de Santiago en 2020.

A Medalla Castelao é un recoñecemento honorífico creado pola Xunta de Galicia para homenaxear aquelas persoas ou institucións que desenvolvesen, dentro ou fóra de Galicia, unha obra artística, literaria, cultural, científica ou en calquera outra liña que o faga merecedor desta distinción.

Historia e características

Foi creada en 1984 e outórgase cada 28 de xuño, coincidindo co regreso dos restos mortais de Castelao a Galicia en 1984, para ser inhumado no Panteón de Galegos Ilustres, de Santiago de Compostela. Concédese por acordo da Xunta de Galicia, previa proposta das institucións ou entidades galegas, sexa a persoas ou a organismos, coa única condición de que non pode concederse a título póstumo.

Fisicamente, a Medalla Castelao mide 50 mm no seu eixo maior e 36 no menor. Reproduce no anverso a cruz deseñada por Castelao para As cruces de pedra na Galiza, sobre fondo azul, e a lenda "Deus fratresque Gallaeciae"; e no reverso o nome da persoa distinguida e a data de concesión. A medalla vai pendurada cun cordón trenzado en branco e azul.

As Medallas Castelao concédense a un número variable de persoas cada ano.

Galardoadas/os

(Para as edicións anteriores, véxase a correspondente caixa de navegación ao final desta mesma páxina).

• 2020: A Roda, Xosé Manuel Piñeiro, Ana Peleteiro, Pilar Cernuda e Asociación de Amigos do Camiño de Santiago.
• 2021: Santiago Pemán, Esther Eirós, Manuel Vila, Xoán Luís Saco e o Centro Superior de Hostalería de Galicia.
• 2022: Camilo Nogueira, Javier Olleros, Javier Sánchez de Dios, club de fútbol sala Pescados Rubén de Burela, Coral Polifónica El Eco.
• 2023: Susana Rodríguez Gacio, Ledicia Costas, Siniestro Total, Lino de Prado e Rafael López López.
• 2024: Asociación de Médicos Galegos (Asomega), Leilía, Maite Isla, Amancio López Seijas e Borja Golán.
• 2025: Luar na Lubre, Víctor Freixanes, Emilio Pérez, Rosa Rodríguez e a Asociación Galega de Afectados pola Esclerose Lateral Amiotrófica.
• 2026: Fundación Andrea, Esteban Batallán, María Barallobre, Mar Capeáns e Adrián Ben.

Galería de imaxes

• 
  2016
• 
  2018
• 
  2020
• 
  2020
• 
  2021
• 
  2022
• 
  2022

Véxase tamén

Outros artigos

• Medalla de Galicia

Ligazóns externas

• Neal Baxter, Robert (28/6/2017). "Arrastar o nome de Castelao pola lama". Terra e Tempo. Arquivado dende o orixinal o 15/07/2018. Consultado o 15/07/2018.