Amado Ricón

Amado Ricón

Biografía
Nacemento	21 de outubro de 1933 Redondela
Morte	7 de agosto de 2019 (85 anos) Redondela
Alcalde de Redondela
1996 – 1999 ← Xaime Rei – Xaime Rei →
Actividade
Ocupación	político, profesor universitario
Partido político	Partido Popular
Membro de	Partido Popular de Galicia
Premios
(1993)  Medalla Castelao

Amado Ricón Virulegio, nado en Redondela o 21 de outubro de 1933 e finado na mesma vila o 7 de agosto de 2019, foi un profesor e político galego.

Traxectoria

Marchou aos Estados Unidos en 1958. Foi profesor da Universidade de Nova York. Xubilado en 1992, retornou a Galicia. Foi presidente do Instituto Galego das Artes Escénicas e Musicais. Recibiu a Medalla Castelao en 1993.

Encabezou a candidatura do PPdeG á alcaldía de Redondela nas eleccións municipais de 1995 conseguindo un notable avance pero sen conseguir arrebatarlle o goberno aos socialistas. Foi designado deputado provincial e foi responsable da área de Cultura. En agosto de 1996 promoveu unha moción de censura contra o alcalde socialista Xaime Rei, co apoio dun concelleiro tránsfuga socialista e outro independente, e foi elixido alcalde. Compatibilizou a alcaldía co seu cargo na Deputación. En outubro de 1998 foi descartado pola dirección autonómica do PPdeG como candidato para as municipais de 1999, poñendo no seu lugar ao entón alcalde de Pazos de Borbén Manuel Conde Romero. Trala finalización do mandato abandonou a alcaldía e a primeira liña política.

Predecesor: Xaime Rei

Alcalde de Redondela  1996 - 1999

Sucesor: Xaime Rei

Obras

• Eduardo Pondal, 1981.
• Estética poética de Eduardo Pondal, 1985, Ediciós do Castro.
• Castelao, propagandista da República en Norteamérica, 2000 (con Emilio González López).

Edicións

• Os Eoas (Fundación Barrié de la Maza, 1992)

Véxase tamén

Outros artigos

• Eleccións municipais en Redondela