Maruxa Villanueva

Na Galipedia, a Wikipedia en galego.
Maruxa Villanueva
Medalla Castelao Galiza Spain.png
Nacemento 1906
Lugar [A Barrela, Lousada, Carballedo
Falecemento 24 de novembro de 1998
Lugar Santiago de Compostela, Galicia Galicia
Ocupación Actriz

María Isaura Vázquez Blanco, coñecida como Maruxa Villanueva, nada na Barrela (Lousada, Carballedo) en 1906 e finada en Santiago de Compostela o 24 de novembro de 1998, foi unha actriz galega.

Traxectoria[editar | editar a fonte]

Emigrou a Arxentina con 20 anos, e alí fíxose cantante e actriz, tamén colaborou nas actividades culturais dos emigrados galegos en Buenos Aires e nos actos en favor da República. Casou con Manuel Daniel Varela Buxán e con el formou a Compañía Gallega de Comedias Marujita Villanueva, coa que estreou Os vellos non deben de namorarse. En Arxentina trabou amizade con Salvador de Madariaga, Eduardo Blanco Amor, Fernando Iglesias 'Tacholas' e Castelao.

En 1949 regresou a Galicia onde montou a compañía Os Labregos, pero a censura franquista rematou coa súa actividade, e volveu a Buenos Aires en 1958. En 1962 retornou definitivamente a Galicia. En 1971 o presidente da Patronato Rosalía de Castro Agustín Sixto Seco propúxolle atender a Casa Museo Rosalía de Castro, da que foi coidadora ata o seu pasamento, e onde viviu a partir de 1974. Dedicou o seu tempo á casa e á obra de Rosalía e converteuse en especialista no tema.

Recoñecementos[editar | editar a fonte]

Recibiu numerosos premios e homenaxes, entre eles a Medalla Castelao da Xunta de Galicia e o premio María Casares de teatro a título póstumo.

En 2001 o concello de Padrón creou o premio Maruxa Villanueva.

Figura na galería de Personaxes ilustres do concello de Carballedo[1] no que unha rúa leva o seu nome, o mesmo ca en Padrón.

Notas[editar | editar a fonte]

  1. "Personaxes Ilustres". Concello de Carballedo. Consultado o 06/06/2017. 

Véxase tamén[editar | editar a fonte]

Ligazóns externas[editar | editar a fonte]