Manuel Díez Sanjurjo
  | |
| Biografía | |
|---|---|
| Nacemento | 28 de novembro de 1870 Burgos, España |
| Morte | 3 de decembro de 1941 (71 anos) Valladolid, España |
| Actividade | |
| Ocupación | enxeñeiro de camiños, arqueólogo |
| Membro de | |
| Familia | |
| Cónxuxe | Salvadora Muntadas |
  | |
Manuel Díez Sanjurjo, nado en Burgos o 28 de novembro de 1870 e finado en Valladolid (ou en Madrid segundo outras fontes)[1] o 3 de decembro de 1941,[2] foi un enxeñeiro de camiños e arqueólogo castelán, que residiu varios anos en Ourense. Foi membro numerario da Real Academia Galega[3].
Traxectoria
[editar | editar a fonte]
Foi inspector xeral do Cuerpo de Ingenieros de Caminos e participou na construción da N-120. Era amigo do grupo de intelectuais que rodeaban a Marcelo Macías no Museo Arqueolóxico Provincial de Ourense, e foi autor de varios traballos de arqueoloxía. Estudou o campamento militar de Aquis Querquennis e o Itinerario de Antonino. En 1908 realizou o proxecto de restauración da ponte da Cigarrosa, sobre o río Sil, entre A Rúa de Valdeorras e Petín. Foi vocal da Comisión Provincial de Monumentos Históricos e colaborou no seu boletín. Ingresou na RAG como membro numerario o 20 de xuño de 1908, en acto celebrado na cidade de Ourense, a proposta de Florencio Vaamonde, Francisco Tettamancy e Uxío Carré Aldao, pronunciando o discurso "Epílogo de la historia del fuero de Allariz", respondido por Tettamancy.[4]
Obra
[editar | editar a fonte]- Los caminos antiguos y el Itinerario número 18 de Antonino en la provincia de Orense, 1904-1908.[5]
- "Epifanía latina en la provincia de Orense", 1906.
- De Clunia a Intercacia según el Itinerario de Antonino, 1917.
Notas
[editar | editar a fonte]- ↑ "Don Manuel Díez Sanjurjo". La Región. 10 de decembro de 1941. p. 4.
- ↑ Sáenz Ridruejo, Fernando. "Manuel Díez Sanjurjo". Diccionario biográfico español.
- ↑ "Manuel Díez Sanjurjo". Real Academia Galega.
- ↑ Díez Sanjurjo, M.; Tettamancy, F. (1908). Discursos leídos ante la Real Academia Gallega en la recepción pública del señor D. Manuel Díez Sanjurjo. A Coruña: Real Academia Galega.
- ↑ Publicado por entregas dende o n.º 37 ao 63 do Boletín de la Comisión Provincial de Monumentos Históricos y Artísticos de Orense.
Véxase tamén
[editar | editar a fonte]Bibliografía
[editar | editar a fonte]- "Díez Sanjurjo, Manuel". Diccionario enciclopédico galego universal 22. La Voz de Galicia. 2003-2004. ISBN 84-7680-429-6.
- "Díez Sanjurjo, Manuel". Enciclopedia Galega Universal 7. Ir Indo. 1999-2002. p. 315. ISBN 84-7680-288-9.
- Couceiro Freijomil, A. (1951). "DÍEZ SANJURJO, Manuel". Diccionario bio-bibliográfico de escritores (en castelán) I. Santiago de Compostela: Bibliófilos Gallegos. p. 365.
