Fernando Caldeiro Caínzos
| Fernando Caldeiro Caínzos | |
|---|---|
 Fernando Frank Caldeiro.  | |
| Datos persoais | |
| Nacemento | 12 de xuño de 1958 |
| Lugar |  Buenos Aires |
| Falecemento | 3 de outubro de 2009 (51 anos) |
| Lugar |  League City (Texas) |
| Actividade | |
| Campo | Especialista de misión |
| Estudos | Enxeñaría mecánica |
| Axencia espacial | NASA |
| Misións | Programa WB-57 Programa WB-57 |
| Retiro | 3 de outubro de 2009 |
| Premios | Medalla Castelao |
| [ editar datos en Wikidata ] | |
Fernando Caldeiro Caínzos, máis coñecido como Frank Caldeiro, nado en Buenos Aires o 12 de xuño de 1958 e finado en League City (Texas) o 3 de outubro de 2009[1], foi un astronauta arxentino-estadounidense de orixe galega, graduado en enxeñaría mecánica na Universidade de Arizona e na Universidade de Florida Central.
Traxectoria[editar | editar a fonte]
Caldeiro foi nomeado astronauta da NASA o 1 de maio de 1996 como membro do Grupo Astronauta 16, alcumado como "The Sardines".
Caldeiro foi asignado aos voos de observación a grande altitude na nave da NASA WB-57. En 2002 uniuse á Comisión presidencial de Excelencia educativa para os Hispanoamericanos.
Finou en outubro de 2009, aos 51 anos, logo de dous anos e medio sufrindo un cancro cerebral.
No ano 2000 recibira a Medalla Castelao, pois era descendente de galegos. O seu pai era de Samos[2], emigrado primeiro a Buenos Aires e despois a Nova York, onde traballou como xefe dos electricistas do metro. A súa nai era leonesa filla de galegos. O seu avó materno era da Devesela (Curtis)[3].
Notas[editar | editar a fonte]
- ↑ Obituario Arquivado 28 de setembro de 2011 en Wayback Machine. en http://galvestondailynews.com (en inglés).
- ↑ "Galego na Lúa" Arquivado 05 de marzo de 2016 en Wayback Machine., artigo de Marcelino Fernández Mallo no blog A trenza, 21 de novembro de 2009.
- ↑ Ficha[Ligazón morta] en Fillos de Galicia.
