Francisco Leal Insua

Francisco Leal Insua
Nacemento	10 de maio de 1910
	Viveiro
Falecemento	12 de xullo de 1997
	Madrid
Nacionalidade	España
Ocupación	xornalista e escritor
Cónxuxe	Xulia Minguillón
Xéneros	Poesía, ensaio
Premios	Medalla Castelao
[ editar datos en Wikidata ]

Francisco Leal Insua, nado en Viveiro o 10 de maio de 1910 e finado en Madrid o 12 de xullo de 1997, foi un escritor e xornalista galego.

Traxectoria

Comezou a colaborar nos xornais de Viveiro e de Vilalba e, despois, no semanario Vallibria de Mondoñedo, onde coincidiu con Francisco Fernández del Riego, Aquilino Iglesia Alvariño e Álvaro Cunqueiro. En 1933 colaborou con ABC e Mundo Gráfico e Nuevo Mundo, de Madrid. Foi redactor xefe de El Progreso (1938) e director de Faro de Vigo (1949-1961), El Correo Gallego, La Noche e da revista internacional Mundo Hispánico (1961). Tamén foi director de publicacións da axencia de noticias EFE. Na súa obra poética mesturou elementos procedentes das fontes clásicas xunto a outras tendencias líricas do século XX sen moita artificiosidade. Promoveu a edición da obra poética completa de Antonio Noriega Varela. Recibiu o Premio Internacional de Poesía en Lisboa (1943), o Premio Nacional de Periodismo Marqueses de Taurisano (1963) e a Medalla Castelao (1995).

Casou en 1939 coa pintora Xulia Minguillón.

Obras

Poesía

• Horas, 1935.
• Te he buscado, 1939.
• Versos: 1ª antología, 1945.
• Primer semillero de poemas, 1952.
• Trivium, 1955.

• Mi soledad sonora, 1955.

Ensaio

• Las cosas, 1941.
• Faro de Vigo y su proyección, 1965. Con José Altabella.
• Pastor Díaz, príncipe del romanticismo, 1943.
• La siembra en el viento, 1955.

Véxase tamén

Bibliografía

• Gran Enciclopedia Gallega