Rúa do Príncipe

rúa do Príncipe
Negocios comerciais na rúa do Príncipe.
Localización
Inicio	rúa de Urzaiz
Fin	Porta do Sol

A rúa do Príncipe é unha rúa de Vigo. Debe o seu nome a honrar a Afonso XII de España, fillo de Isabel II de España, daquela Príncipe de Asturias, e foi inaugurada en 1861. Constitúe un dos primeiros e mais importantes centros do comercio da cidade, con grandes baixos comerciais, empresas do comercio téxtil e de moda. Atópase moi próximo á paralela rúa do Progreso, formando un verdadeiro centro comercial aberto onde abundan negocios, mercados de abastos e outro tipo de locais. Nesta rúa tamén se atopan edificos históricos, como A Sede do Real Club Celta de Vigo ou o museo MARCO.

A rúa do Príncipe comeza no farol de Urzaiz, situado na rúa homónima e remata na praza da Porta do Sol. En todo o seu percorrido, totalmente peonil, entrecrúzanse diferentes rúas perpendiculares. Son, na seguinte orde, a ronda de Don Bosco, a rúa de Londres, as rúas de Velázquez Moreno, Eduardo Iglesias, López de Neira e Doutor Cadaval.

Historia

A rúa do Príncipe foi inagurada no ano 1861 tras a reforma e urbanización da estrada que existía previamente. Constituiu a primeira rúa urbanizada extramuros da antiga Muralla de Vigo, que comezara a ser derrubada tres anos antes, no 1858.

Así, o bando municipal que inauguraba públicamente a rúa rezaba o seguinte:

O concello dáse por enterado dunha instancia que os veciños da daquela estrada que, partindo da Porta do Sol, dirixíase cara o Arenal, elevan á Corporación, pedindo que se denomina a aquela como rúa do Príncipe, na honra do príncipe de Asturias, futuro Afonso XII.

Bando municipal

Galería de imaxes

• 
  Rúa do Príncipe nunha postal de Eugenio Krapf.
• 
  Casa de Estanislao Durán.
• 
  Museo MARCO.
• 
  Museo MARCO.
• 
  Rúa de Príncipe desde a Porta do Sol.
• 
  A Sede, edificio administrativo do Real Club Celta de Vigo.
• 
  Farol de Urzaiz, o inicio da rúa do Príncipe.

Véxase tamén

Bibliografía

• Plan Especial de Protección do Ensanche e a Cidade Central Concello de Vigo, 2007.
• Álvarez Blázquez, Xosé María (1960). La Ciudad y los días. Calendario histórico de Vigo. Editorial Monterrey (en castelán).
• Nadal Yuste, Paco (2014). Rías Baixas. Escapadas p. 25. Barcelona, Penguin Random House. ISBN 978-84-03-51222-1 (en castelán).

Outros artigos

• A Sede

Ligazóns externas

• "Rúa do Príncipe" Concello de Vigo.