A Sede
| A Sede | |
|---|---|
.jpg) | |
| Edificio | |
| Enderezo | Rúa Príncipe, 44 |
| Localización | Vigo |
| Coordenadas | 42°14′11″N 8°43′19″O / 42.236482256423, -8.7220417307843 |
| Propietario | Real Club Celta de Vigo |
| Uso(s) | Administrativo, comercial |
| Remodelación | 2015 (inicio)-2018 (inauguración) |
| Dimensións | |
| Plantas | 6 |
| Equipo | |
| Arquitecto(s) | Manuel Gómez Román (orixinal) Alfonso Penela (remodelación) |
| [ editar datos en Wikidata ] | |
A Sede é un edificio administrativo e comercial situado en Vigo. Constitúe unha das sedes institucionais do Real Club Celta de Vigo, e está situado na rúa Príncipe.
Historia
[editar | editar a fonte]
O edificio no que hoxe se atopa A Sede é froito de varias remodelacións e reformas nos inmobles que se atopaban nesa localización. Anteriormente á adquisición por parte do RC Celta, o edificio pertencía ao Círculo Mercantil. Fundado en 1891 a partir do Círculo de Instrución Mercantil, o seu presidente daquela, Bernardo Bernárdez, adquire o edificio situado na rúa Príncipe 44.
Após varios anos de obras a cargo do arquitecto Manuel Gómez Román, inaugurouse en 1925. De estilo clasicista galego e con múltiples galerías e ventanais, inaugurárono de forma oficial o 28 de setembro de 1927 os reis Afonso XIII e Vitoria Euxenia. Finalmente, no ano 2015 foi adquirido polo Celta de Vigo para a súa reforma e posterior mudanza das súas oficinas administrativas.[1]
Arquitectura
[editar | editar a fonte]A Sede consta de seis andares que se erixen entre as rúas Príncipe e Velázquez Moreno.
No baixo comercial, un espazo acristalado e a dúas alturas, atópanse a tenda do RC Celta e un local gastronómico.
No primeiro andar, que outrora fora o antigo Salón Rexio do Círculo Mercantil e Industrial de Vigo, sitúase un espazo multiúsos.
O andar segundo acolle unha residencia para futbolistas dos equipos bases do Celta.
O terceiro andar acolle unha clínica deportiva para futbolistas de elite, xestionada polo doutor do RC Celta Juan José García Cota.
Os andares cuarto e quinto constitúen espazos administrativos, oficinas e despachos.
Finalmente, o último andar acolle un restaurante dirixido polo chef Alberto González Prelcic.
Exteriormente, destaca o acabado en malla acristalada que recobre o teito do edificio, formando unha cúpula de vidro de cor celeste.
Notas
[editar | editar a fonte]- ↑ "O Celta rubrica a compra do edificio do Círculo Mercantil". La Voz de Galicia. Consultado o 28 de xaneiro de 2023.