Rafael Portanet
| Rafael Portanet | |
|---|---|
| Nacemento | 6 de marzo de 1908 |
| Cangas | |
| Falecemento | 5 de maio de 1988 |
| Vigo | |
| Nacionalidade | España |
| Ocupación | político e empresario |
| Cónxuxe | Josefina Cabello. |
| Fillos | Cinco. |
| Premios | Gran Cruz da Orde do Mérito Civil, Gran Cruz da Orde de Cisneros e Gran Cruz del Mérito Militar con distintivo blanco |
| [ editar datos en Wikidata ] | |
Rafael Jesús Portanet Suárez, nado en Cangas o 6 de marzo de 1908 e finado en Vigo o 5 de maio de 1988,[1] foi un empresario e político galego, alcalde de Vigo durante o franquismo dende 1964 ata 1970.[2]
Traxectoria[editar | editar a fonte]
De familia de tradición empresarial e xenro de Eduardo Cabello (enxeñeiro artífice do porto de Vigo), iniciou a súa andadura profesional no sector do pescado e as conservas. Delegado do Estado na Zona Franca durante 37 anos, atribúeselle gran parte do mérito da chegada da factoría PSA Citroën ás súas instalacións.
Remodelou e profesionalizou a Caixa de Aforros Municipal de Vigo como presidente da mesma. Como alcalde de Vigo promoveu a modernización da cidade (apertura da rúa Venezuela, desenvolvemento do polígono de Coia, mellora da iluminación da cidade, remodelación do parque da Guía, do Castro e parque de Castrelos, mellora do Museo Quiñones de León, instalación de parques infantís na cidade, auga ó rural, Escola de Artes e Oficios), cunha xestión eficaz e ás veces controvertida. Durante o seu mandato, no cambio de ano de 1967 a 1968, os tranvías eléctricos que había na cidade (dende 1914) foron substituídos por autobuses.
Nas eleccións xerais de 1979 foi elixido deputado polo grupo Coalición Democrática, e viviu o golpe de estado do 23 de febreiro de 1981 no Congreso dos Deputados.
| Predecesor: José Ramón Fontán González |
 Alcalde de Vigo 1964-1970 |
Sucesor: Antonio Ramilo Fernández-Areal |
Recoñecementos[editar | editar a fonte]
Recibe o recoñecemento a súa xestión co nomeamento da Avenida Alcalde Portanet.
Notas[editar | editar a fonte]
- ↑ Faro de Vigo, 7/5/1988, p. 1, 8.
- ↑ "Dimite el alcalde de Vigo", artigo en La Vanguardia Española o 26 de marzo de 1970 (en castelán).
Véxase tamén[editar | editar a fonte]
Bibliografía[editar | editar a fonte]
- Vázquez Xil, Lalo (1994) [1991]. Ediciones Cardeñoso, ed. As rúas de Vigo (2ª ed.). Vigo. p. 97. ISBN 84-87379-47-8.
Outros artigos[editar | editar a fonte]
Ligazóns externas[editar | editar a fonte]
- Ficha na páxina do Congreso dos Deputados (en castelán).
- "Portanet, regidor eficaz y alcalde autoritario", artigo en La Voz de Galicia o 22 de xullo de 2006 (en castelán).