Manuel Bárcena Franco
| Manuel Bárcena Franco | |
|---|---|
 | |
| Nacemento | 27 de agosto de 1834 |
| Lugar de nacemento | Vigo |
| Falecemento | 14 de xaneiro de 1908 |
| Lugar de falecemento | Vigo |
| Nacionalidade | España |
| Ocupación | emprendedor e político |
| Fillos | Manuel Bárcena Andrés |
| [ editar datos en Wikidata ] | |
Manuel Bárcena Franco, I conde de Torrecedeira, nado en Vigo o 27 de agosto 1834 e finado na mesma cidade o 14 de xaneiro de 1908[1], foi un empresario e político galego.
Traxectoria[editar | editar a fonte]
Fillo de Manuel Bárcena de la Concha Bustillo e de María del Pilar Franco Menéndez Colwel. Educouse en Gran Bretaña. Mantivo e aumentou os negocios de curtidos fundados polo seu pai en Barreiro (Lavadores) e fundou os seus propios como consignatario de buques, gandeiro e promotor de vivendas. Tivo a súa propia casa de banca e foi fundador da Caja de Ahorros y Monte de Piedad de Vigo en 1880. Tamén construíu importantes edificios como o da Caixa de Aforros por el fundada e o Edificio El Moderno.
No Sexenio Democrático foi elixido senador pola provincia de Pontevedra en 1872 e foi reelixido en 1884. O 6 de abril de 1874 foi nomeado presidente da Deputación de Pontevedra. Na Restauración foi alcalde de Vigo (1879-1881) e foi elixido senador por Pontevedra en 1886, sendo reelixido en 1891, 1896 e 1903.
O 3 de xaneiro de 1891 a raíña rexente María Cristina de Habsburgo-Lorena outorgoulle o título de conde de Torrecedeira, en referencia ao Pazo de Torre Cedeira, situado en Cedeira, Redondela[2]. Do seu casamento con Dolores de Andrés-García López naceron tres fillos, o primoxénito dos cales, Manuel Bárcena Andrés herdou o título nobiliario.
| Predecesor: Francisco Fernández Anciles |
 Presidente da Deputación de Pontevedra 1874 |
Sucesor: Benito María de Oca |
| Predecesor: ? |
 Alcalde de Vigo 1879 - 1881 |
Sucesor: Jacobo Domínguez Iglesias |
Notas[editar | editar a fonte]
- ↑ Necrolóxica en La Correspondencia Gallega, 15-1-1908, p. 3.
- ↑ López-Chaves Meléndez, Juan Manuel y Amor Moreno, Grato Ernesto, Inventario de pazos y torres de la provincia de Pontevedra, 1998, ISBN 84-86845-09-02.
Véxase tamén[editar | editar a fonte]
Bibliografía[editar | editar a fonte]
- Espinosa Rodríguez, José (1949). Tierra de Fragoso. Notas para la historia de Vigo y su comarca. Vigo. pp. 456–457. Consultado o 17 de novembro de 2012.
Ligazóns externas[editar | editar a fonte]
- Biografía na web da Cámara de Comercio de Vigo
- Ficha no Senado
- Nuevos tiempos para la nobleza Artigo en Faro de Vigo