Eugenio Arbones Castellanzuelo

Eugenio Arbones Castellanzuelo

Biografía
Nacemento	18 de setembro de 1881 Ponteareas, España
Morte	15 de setembro de 1936 (54 anos) Cabral, España
Causa da morte	paseo, execución por arma de fogo
Deputado nas Cortes republicanas
Representa: Partido Socialista Obrero Español 10 de xullo de 1931 – 9 de outubro de 1933 Lexislatura: I lexislatura da Segunda República Española Circunscrición electoral: Pontevedra
Datos persoais
Educación	Universidade de Santiago de Compostela
Actividade
Lugar de traballo	Madrid
Ocupación	político, xinecólogo
Partido político	Partido Socialista Obrero Español
Familia
Cónxuxe	Carmen Paz-Pardo † 1914
Fillos	Eugenia Arbones Paz
Irmáns	Maximiliano Arbones Castellanzuelo

Eugenio Arbones Castellanzuelo, nado en Ponteareas en 1884 e finado en Vigo o 15 de setembro de 1936, foi un médico e político, asasinado polos sublevados ó comezo da guerra civil.

Traxectoria

"Neste lugar ás dúas beiras da estrada ao mencer do 15 de setembro de 1936 apareceron asasinados polos fascistas os corpos de
Marcial Araújo Conde
Eugenio Arbones Castellanzuelo
Luís Bilbatúa Zubeldia
Segundo Echegaray García
Adolfo Morgade Pazos
Abraham Muñoz Arconada
Inocencio Taboada Montoto.

O pobo non esquece.
 15 de setembro de 2007."

Estudou Medicina na Universidade de Santiago de Compostela, especializouse en Alemaña e chegou a ser un coñecido xinecólogo. Viviu en Vigo a maior parte da súa vida. Foi colaborador habitual do semanario El Tea e a partir de 1911 inclinouse cara ao movemento agrario como propagandista independente e participou na campaña antiforista.

En decembro de 1912 casou con Carmen Paz,"La pareja Arbones Paz-Pardo, castigada por el infortunio". La Voz de Galicia. 9 de febreiro de 2007.  filla do seu colega Nicolás Paz Pardo. Tiveron unha filla, Eugenia. A nai, Carmen, morreu no verán de 1914 vítima dunha epidemia de tifo.

Evolucionou dende o agrarismo ao socialismo e foi vicepresidente do PSOE de Vigo entre 1923 e 1930, e deputado nas eleccións xerais de 1931 pola provincia de Pontevedra na Conxunción Republicano-Socialista-Agraria. En 1933 a candidatura do Partido Socialista por Pontevedra non pactou con ningún outro grupo político, polo que resultou derrotado finalmente. Ás eleccións de febreiro de 1936 non se presentou.

Logo do golpe de Estado do 18 de xullo de 1936 as autoridades militares non o detiveron nin o acusaron, pero a raíz da denuncia doutro médico foi detido no Frontón e asasinado polos falanxistas en Cabral o 15 de setembro, con Segundo Echegaray García, Abraham Muñoz Arconada, Luís Bilbatúa Zubeldia, Inocencio Taboada Montoto, Marcial Araújo Conde e Adolfo Morgade Pazos.

Obras

• Problemas fundamentales de la gestación, 1929.

Véxase tamén

Bibliografía

• "Arbones Castellanzuelo, Uxío". Dicionario biográfico de Galicia 1. Ir Indo Edicións. 2010-2011. pp. 62–63. 
• Comas, Manuel e Durán, José Antonio (2005). "Arbones Castellanzuelo, Eugenio". Gran Enciclopedia Galega. ISBN 84-87804-88-8. 
• Giráldez Lomba, Antonio (2010). 200 memorias de Vigo (en castelán). Caixanova, Faro de Vigo e Alcaldía de Vigo. p. 19. VG 955-2010. 
• Vázquez Xil, Lalo (1994) [1991]. As rúas de Vigo (2ª ed.). Vigo: Ediciones Cardeñoso. p. 127. ISBN 84-87379-47-8. 

Outros artigos

• Nicolás Paz Pardo (sogro).