Ronda de Don Bosco (Vigo)
| Ronda de Don Bosco | |
|---|---|
 | |
| Localización | |
| Localidade | Vigo |
A ronda de don Don Bosco é unha vía urbana da cidade de Vigo. Trátase dunha vía con tráfico en un só sentido. Comeza á altura do Concello de Vigo, saíndo da rúa Cachamuíña, e finaliza confluíndo coas rúas Urzaiz e Príncipe. Durante o traxecto en forma de curva a noventa graos, conflúe con varias rúas, comoo paseo de Granada, os calexóns de Salesianos e de Núñez, as rúas de Granada, Pracer, Enrique Blein Budiño, María Auxiliadora, Taboada Leal, Eduardo Iglesias, Velázquez Moreno, Joaquín Loriga, Progreso, María Berdiales, Londres e Gil.
Recibe o nome de ronda de Don Bosco na honra de Xoán Bosco, relixioso italiano da orde dos salesianos.[1] Na ronda atópase unha escultura de pedra a el dedicada, obra de Camilo Nogueira. Creouse en 1966 por iniciativa da asociación de antigos alumnos de Salesianos na igrexa de María Auxiliadora, se ben en 2021 se trasladou ao lugar actual.
Humanización[editar | editar a fonte]
En decembro de 2020 a ronda comezou a súa humanización coa creación dunha praza peonil no tramo comprendido entre ás rúas María Auxiliadora e Pracer. Nas obras, taláronse as tres árbores que ocupaban aquel espazo, o que xerou non poucas críticas entre a poboación.[2] A humanización orzamentouse por 1,5 millóns de euros.[3]
Notas[editar | editar a fonte]
- ↑ Lamas, Jorge. "La ronda pertenece a Don Bosco". La Voz de Galicia. Consultado o 6 de xullo de 2024.
- ↑ "O concello tala as últimas árbores da Ronda de Don bosco e afirma que é por risco de caída.". VigoE. Consultado o 6 de xullo de 2024.
- ↑ "Inauguración da ronda de Don Bosco.". VigoE.
Véxase tamén[editar | editar a fonte]
Bibliografía[editar | editar a fonte]
- Plan Especial de Protección do Ensanche e a Cidade Central Concello de Vigo, 2007.
- Miguel Ángel Martínez López. Historias sociais, urbanas e mediáticas do Casco Vello de Vigo. Castrelos 9-10 (1996-1997). 313-338
