Pedro Alonso Pérez

Na Galipedia, a Wikipedia en galego.

Pedro Alonso Pérez, nado en Madrid o 27 de maio de 1907 e finado en Vigo o 20 de abril de 1990, foi un arquitecto español, que traballou en Galicia.

Traxectoria[editar | editar a fonte]

Real Club Náutico de Vigo, 1944.

Licenciouse en Madrid en 1932. Foi delegado do Instituto Nacional da Vivenda para o norte de España. A partir de 1940 asociouse con Francisco Castro Represas en Vigo, e traballaron xuntos até 1988. Na súa obra, que evolucionou do eclecticismo ao racionalismo, destaca o emprego do granito, o uso de balconadas e de cornixas corridas.

Obra[editar | editar a fonte]

Edificio Pernas (1941) dende a Praza de América.
  • O Edificio Ribas, na rúa Marqués de Valladares 22, esquina coa rúa Colón.
  • Os números 4 e 6 da praza de Compostela.
  • O Edificio Barreras (1940) na rúa Colón.
  • O Edificio Pernas (1941) que ocupa todo o rueiro formado pola Gran Vía coas rúas López Mora e Ramón González Sierra.
  • O Edificio Albo (1942) na Gran Vía esquina Urzáiz.[1]
  • O Real Club Náutico de Vigo (1944-45).
  • O Edificio Miguel Seijo Serodio (1945).[2]
  • O Edificio comercial para José González (1949), na rúa Marqués de Valladares.[3]

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]