Xulia Minguillón

Na Galipedia, a Wikipedia en galego.
Saltar ata a navegación Saltar á procura
Xulia Minguillón
Nacemento17 de xullo de 1906
 Lugo
Falecemento22 de agosto de 1965
 Madrid
NacionalidadeEspaña
Ocupaciónpintora
CónxuxeFrancisco Leal Insua
Vigo, MARCO 03-04g, Xulia Minguillón.jpg
editar datos en Wikidata ]

Xulia Minguillón Iglesias, nada en Lugo o 17 de xullo de 1906 e finada en Madrid o 22 de agosto de 1965, foi unha pintora galega de renome. A súa linguaxe pictórica reflicte o gusto da España de posguerra. A súa obra pertence a unha ​ figuración realista, con escenas cotiás, intimistas, amables e de carácter popular[1][2].

Traxectoria[editar | editar a fonte]

Pasou a infancia en Vilanova de Lourenzá, onde seu pai era farmacéutico, e en Castela. De volta en Lugo, estudou na Escola de Artes e Oficios para logo se mudar a Madrid, onde asiste á Academia de Belas Artes de San Fernando grazas a unha bolsa da deputación de Lugo[3].

Expuxo por primeira vez no Concurso Nacional de Retratos de 1933, xénero que seguiu cultivando adoito de encarga. Ao ano seguinte obtivo a terceira medalla na Exposición Nacional de Belas Artes cunha composición relixiosa, Xesús con Marta e María, gabada por Ignacio Zuloaga.

Coa chegada da guerra civil regresa á casa paterna en Lourenzá, onde permanece en canto dura a contenda. En 1939 casou co xornalista e escritor Francisco Leal Insua.

Volveu participar na Exposición Nacional de Belas Artes en 1941, da que gañou a medalla de ouro con Escola de Doloriñas, obra representativa da realidade galega do momento.​ Foi a única muller en obter ese galardón en calquera das categorías das Exposicións Nacionais, celebradas entre 1856 y 1968[4]. Ao ano seguinte, a Escola foi exposta na Bienal de Venecia. O seu éxito foi arrequentado co recoñecemento do cadro Xuventude co premio do Círculo de Belas Artes de Madrid en 1948.​

En 1949 o seu home foi nomeado director do Faro de Vigo, polo que se traslada á cidade olívica. Dende entón seguiu pintando, expoñendo en Vigo e Madrid e viaxando a París e Suramérica[5].

Minguillón formou parte dunha xeira de artistas galegas ligada aos movementos artísticos da vangarda, como Maruxa Mallo e Elena Gago[6].

Recoñecemento[editar | editar a fonte]

As localidades de Lugo, Vilanova de Lourenzá, Vigo e A Coruña teñen senllas rúas co seu nome.

Notas[editar | editar a fonte]

  1. "Xulia Minguillón | Álbum de mulleres | culturagalega.org". culturagalega.gal. Consultado o 2020-06-20. 
  2. "Minguillón Iglesias, Julia - Museo Nacional del Prado". www.museodelprado.es. Consultado o 2020-06-20. 
  3. Cervantes, Biblioteca Virtual Miguel de. "Biblioteca Virtual Miguel de Cervantes". Biblioteca Virtual Miguel de Cervantes (en castelán). Consultado o 2020-06-20. 
  4. Óscar Esquivias: Julia Minguillón en el Reina Sofía. 20 minutos, 16 de setembro de 2016 (en castelán).
  5. "JULIA MINGUILLÓN - Afundación". www.afundacion.org. Consultado o 2020-06-20. 
  6. "La mujer del cine Avenida". La Opinión Coruña (en castelán). 29/7/2011. 

Véxase tamén[editar | editar a fonte]

Bibliografía[editar | editar a fonte]

  • Campoy, A. M.: Diccionario crítico del arte español contemporáneo. Madrid, Ibérico Europea de Edic., 1973.
  • Carballo Calero, Mª Victoria: Xulia Minguillón. A Coruña, Fundación Barrié de la Maza, 1984.
  • Chamoso Lamas, Manuel: «Arte» en Galicia. Barcelona, Edit. Noguer, 1976.
  • Diego; Sobrino; Sarmiento (1995). A arte inexistente: as artistas galegas do século XX (PDF). Auditorio de Galicia. 
  • Pablos, Francisco: Colección Adriano Marques de Magallanes. Concello de Vigo, 1992.
  • Pablos, Francisco: Plástica galega. Vigo, Caja de Ahorros Municipal de Vigo, 1981.
  • Carballo Calero, Mª Victoria: Catálogo de pintura do Museo Provincial de Lugo. Lugo, 1960.
  • VV. AA.: Un siglo de pintura gallega, 1880/1980. Buenos Aires, Museo Nacional de Bellas Artes, 1984.
  • VV. AA.: Mujeres en el arte español. Madrid, Centro Conde Duque, 1984.
  • Pantorba, Bernardino de: Historia y crítica de las Exposiciones Nacionales de Bellas Artes. Madrid,1980.
  • Ilarri Gimeno, Ángel: Catálogo do Pazo Museo Quiñones de León. Vigo, Concello de Vigo 1978. Arte galega en Caixa Galicia. Santiago, Caixa Galicia 1992.
  • Gaya Nuño, J. A.: La pintura española del siglo XX. Madrid, Ibérico Europea de Edic., 1970.
  • Minguillón, Julia: Catálogo da Exposición Antolóxica. Fundación Caixa Galicia, 1992.
  • Mon, Fernando: Pintura contemporánea en Galicia. A Coruña, Fundación Caixa Galicia, 1987.

Ligazóns externas[editar | editar a fonte]