Universidade de Vigo

Na Galipedia, a Wikipedia en galego.
Universidade de Vigo
LogoUniversidadeVigo.png
Logo da Universidade de Vigo
Datos xerais
Localización Vigo/Ourense/Pontevedra
Datos actuais
Reitor Salustiano Mato
Alumnos 21 776[1]
Datos de contacto
Enderezo Campus Universitario, Vigo (Pontevedra)
Páxina web uvigo.gal

A Universidade de Vigo é unha universidade pública inserida dentro do Sistema Universitario de Galicia con sede na cidade de Vigo. Conta con campus en tres cidades: Campus de Vigo, Campus de Pontevedra e Campus de Ourense. Dende o 2010 Salustiano Mato de la Iglesia ocupa o cargo de reitor e desde este mesmo ano a universidade viguesa é Campus de Excelencia Internacional polo proxecto Campus do Mar.

Historia[editar | editar a fonte]

O antecedente directo da institución foi o chamado Colexio Universitario de Vigo, creado tras a aprobación en 1972 da construción do citado no Monte das Lagoas (Marcosende) e baixo o patrocinio da Caixa de Aforros de Vigo. No curso 1977-78 iniciáronse as clases nas titulacións que naquel entón se ofrecían: Ciencias Químicas e Biolóxicas, Económicas e Filoloxía. Dous anos despois do comezo da docencia na institución a Universidade de Compostela integrou os estudos impartidos en Vigo baixo a súa tutela administrativa e académica.

A Lei 11/1989 de 20 de xullo de ordenación do sistema universitario de Galicia reordenou o panorama universitario da comunidade autónoma. A Universidade de Vigo foi constituída como tal en 1990 tras a súa segregación da Universidade de Santiago de Compostela. O primeiro reitor (1990-1994) foi o enxeñeiro químico Luís Espada Recarey que sería substituído no cargo polo profesor José Antonio Rodríguez Vázquez (1994-1998). Entre os anos 1998 e 2006 o posto estivo en mans do catedrático redondelán Domingo Docampo Amoedo ao que seguiu Alberto Gago Rodríguez, reitor da institución desde 2006 ata 2010.

A Universidade acadou o maior número de matrículas no curso 1999-2000 (29 000 alumnos/as), desde entón houbo un continuo descenso do alumnado. En 2006 contaba con 21 263 matriculados/as (12 820 no Campus de Vigo, 4 991 no de Ourense e 3 452 no de Pontevedra). No curso 2014-15 o número total de estudantes ascendía a 21 776.[2].

Campus[editar | editar a fonte]

A Universidade de Vigo conta con tres campus en diversas poboacións do territorio galego: Vigo, Ourense e Pontevedra.

O Campus de Vigo atópase distribuído en diversas sedes sendo a principal a cidade universitaria de Lagoas-Marcosende situada na parroquia de Zamáns, non obstante, no centro da antedita sitúase a chamada Sede Cidade asentada nun edificio da década de 1930 deseñado polo arquitecto vigués Jenaro de la Fuente Álvarez. Este edificio está situado na rúa Conde de Torrecedeira, coñecido durante moito tempo como Escola de Peritos Industriais é hoxe parte da Escola de Enxeñaría Industrial da UVIGO.

O Campus de Pontevedra dispón de varios espazos dentro da cidade homónima. Posúe un campus central coñecido como A Xunqueira sito na zona norte da vila, alén de diversas facultades no centro da cidade. A sede do vicerreitorado está enclavada na Casa das Campás, un edificio histórico de propiedade municipal cedido para uso da Universidade de Vigo.

O Campus de Ourense atópase plenamente inserido no casco urbano da cidade.

Centros docentes[editar | editar a fonte]

Campus de Vigo (As Lagoas-Marcosende)[editar | editar a fonte]

Escola de Enxeñaría Industrial.
Facultade de Ciencias Económicas (Campus Lagoas-Marcosende).
Facultade Filoloxía e Tradución (campus Lagoas-Marcosende).

Campus de vigo (Sede Cidade)[editar | editar a fonte]

Centros adscritos[editar | editar a fonte]

  • EU de Enfermaría (Meixoeiro)
  • EU de Enfermaría (Povisa)
  • EU de Maxisterio "María Sedes Sapientiae"
  • Escola de Negocios Afundación

Campus de Pontevedra[editar | editar a fonte]

Centros adscritos[editar | editar a fonte]

  • Escola Universitaria de Enfermaría
  • Centro Universitario da Defensa (Marín)

Campus de Ourense[editar | editar a fonte]

  • Escola Superior de Enxeñaría Informática
  • Facultade de Ciencias
  • Facultade de Ciencias da Educación
  • Facultade de Ciencias Empresariais e Turismo
  • Facultade de Dereito
  • Facultade de Historia
  • Centro de Investigación, Transferencia e Innovación (CITI)

Centros Adscritos[editar | editar a fonte]

  • Escola Universitaria de Enfermaría

Estrutura de goberno[editar | editar a fonte]

O 20 de maio de 2010 celebráronse eleccións ao reitorado con dúas candidaturas: Nova Universidade, liderada por Jaime Cabeza Pereiro, e Alternativa Universitaria, liderada por Salustiano Mato. Esta última resultou a vencedora na cita electoral acadando o 52,6 % dos votos[3]. No ano 2014, Mato presentou a súa candidatura por Nova Universidade e obtivo a reelección por 751 votos nuns comicios aos que acudía como único candidato. Desde o 4 de xullo de 2014 a xunta de goberno da universidade está composta por:

  • Reitor: Salustiano Mato de la Iglesia
  • Vicerreitoría de Planificación e Economía: José Manuel García Vázquez
  • Vicerreitoría de Investigación e Transferencia: María Asunción Longo González
  • Vicerreitoría de Organización Académica e Profesorado: Ana María Graña Rodríguez
  • Vicerreitoría de Estudantes: Dolores González Álvarez
  • Vicerreitoría de Extensión Universitaria e Relacións Internacionais: Manuel Fernández Iglesias
  • Vicerreitoría do Campus de Ourense: Virxilio Rodríguez Vázquez
  • Vicerreitoría do Campus de Pontevedra: Juan Manuel Corbacho Valencia
  • Secretaría Xeral: Gloria Pena Uris

Graos, mestrados, estudantado e outros datos de interese[editar | editar a fonte]

Desde a súa segregación da Universidade de Santiago de Compostela, a Universidade de Vigo foi pouco a pouco incrementando tanto o número de titulacións como a cantidade de profesorado e alumnado. Na actualidade, a UVIGO conta cunha media aproximada de 22 000 alumnos, 1 425 docentes, 50 graos, 88 mestrados oficiais e 34 programas de doutoramento repartidos nun total de 32 centros (21 centros universitarios propios, 7 centros adscritos e 4 centros tecnolóxicos).[4]

Amais, pasou dun investimento en investigación de 0,51 millóns de euros no ano 1991 a 5,23 millóns no 2001. O orzamento total da institución para 2016 ascende a 160.586.524 €[5]

Galería de imaxes[editar | editar a fonte]

Xerencia UVIGO (Lagoas-Marcosende).
 
Edificio de Ferro: Facultade de Historia e Facultade de Ciencias da Educación no Campus Ourense
 
Facultade de Dereito de Ourense
 
Biblioteca Central do Campus de Ourense
 
Edificio de Despachos do Campus Ourense
 
Escola Universitaria de Enxeñaría Técnica Forestal de Pontevedra
 
Facultade de económicas (Lagoas-Marcosende).
 
Edificio Mirallles (Lagoas-Marcosende).
 

Notas[editar | editar a fonte]

  1. [1]
  2. Vigo, Universidade de. "Datos académicos xerais - Universidade de Vigo". www.uvigo.gal. Consultado o 15-4-2016. 
  3. "Salustiano Mato será o reitor da Universidade de Vigo", artigo en Vieiros, 21 de maio de 2010.
  4. Estes datos corresponden ao curso 2013/2014. Tódalas cifras pódense consultar en: https://www.uvigo.gal/uvigo_gl/transparencia/resultados/
  5. Todos os datos económicos actualizados do centro poden ser consultados na seguinte ligazón https://www.uvigo.gal/uvigo_gl/administracion/estudos_programas/actividades/informes/informacion-economica.html

Véxase tamén[editar | editar a fonte]

Commons
Wikimedia Commons ten máis contidos multimedia na categoría: Universidade de Vigo Modificar a ligazón no Wikidata

Outros artigos[editar | editar a fonte]

Ligazóns externas[editar | editar a fonte]