Álvaro López Mora

Álvaro López Mora
Nacemento	18 de marzo de 1853
Lugar de nacemento	Santiago de Compostela
Falecemento	26 de abril de 1917
Lugar de falecemento	Madrid
Nacionalidade	España
Ocupación	político
[ editar datos en Wikidata ]

Álvaro López Mora, nado en Santiago de Compostela o 18 de marzo de 1853 e finado en Madrid o 26 de abril de 1917, foi un avogado e político galego.

Traxectoria

Fillo de Joaquín López de Amarante, licenciouse en Dereito e emigrou a Cuba onde obtivo a cátedra de Dereito Canónico na Universidade da Habana e ingresou na carreira xudicial. Regresou a España en 1886. Amigo persoal de Eugenio Montero Ríos, militou no partido Liberal. Foi deputado por Padrón en 1886 e 1891, en 1898 e 1901 foi elixido deputado por Xinzo de Limia e en 1905 foi deputado por Huelva. Foi senador pola provincia da Coruña (1893-1894), pola provincia de Cáceres (1903-1904) e senador vitalicio (1911-1914). Foi director xeral do Contencioso (1898), de Administración local (1905) e de Comunicacións (1907) e tamén Subsecretario de Xustiza (1909). Estaba casado con Manuela Gasset Chinchilla. Colaborou en El Imparcial, que dirixía o seu cuñado Rafael Gasset Chinchilla.

Casas para Álvaro López Mora, en Vigo.

Véxase tamén

Ligazóns externas

• Ficha no Congreso dos DeputadosArquivado 07 de abril de 2017 en Wayback Machine.
• Ficha no Senado