Carlos Oroza

Carlos Oroza
Nacemento	13 de maio de 1923
	Viveiro
Falecemento	21 de novembro de 2015
	Vigo
Causa	Insuficiencia cardíaca
Soterrado	Cemiterio de Pereiró
Nacionalidade	España
Ocupación	poeta e escritor
Fillos	Marina Oroza
Xéneros	Poesía
Premios	Premio Laxeiro
	[ editar datos en Wikidata ]
	v; c; e;

Carlos Oroza Fernández, nado en Viveiro o 13 de maio de 1923^[1] e finado en Vigo o 21 de novembro de 2015,^[2] foi un poeta galego.

Traxectoria[editar | editar a fonte]

Cuarto na Casa Museo de Uxío Novoneyra onde Carlos Oroza residiu.

De novo marchou a Madrid, onde comezou a traballar nunha pensión. Na década de 1960 fíxose famoso con recitais por toda España, na liña da poesía beat. Naquel tempo fundou a revista Tropos xunto con Víctor Lizárraga e Victoria Paniagua. Participou como actor no filme ¿Por qué te engaña tu marido? (Manuel Summers, 1969), e despois pasou un ano en Eivissa. De ideoloxía libertaria e antifranquista, tivo problemas coa súa actividade poética nos anos setenta. A súa adscrición ao movemento beat foi recoñecida nos Estados Unidos, onde recibiu o premio internacional de Poesía Underground en Nova York. En 1975 cantou xunto ao grupo Eclipse, publicando o sinxelo Malú (Ariola, 7"), coas cancións "Malú" e "Evame Malú", dous temas de rock progresivo con influencias tribais e planeantes^[3]. En 1985 regresou a Galiza e viviu en Vigo até a súa morte no 2015.

A pesar de non ter unha gran cantidade de obra escrita e publicada (e os seus libros son dificilmente atopables), Carlos Oroza é coñecido pola interpretación e performance dos seus propios poemas.

Obra[editar | editar a fonte]

Poesía[editar | editar a fonte]

Eléncar (1974).
Cabalum (1980, Ediciós do Castro).
Alicia (1985).
Una porción de tierra gris del norte (1996).
En el norte hay un mar que es más alto que el cielo, primeira edición en 1997, revisada e ampliada en 2005 (Deputación de Pontevedra).
La llama prestada (1998).
Évame (2012), Editorial Elvira.

Recoñecementos[editar | editar a fonte]

Recibiu o Premio Laxeiro no ano 2008.

Levan o seu nome un centro de ensino público de Pontevedra^[4] e unha pequena rúa de Vigo, que conecta as rúas do Príncipe e de Policarpo Sanz, próxima á Porta do Sol.

Galería de imaxes[editar | editar a fonte]

Carlos Oroza

Recitando en Redondela.

Enterro de Oroza.

Notas[editar | editar a fonte]

↑ "Carlos Oroza, poeta maior", artigo de Manuel Bragado en Faro de Vigo, 28 de xaneiro de 2014.
↑ "Fallece en Vigo a los 93 años el poeta Carlos Oroza". Faro de Vigo. 22 de novembro de 2015. Arquivado dende o orixinal o 22 de novembro de 2015. Consultado o 22 de novembro de 2015.
↑ García Lloret, P.: Psicoldelia, Hippies y Undergroung en España 1965-1980.
↑ CIFP Carlos Oroza