Centro de Arte Fotográfica de Vigo

Na Galipedia, a Wikipedia en galego.
C A F V I
Centro de Arte Fotográfica de Vigo.JPG
Centro de Arte Fotográfica de Vigo.
Coordenadas 42°14′17.72″N 8°43′39.69″O / 42.2382556, -8.7276917Coordenadas: 42°14′17.72″N 8°43′39.69″O / 42.2382556, -8.7276917
País Galicia.
Cidade Vigo.
Tipo Exposición fotográfica.
Inauguración 7 de maio de 2015.[1]
Visitantes sen datos

O Centro de Arte Fotográfica de Vigo (CAFVI) é un espazo expositivo que abriu as portas en maio de 2015.[2]

Descrición[editar | editar a fonte]

Forma parte da rede de museos do concello e está situado nun edificio recuperado do casco vello vigués.[3] Inicialmente o proxecto chamouse Centro Galego de Fotografía,[4] concibido como centro de exposición e investigación de referencia da fotografía galega, e estaba destinado a albergar as colección municipais (arquivo Pacheco, Ksado, Fotobienal e Vigo Visión) e promover a fotografía contemporanea.[5]

A iniciativa de facer o centro foi da concellaría de cultura, a cargo do BNG, cando, canda o PSdeG, formaba parte do goberno municipal bipartito. O investimento inicial, dun millón de euros, do Ministerio de Cultura de España, procedeu de fondos do Plan-E. Logo, o proxecto estivo detido durante case tres anos, ata que o concello destinou 379.000 euros para equipamentos.[6] Finalmente o centro abriu as portas o 7 de maio de 2015, dúas semanas antes das eleccións municipais dese mes.

"Vigo, a cidade retratada", de comisariado non divulgado,[5] foi a exposición inaugural, formada por unha pequenísima mostra de cincuenta fotografías, das cento corenta mil que compoñen o Arquivo Pacheco.[7]

Galería de imaxes[editar | editar a fonte]

 
 

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]