Fundación Barrié

Fundación Barrié
	Sede nos cantóns da Coruña
	Instancia de fundación
	Forma xurídica fundación
Persoas e organizacións
	Fundador/a Pedro Barrié de la Maza
	Presidente/a Xosé María Arias
	Membro de Asociación Española de Fundaciones
Datas e cronoloxía
	Fundación 5 de novembro de 1966
Premios
	Premios Premio Otero Pedrayo (2001)
Localización
	Enderezo Cantón Grande 9. 15003
	Sede A Coruña
	País España
Fontes e ligazóns
	Páxina WEB fundacionbarrie.org
	Redes
	Wikidata C:Commons

A Fundación Pedro Barrié de la Maza é unha fundación patrimonial privada, coa finalidade de promover o desenvolvemento e a cultura en Galicia.

Historia

A organización foi creada o 5 de novembro de 1966 por Pedro Barrié de la Maza, quen a declarou herdeira universal da súa fortuna. Posteriormente, a súa irmá Gertrudis e a súa viúva Carmela Arias achegaron tamén parte do seu patrimonio. A fundación foi declarada de interese galego pola Xunta de Galicia o 13 de xuño de 1986.

Foi accionista maioritaria de Banco Pastor, ata a súa fusión co Banco Popular en 2013, obtendo dos rendementos das accións nesta empresa a maior parte dos seus ingresos.

Sedes

A sede da Coruña sitúase no número 9 do Cantón Grande. Foi inaugurada en 1995 pola Raíña Sofía. A sede de Vigo está radicada no número 31 da rúa de Policarpo Sanz, no Edificio Banco de Vigo. Foi aberta en 2005 e recibiu diversos premios pola súa restauración, asinada polos arquitectos Emilio Tuñón e Luis Mansilla.

Actividade

A fundación contribuíu de diversas formas á cultura, educación, sanidade etc. de Galicia. Colaborou na creación das escolas universitarias de Arquitectura e Arquitectura Técnica na Coruña e a de Enxeñería Industrial en Vigo e do Instituto da Lingua Galega.

Organiza anualmente o Ciclo de Jazz da Fundación Barrié e entrega bolsas a estudantes universitarios.

Véxase tamén

Ligazóns externas

Web da Fundación Barrié