Rúa de Urzaiz

Rúa de Urzaiz
Último tramo da rúa Urzaiz. Ao fondo, a rúa peonil do Príncipe
Localización
Localidade	Vigo

A rúa de Urzaiz ou Urzáiz é unha vía urbana da cidade de Vigo. Vai desde a avenida de Ramón Nieto até o farol de Príncipe, onde converxen as rúas de Príncipe e Colón. Ten unha lonxitude aproximada duns 2 km.

Historia

A rúa de Urzaiz recibiu diferentes denominacións ao longo da súa historia. En 1906 púxoselle o nome do xornalista, avogado e deputado conservador Ángel Urzaiz, quen colaborou de xeito notábel no desenvolvemento da cidade. Malia ser de El Puerto de Santa María, presentouse en varias ocasións coma deputado por Vigo, ademais de desenvolver outros cargos como o de Ministro de Facenda durante o reinado de Afonso XIII. Respondía a unha ideoloxía de corte liberal conservadora, e foi relevante para o empresariado vigués, especialmente para a industria conserveira. Tamén foi responsábel da anexión do Concello de Bouzas.

En 1931 a vía renomeouse como rúa García Hernández, na honra do militar insurrecto republicano da campaña de Jaca, e que participou na sublevación monárquica na campaña do Capitán Galán. Tras a guerra civil española gran parte do nomenclátor do rueiro estatal mudou para darlles cabida a militares e persoeiros franquistas. Así, a rúa de Urzaiz recibiu, até o ano 1981, o nome do fundador da Falange Española de las JONS, José Antonio Primo de Rivera. Xa tras a restauración democrática retomou o nome de Ángel Urzaiz]].

Edificios singulares

Igrexa das Siervas de Jesús, na rúa de Urzaiz.

• Estación de Vigo-Urzaiz, nova estación de ferrocarrís, ademais de praza, centro comercial, aparcadoiro e estación de autobuses. O edificio foi deseñado por Thom Mayne e inaugurado oficialmente o 16 de abril de 2015.
• Edificio Albo, grande estandarte do racionalismo vigués.
• Eficio Aurora Polar
• Casas de Benito Sanjurjo
• Hotel Zenit
• Edificio de Camilo y Benido Fernández
• Edificio para Emilio Méndez (La Peineta)
• Siervas de Jesús
• Urzaiz, 27 (Edificio do Reloxo)

Galería de imaxes

• 
• 
• 
• 
• 
• 
• 
• 
• 
• 

Véxase tamén

Bibliografía

• Antomil Pérez, Daniel. De los nombres de las calles de Vigo. ISBN 9788481908442.

Outros artigos

• Ángel Urzaiz
• Estación de Vigo-Urzaiz