Julián Barrio
| Julián Barrio Barrio | |
|---|---|
 Julián Barrio na consagración da igrexa do Bo Pastor de Monte Porreiro, 2010 | |
| Arcebispo da Igrexa Católica Latina | |
| Biografía | |
| Nacemento | 15 de agosto de 1946 en Manganeses de la Polvorosa, Zamora |
| Alma máter | Universidade Pontificia de Salamanca Universidade Pontificia Gregoriana Universidade de Oviedo |
| Ordes | |
| Ordenación sacerdotal | 4 de xullo de 1971, por Antonio Briva Mirabent |
| Consagración episcopal | 7 de febreiro de 1993, por Antonio Rouco Varela |
| Arcebispo metropolitano de Santiago de Compostela | |
| 1996 - actualidade | |
| Predecesor | Antonio María Rouco Varela |
| Cargos anteriores | Bispo titular de Sasabe |
| Outros | |
 Escudo de Julián Barrio Barrio | |
| In verbo tuo Domine | |
| Ficha en catholic-hierarchy.org | |
Julián Barrio Barrio, nado en Manganeses de la Polvorosa (Zamora, Castela e León) o 15 de agosto de 1946, é un crego católico vinculado a Galicia, arcebispo de Santiago de Compostela desde 1996.
Traxectoria[editar | editar a fonte]
Formación[editar | editar a fonte]
Estudou Humanidades e Filosofía no seminario de Astorga e licenciouse en teoloxía pola Universidade Pontificia de Salamanca en 1971, ano no que ademais foi ordenado sacerdote. Xa como crego proseguiu os seus estudos e doutorouse en Historia da Igrexa pola Universidade Pontificia Gregoriana en Roma, en 1976, e posteriormente completou os seus estudos licenciándose tamén en Xeografía e Historia na Universidade de Oviedo, en 1979.
Carreira eclesiástica[editar | editar a fonte]
A partir de 1980 foi vicerreitor do Seminario de Astorga, ata o ano 1992, cando foi nomeado bispo auxiliar de Santiago de Compostela. Colaborou con seu predecesor, o arcebispo Antonio María Rouco Varela, ata que este foi trasladado a Madrid. Foi nomeado Administrador Diocesano de Santiago de Compostela ata o 25 de outubro de 1994 e posteriormente (o 5 de xaneiro de 1996) foi nomeado arcebispo de Compostela por bula do papa Xoán Paulo II.
Dende que asumiu o arcebispado caracterizouse pola súa actitude conservadora e firme nas súas conviccións, continuando coa política do seu antecesor. Defendeu publicamente o catolicismo como "sinal de identidade do pobo español" e opúxose á aprobación legal en España do matrimonio homosexual, afirmando que "o matrimonio é esencialmente heterosexual e base ineludíbel da familia, cuxa quebra supón a quebra da sociedade.[1] Durante o seu arcebispado celebráronse tres Anos Santos, o terceiro deles coa visita do papa Bieito XVI a Santiago de Compostela.
Nomeado presidente da Comisión de Apostolado Segrar da Conferencia Episcopal Española en 2008,[2] en 2011 entrou a formar parte do comité executivo da Conferencia Episcopal Española.[3]
Como arcebispo de Santiago, foi quen oficiou o funeral de Estado polas vítimas do accidente de Angrois en 2013. En decembro de 2009 promoveu unha reforma dos arciprestados de Galicia, suprimindo por concentración varios deles.[4]
Sucesión apostólica[editar | editar a fonte]
- Artigo principal: Sucesión apostólica.
- Julián Barrio (1993)
- Antonio María Rouco Varela (1976)
- Ángel Suquía (1966)
- Antonio Riberi (1934)
- Pietro Fumasoni (1916)
- Domenico Serafini (1900)
- Serafino Vannutelli (1869)
- Constantino Patrizi Naro (1828)
- Carlo Odescalchi (1823)
- Giulio Maria della Somaglia (1788)
- Hyacinthe-Sigismond Gerdil (1777)
- Marcantonio Colonna (1762)
- Carlo della Torre Rezzonico (1743)
- Prospero Lorenzo Lambertini (1724)
- Pietro Francesco Orsini (1675)
- Paluzzo Paluzzi Altieri degli Albertoni (1666)
- Ulderico Carpegna (1630)
- Luigi Caetani (1622)
- Ludivico Ludovisi (1621)
- Galeazzo Sanvitale (1604)
- Girolamo Bernerio (1586)
- Giulio Antonio Santorio (1566)
- Scipione Rebiba (1541)
Notas[editar | editar a fonte]
- ↑ "El arzobispo de Santiago ataca ante el Rey el matrimonio homosexual" Arquivado 06 de xullo de 2019 en Wayback Machine. El País, 26 de xullo de 2004
- ↑ "El arzobispo de Santiago, reelegido en su cargo en la Conferencia Episcopal Arquivado 14 de xullo de 2014 en Wayback Machine.", El Correo Gallego, 6 de marzo de 2008.
- ↑ "Monseñor Barrio entra en la cúpula de la Iglesia", El Correo Gallego, 2 de marzo de 2011.
- ↑ "Monseñor Barrio tiene que suprimir diez arciprestazgos por la escasez de sacerdotes y la sangría de vocaciones". El Correo Gallego (en castelán) (Santiago de Compostela). 1 de decembro de 2009.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Julián Barrio |
Bibliografía[editar | editar a fonte]
- Barrera, Feliciano, ed. (2002). "Barrio Barrio, Julián". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 59. ISBN 84-8064-113-4.
