Javier Fernández Fernández (político)
 | Este artigo (ou sección) está desactualizado(a). A información fornecida mudou ou é insuficiente desde a última vez que se editou, que foi en novembro de 2018. |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde novembro de 2018.) |
  | |
| Biografía | |
|---|---|
| Nacemento | 7 de xaneiro de 1948 (76 anos) Mieres, España |
 8º Presidente do Principado de Asturias | |
| 26 de maio de 2012 – 20 de xullo de 2019 ← Francisco Álvarez-Cascos – Adrián Barbón → | |
 Q64815232  | |
| 4 de setembro de 2000 – 17 de setembro de 2017 ← Luis Martínez Noval – Adrián Barbón → | |
 Deputado no Congreso dos Deputados | |
| 20 de marzo de 1996 – 22 de xullo de 1999 – José Alberto Pérez Cueto → Lexislatura: VI lexislatura de España Circunscrición electoral: Asturias (en) Electo en: Eleccións Xerais 1996 en España | |
| Datos persoais | |
| País de nacionalidade | España |
| Educación | Universidade de Oviedo |
| Actividade | |
| Lugar de traballo | Oviedo |
| Ocupación | político , funcionario , enxeñeiro |
| Partido político | Partido Socialista Obrero Español |
| Membro de | |
| Lingua | Lingua castelá |
| Páxina web | javierfernandez.es |
Javier Fernández, nado en Mieres o 7 de xaneiro de 1948, é un político asturiano pertencente ao PSOE. É secretario xeral da Federación Socialista Asturiana desde o 4 de novembro de 2000 e Presidente do Principado de Asturias desde o 26 de maio de 2012.
Biografía[editar | editar a fonte]
Naceu na cidade asturiana de Mieres, concretamente, no barrio de Requejo. Provén dunha familia fortemente ligada á esquerda desde a Guerra Civil Española.
Tras o bacharelato, cursa estudos de enxeñaría de minas na escola de Oviedo e posteriormente diplómase en calidade ambiental. En 1978, abre en Xixón, canda outros dous compañeiros de profesión, un despacho de proxectos e estudos de enxeñaría. Máis tarde, en 1984, aproba as oposicións para o Corpo Especial de Enxeñeiros de Minas do Estado e é destinado a Cantabria.
Traxectoria política[editar | editar a fonte]
En 1987 afíliase ao Partido Socialista Obrero Español en Xixón. Tras as eleccións autonómicas de 1991, sendo Presidente do Principado de Asturias Juan Luis Rodríguez-Vigil e conselleiro de Industria, Comercio e Turismo Victor Zapico, Javier Fernández é nomeado Director Rexional de Minas e Enerxía. Coa chegada do Partido Popular á presidencia do Principado en 1995, Javier Fernández volve ao seu posto como inspector de minas, pero por pouco tempo, xa que o PSOE inclúeo nas listas ao Congreso dos Deputados para as eleccións xerais de marzo de 1996 e obtén un escano.
O PSOE gaña as eleccións autonómicas de 1999 e é investido Presidente do Principado Vicente Álvarez Areces que lle confía a Javier Fernández a consellaría de Industria, Comercio e Turismo; deixando este o seu escano no Congreso.
En novembro de 2000, Javier Fernández preséntase á secretaría xeral da Federación Socialista Asturiana no XXVII Congreso Rexional, e consegue a vitoria por unha estreita marxe de votos. A partir dese momento, dimite como conselleiro e volve ao seu posto de funcionario na Dirección Xeral de Minas, compaxinando a acción política co seu posto de traballo.
En xullo de 2003 é designado senador en representación da Comunidade Autónoma, permanecendo na Cámara Alta até abril de 2012.
En 2004 e 2008 revalida o cargo de secretario xeral dos socialistas asturianos. Nas eleccións autonómicas de 2007 ocupa o segundo posto na lista da FSA á Xunta Xeral do Principado, xusto detrás do presidente Vicente Álvarez Areces.
En xullo de 2010, amosa a súa disposición de encabezar a lista da FSA para as eleccións autonómicas de 2011, sendo ratificada a súa candidatura en outubro. O PSOE gana en votos pero consegue un escano menos que Foro Asturias polo que renuncia a presentar candidatura para a presidencia do Principado na Xunta Xeral. É investido presidente Francisco Álvarez-Cascos e Javier Fernández é o líder da oposición.
Non obstante, o escaso apoio co que contaba o goberno de FAC na Xunta Xeral e a incapacidade do seu presidente para alcanzar acordos, provocan un adianto electoral en marzo de 2012. Nesta ocasión, o PSOE gana en votos e en escanos, obtendo 17 dos 45 que compoñen a cámara. Javier Fernández É investido Presidente do Principado de Asturias o 26 de maio de 2012 en primeira volta, tras recibir os votos do seu partido, de Izquierda Unida e de Unión, Progreso y Democracia.
Cargos políticos desempeñados[editar | editar a fonte]
- Director Rexional de Minas e Enerxía do Principado de Asturias (1991-1995)
- Deputado por Asturias no Congreso dos Deputados (1996-1999)
- Conselleiro de Industria, Comercio e Turismo do Principado de Asturias (1999-2000)
- Secretario Xeral da FSA-PSOE (desde 2000)
- Senador designado pola Xunta Xeral do Principado de Asturias (2003-2012)
- Deputado na Xunta Xeral do Principado de Asturias (desde 2007)
- Presidente do Consello Territorial do PSOE (desde 2012)
- Presidente do Principado de Asturias (desde 2012)
| Predecesor: Pedro Sánchez Pérez-Castejón (Secretario xeral) |
 Presidente da Comisión Xestora do PSOE 2016-actualidade |
Sucesor: No cargo |
| Predecesor: Juan José Tielve Cuervo |
 Secretario xeral da FSA-PSOE 2000-actualidade |
Sucesor: No cargo |
| Predecesor: José María Barreda Fontes |
Presidente do Consello Territorial do PSOE 2012-actualidade |
Sucesor: No cargo |
| Predecesor: Francisco Álvarez-Cascos |
 Presidente do Principado de Asturias 2012-actualidade |
Sucesor: No cargo |
| Predecesor: Luis Martínez Noval |
Conselleiro de Industria do Principado de Asturias 1999-2000 |
Sucesor: Jesús Urrutia García |
Véxase tamén[editar | editar a fonte]
Ligazóns externas[editar | editar a fonte]
- Web de Javier Fernández
- Biografía oficial
- Candidato sin prisas, en La Nueva España
- El ingeniero de Minas sí quiere gobernar, en El País, 26 de marzo de 2012.
