Instituto da Lingua Galega
Instituto da Lingua Galega  | |||
|---|---|---|---|
 Sede do ILG | |||
| Tipo | instituto de investigación e regulador lingüístico  | ||
| Parte de | Universidade de Santiago de Compostela | ||
| Persoas e organizacións | |||
Director/a executivo/a
| |||
| Data | |||
| Fundación | 1971 | ||
| Premios | |||
| |||
| Localización | |||
| País | España | ||
| Enderezo | Praza da Universidade, 4. 15782 | ||
| Sede | Santiago de Compostela | ||
| Ligazóns | |||
| Páxina WEB | ilg.usc.es | ||
| Redes |    | ||
| [ Wikidata ] [ C:Commons ] | |||
O Instituto da Lingua Galega (ILG) é un instituto universitario pertencente á Universidade de Santiago de Compostela creado en 1971[1][2] para promover o uso e normalización da lingua galega e estudala sincrónica e diacronicamente. Ten a súa sede en Santiago de Compostela, no número 4 da Praza da Universidade, edificio cuxa construción data de 1640[3].
Historia
[editar | editar a fonte]O seu primeiro director foi Constantino García González, estando á fronte da sección de lexicografía Antón Santamarina Fernández, quen o substituíu no cargo (1991-2005). Sucedéronos Rosario Álvarez (desde finais do 2005 a marzo de 2013), Ernesto González (marzo de 2013-xuño de 2018)[4], Xosé Luís Regueira[5] (2018-maio 2023) e Elisa Fernández Rei, desde o 30 de maio de 2023.[6]
Tivo un papel destacado na elaboración das normas da lingua galega de 1982 de forma conxunta coa Real Academia Galega, como nas reformas de 1995 e 2004 aprobadas pola RAG [7]. Ademais, leva a cabo diferentes traballos coas novas tecnoloxías da información, coma o Tesouro Medieval Informatizado da Lingua Galega (TMILG, en colaboración co Centro Ramón Piñeiro para a Investigación en Humanidades) ou o Tesouro Informatizado da Lingua Galega (TILG).
Acolle no seu seo conferencias, congresos, simposios, xuntanzas e encontros sobre diferentes temas relacionados coa lingua e literatura galegas (normalización lingüística, historia da lingua galega, ensino, sociolingüística etc.)
Notas
[editar | editar a fonte]- ↑ "A lingua pide paso". La Voz de Galicia. 29 de abril de 2018.
- ↑ "O ILG, 50 anos sinalando o camiño da lingua". La Voz de Galicia, 11 de xuño de 2021.
- ↑ Informe de Xestión 2015, da USC. páx. 105.
- ↑ "Ernesto González, novo director do Instituto da Lingua Galega da USC" Arquivado 09 de marzo de 2016 en Wayback Machine., artigo en El Correo Gallego, 26 de marzo de 2013 (en castelán).
- ↑ "O catedrático Xosé Luís Regueira é o novo director do ILG da USC". USC. 25 de xuño de 2018. Arquivado dende o orixinal o 26 de xuño de 2018. Consultado o 26 de xuño de 2018.
- ↑ marta.negro (2023-06-03). "Elisa Fernández Rei, nova directora do ILG". Instituto da Lingua Galega. Consultado o 2023-06-04.
- ↑ "Presentación" e "Nota á décimo terceira edición" das Normas ortográficas e morfolóxicas do idioma galego.
