Paulo Coelho
Paulo Coelho, nado en Rio de Janeiro o 24 de agosto de 1947, é un escritor e compositor brasileiro.
Índice
Traxectoria[editar | editar a fonte]
Paulo Coelho naceu nunha familia de clase media e de forte influencia católica, no Rio de Janeiro, onde estudou nun colexio xesuíta. Contrastando coa forte disciplina que se lle impón, tórnase rebelde e, aos dezasete anos, foi dúas veces internado como louco nunha clínica psiquiátrica.
No final da década de 1960, adheriuse ao movemento hippy, e no comezo da seguinte coñece Raul Seixas, de quen se torna parceiro en diversas músicas que revolucionan o Rock brasileiro. Usa drogas, participa da "Sociedade Alternativa", e compón para diversos artistas, como Elis Regina e Rita Lee.
Como escritor, ten ocupado, sistematicamente, as primeiras posicións no ranking dos libros mais vendidos no mundo. Xa vendeu mais de 65 millóns de libros, sendo o autor mais vendido en lingua portuguesa de todos os tempos, superando até mesmo Jorge Amado (cuxas vendas suman 54 millóns de libros). En 2002 foi elexido para ocupar a cadeira número 21 da Academia Brasileira de Letras, cuxo patrón é Joaquim Serra, (1838-1888).
Paulo Coelho é un dos brasileiros mais influentes no mundo, con lectores como Sharon Stone, Madonna, Russell Crowe, Will Smith, entre outros.
Mesmo con tantos fans, Paulo Coelho non é unánime entre a crítica. Algunhas opinións desaproban os seus libros e cualifícanos de "literatura esotérica de auto-axuda". A mesma crítica tamén contesta o seu ingreso na Academia Brasileira de Letras.
A súa última obra, O Zahir, foi lanzada primeiramente no Irán para poder ser rexistrada como obra local naquel país para que poidan ser procesados aqueles que fixeren copias ilegais do libro en lingua persa. O Zahir terá o maior lanzamento simultáneo en varias linguas de unha obra en lingua portuguesa.
Para escribir O Zahir, Paulo Coelho pasou unha temporada no Casaquistán, país onde a obra se sitúa, chegando a participar dunha caza á raposa, mais xura que non disparou ningún tiro. Outra curiosidade de Paulo Coelho é que as campañas de márketing dos seus libros a seren lanzados, necesitan de aprobación del e da súa axente, Mônica Antunes, após seren traducidas para o inglés. Paulo Coelho escribe os seus libros nun apartamento seu na Avenida Atlântica no Rio de Janeiro, e posúe tamén unha casa para retiro na Francia, na rexión dos Pireneos.
Obra[editar | editar a fonte]
- Arquivos do inferno (1982).
- Manual prático do vampirismo (1986) recollido polo autor.
- O diário de um mago (1987).
- O alquimista (1988).
- Brida (1990).
- O dom supremo (1991).
- As valkírias (1992).
- Na margem do rio Piedra eu sentei e chorei (1994).
- Maktub (1994), escolma das súas mellores columnas publicadas na Folha de São Paulo.
- Frases (1995), compilación de textos.
- O Monte Cinco (1996).
- O manual do guerreiro da luz (1997).
- Veronika decide morrer (1998).
- Palavras essenciais (1999).
- O demônio e a Srta. Prym (2000).
- Histórias para pais, filhos e netos (2001), colectánea de contos tradicionais.
- Onze minutos (2003).
- O Gênio e as Rosas (2004).
- O Zahir (2005).
Outros traballos[editar | editar a fonte]
Traducións[editar | editar a fonte]
- O dom supremo (Henry Drummond)
- Cartas de Amor de um profeta (Khalil Gibran)
Músicas con Raul Seixas[editar | editar a fonte]
- Eu nasci há dez mil anos atrás
- Gita
- Al Capone
Principais premios e condecoracións[editar | editar a fonte]
- Grand Prix Litteraire Elle (França, 1995)
- Knight of Arts and Letters (França, 1996)
- Flaiano International Award (Itália, 1996)
- Super Grinzane Cavour Book Award (Itália, 1996)
- Golden Book (Iugoslávia 1995, 1996, 1997, 1998)
- Finalist for the "International IMPAC Literary Award (Irlanda, 1997)
- Comendador da Ordem do Rio Branco (Brasil, 1998)
- Crystal Award World Economic Forum (1999)
- Golden Medal of Galicia (Espanha, 1999)
- Chevalier de L'Ordre National de la Legion d'Honneur (França, 2000)
- Crystal Mirror Award (Polônia, 2000)
- Prêmio Fregene de Literatura (Itália, 2001)
- Prêmio Bambi de Personalidade Cultural do Ano (Alemanha, 2001)
