Fernando González Laxe

Fernando González Laxe
	;
Biografía
Nacemento	6 de setembro de 1952 (73 anos); A Coruña
Representante da Asemblea Parlamentaria do Consello de Europa
	Representa: España; 24 de xuño de 1996 – 26 de xuño de 2000
Substituto na Asemblea Parlamentaria do Consello de Europa
	Representa: España; 3 de febreiro de 1992 – 23 de setembro de 1993
Representante da Asemblea Parlamentaria do Consello de Europa
	Representa: España; 26 de xaneiro de 1987 – 1 de xaneiro de 1988
2º Presidencia da Xunta de Galicia
	1987 – 1990 ; ← Xerardo Fernández Albor – Manuel Fraga →
Deputado do Parlamento de Galicia
Senador de España
Datos persoais
Grupo étnico	Pobo galego
Educación	Universidade de Santiago de Compostela
Director de tese	Xosé Manuel Beiras
Actividade
Lugar de traballo	Madrid ; A Coruña
Ocupación	político, ecólogo, catedrático, agrónomo
Partido político	Partido Socialista Obreiro Español
Membro de	Asemblea Parlamentaria do Consello de Europa ; Partido dos Socialistas de Galicia
Familia
Cónxuxe	Rosa Liaño
Premios
	(2009) Medalla de Ouro de Galicia; Premio Fernández Latorre ;

Fernando González Laxe, nado na Coruña o 6 de setembro de 1952, é un político galego que foi Presidente da Xunta de Galicia co goberno tripartito, do 28 de setembro de 1987 ao 2 de febreiro de 1990.^[1]

Traxectoria

Formación

É licenciado e doutor en Ciencias Económicas pola Universidade de Santiago de Compostela e catedrático de Economía Aplicada na Universidade da Coruña. Principiou a súa carreira profesional en 1975 como profesor de estrutura económica no Colexio Universitario da Coruña, foi un dos fundadores de ADEGA, chegando a ser o seu secretario xeral^[2] e afiliado ó Partido Socialista Galego.

Política

González Laxe foi candidato ó Congreso dos Deputados nas eleccións xerais de 1977 polas listas do Partido Socialista Galego e ó senado nas de 1979 xa polo Partido dos Socialistas de Galicia, sen obter escano en ningunha delas. Co PSdeG-PSOE foi secretario da Xunta preautonómica en 1978 e posteriormente subdirector xeral de Pesca (1979-1980). Nas eleccións municipais de 1979 foi elixido concelleiro na Coruña e foi tenente de alcalde e voceiro do PSdeG no concello ata 1982.

Trala vitoria socialista nas eleccións xerais de 1982 foi nomeado director xeral de ordenación pesqueira do Ministerio de Agricultura, Pesca e Alimentación asemade que representante español na Conferencia Mundial da FAO sobre pesca e no II Congreso Latinoamericano de Pesca. Desde o seu posto no ministerio foi o responsable das negociacións pesqueiras de España coa Comunidade Económica Europea. Formou parte do equipo negociador da adhesión de España á Comunidade Económica Europea e da Asemblea Parlamentaria do Consello de Europa e da Unión Europea Occidental.

En novembro de 1985 foi o candidato do PSdeG á presidencia da Xunta de Galicia, eleccións que gañou Coalición Popular e o seu candidato Xerardo Fernández Albor formou goberno. En 1987, González Laxe presentou unha moción de censura contra o goberno de Fernández Albor trala marcha de Xosé Luís Barreiro, contando ademais, tras o coñecido como Pacto dos Tilos, co apoio de Coalición Galega e o Partido Nacionalista Galego cos que formou un goberno de coalición tripartito o 28 de setembro de 1987 con Barreiro de vicepresidente. Presidente do PSdeG desde 1988 e o seu candidato nas eleccións autonómicas de 1989 e malia obter os mellores resultados ata o momento para o seu partido (28 escanos) non puido impedir a vitoria de Manuel Fraga, o candidato do Partido Popular, por maioría absoluta.

En 1986, foi designado senador en representación da comunidade autónoma, posto no que permaneceu ata 2000. No Senado ocupou a presidencia da Comisión de Economía e Facenda.

Retirada da política activa

No ano 1993 deixou de ser deputado no Parlamento de Galicia e en 2000 o seu escano no Senado. Non volveu ocupar postos de relevancia política e pasou a ocuparse da súa cátedra de Economía Aplicada na Universidade da Coruña ata a súa xubilación en maio de 2023,^[3] foi despedido cun acto organizado por Organizado polo Foro Económico da Galiza.^[4] Polo medio, en abril de 2009, foi nomeado presidente do Organismo Público Portos do Estado,^[5] cargo do que cesou en xaneiro de 2012. Foi nomeado Profesor Emérito da Universidade da Coruña.^[6]

Foi coordinador da serie Economía (cinco tomos) do Proxecto Galicia, promovido por Hércules de Ediciones e editor da revista Atlantic Review of Economics.^[7] Ten publicado numerosos libros de economía, especialmente sobre a pesca, e participado en varios libros colectivos.

Leva publicados numerosos artigos en La Voz de Galicia.^[8]

Obra en galego

Ensaio

Estrutura da pesca costeira galega (1977). Vigo. Galaxia.
Os desafíos económico sde Galicia (1996). Fundación Luis Tilve.
Galicia, un camiño á renovación (1997). Sada: Ediciós do Castro.

Obra en castelán

La economía del sector pesquero (1988). Madrid: Espasa Calpe.
Fortalezas y debilidades de la Europa azul (1996). Santiago: Fundación Caixa Galicia. Con Juan Macau i Nadal.
La economía del transporte marítimo (2006). Con María Jesús Freire. A Coruña: Netbiblo.
Lecciones de economía pesquera (2008).
Tráfico marítimo y economía golbal (2009). A Coruña: Netbiblo.
Homo Oeconomicus Maturus. Diario de un compromiso (2010). A Coruña: Las Cadenas.
Geoestrategia portuaria (2013). A Coruña: Netbiblo.
Los puertos de España y Méjico (2013). A Coruña: Netbiblo.
Nuevos tiempos modernos. Ideas para una sociedad post-industrial (2024). A Coruña: Hércules Ed.

Premios

Medalla de Ouro da Universidade J. F. Kennedy de Bos Aires.
2000: Medalla de Ouro da Universidade da Coruña.^[9]
Medalla de Ouro da cidade da Coruña.^[10]
2009: Medalla de Ouro de Galicia.^[11]
2025: XXVIII Premio Fernández Latorre polo seu compromiso coa Galiza e a vocación de servizo público.^[12]

Notas

↑ "Fernando González Laxe Galegos Gallegos". galegos.galiciadigital.com. Consultado o 2025-07-25.
↑ "Información na web de ADEGA". Arquivado dende o orixinal o 11 de outubro de 2008. Consultado o 27 de maio de 2008.
↑ Novo Corti, Isabel (21 de maio de 2023). "Fernando González Laxe: la última clase versus la última lección". lavozdegalicia.es (en castelán). Consultado o 3 de decembro de 2023.
↑ ""O servizo público é ser responsábel dos actos e dar explicacións": Fernando González Laxe reivindica o diálogo na súa homenaxe". Nós Diario. 2024-12-11. Consultado o 2025-07-25.
↑ Nova en El Correo Gallego Arquivado 08 de marzo de 2016 en Wayback Machine. (en castelán)
↑ "Ficha de Fernando I. González Laxe". pdi.udc.es. Consultado o 2025-07-25.
↑ "Fernando González Laxe". Hércules de Ediciones. 2025-06-20. Consultado o 2025-07-25.
↑ "Artículos de Fernando González Laxe. La Voz de Galicia". La Voz de Galicia (en castelán). Consultado o 2025-07-25.
↑ "Hace 25 años González Laxe recibe la Medalla de Oro de la Universidad de A Coruña". El Ideal Gallego (en castelán). Consultado o 2025-07-25.
↑ MUNDIARIO (2024-12-11). "Laxe apeló a los valores democráticos en el gran homenaje que se le rindió en la USC". MUNDIARIO (en castelán). Consultado o 2025-07-25.
↑ "Medallas de Galicia. 2009 - Xunta de Galicia". www.xunta.gal. Consultado o 2025-07-25.
↑ "Fernando González Laxe, galardonado con el Premio Fernández Latorre". La Voz de Galicia (en castelán). 2025-07-25. Consultado o 2025-07-25.

Véxase tamén

Bibliografía

"González Laxe, Fernando Ignacio". Enciclopedia Galega Universal. Ir Indo. 1999-2002. ISBN 84-7680-288-9.

Outros artigos

Ligazóns externas

Predecesor:
Xerardo Fernández Albor

Presidente da Xunta de Galicia
1987 - 1990

Sucesor:
Manuel Fraga Iribarne

[1] "Fernando González Laxe Galegos Gallegos". galegos.galiciadigital.com. Consultado o 2025-07-25.

[2] "Información na web de ADEGA". Arquivado dende o orixinal o 11 de outubro de 2008. Consultado o 27 de maio de 2008.

[3] Novo Corti, Isabel (21 de maio de 2023). "Fernando González Laxe: la última clase versus la última lección". lavozdegalicia.es (en castelán). Consultado o 3 de decembro de 2023.

[4] ""O servizo público é ser responsábel dos actos e dar explicacións": Fernando González Laxe reivindica o diálogo na súa homenaxe". Nós Diario. 2024-12-11. Consultado o 2025-07-25.

[5] Nova en El Correo Gallego Arquivado 08 de marzo de 2016 en Wayback Machine. (en castelán)

[6] "Ficha de Fernando I. González Laxe". pdi.udc.es. Consultado o 2025-07-25.

[7] "Fernando González Laxe". Hércules de Ediciones. 2025-06-20. Consultado o 2025-07-25.

[8] "Artículos de Fernando González Laxe. La Voz de Galicia". La Voz de Galicia (en castelán). Consultado o 2025-07-25.

[9] "Hace 25 años González Laxe recibe la Medalla de Oro de la Universidad de A Coruña". El Ideal Gallego (en castelán). Consultado o 2025-07-25.

[10] MUNDIARIO (2024-12-11). "Laxe apeló a los valores democráticos en el gran homenaje que se le rindió en la USC". MUNDIARIO (en castelán). Consultado o 2025-07-25.

[11] "Medallas de Galicia. 2009 - Xunta de Galicia". www.xunta.gal. Consultado o 2025-07-25.

[12] "Fernando González Laxe, galardonado con el Premio Fernández Latorre". La Voz de Galicia (en castelán). 2025-07-25. Consultado o 2025-07-25.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

v c e Presidentes da Xunta de Galicia
Consello de Galiza	Alfonso Daniel Rodríguez Castelao (1944 - 1950)
Preautonómico	Antonio Rosón Pérez (1977 - 1979) · Xosé Quiroga Suárez (1979 - 1981)
Autonomía	Xerardo Fernández Albor (1982 - 1987) · Fernando González Laxe (1987 - 1990) · Manuel Fraga Iribarne (1990 - 2005) · Emilio Pérez Touriño (2005 - 2009) · Alberto Núñez Feijóo (2009 - 2022) · Alfonso Rueda (2022 - )

v c e Galardoados coa Medalla de Ouro de Galicia
1984–1999	Castelao^† (1984) Xoán Carlos I (1985) Antonio Rosón^† (1986) Centro Gallego de Buenos Aires (1990) Julio Prieto Nespereira (1991) Xoán Paulo II (1992) Mário Soares (1993) Luis Alberto Lacalle e Carlos Menem (1994) Juan Carlos Wasmosy, Universidade de Santiago de Compostela e Agrupación Táctica Galicia (1995) Jorge Sampaio e Museo de Pontevedra (1996) Citroën Hispania, S.A. e Julio María Sanguinetti (1997) Álvaro Arzú, Fernando Henrique Cardoso e Antonio María Rouco Varela (1998) Esperidião Amin, Andrew Willoughby Ninian Bertie, Paulo Coelho, Miguel Ángel Rodríguez Echeverría e Angelo Sodano (1999)
2000-2019	Manuel Cordo Boullosa^† (2000) Caixa Galicia, Gustavo Noboa, Francisco Fernández del Riego e Eugenio Granell (2001) Deportivo da Coruña (2002) Loyola de Palacio, Francisco Álvarez-Cascos e José Luis Meilán Gil (2003) Asociación de Víctimas del Terrorismo, Rodolfo Martín Villa, Alfonso Castro Beiras, Faro de Vigo e El Correo Gallego (2004) Real Coro Toxos e Froles, Santiago Rey Fernández-Latorre, Agustín Sixto Seco^† (2005) Real Academia Galega (2006) Isaac Díaz Pardo (2007) Editorial Galaxia (2008) Xerardo Fernández Albor, Fernando González Laxe, Manuel Fraga e Emilio Pérez Touriño (2009) Cabido da Catedral de Santiago de Compostela e Víctor Manuel Vázquez Portomeñe (2010) Instituto da Lingua Galega e Ángel Carracedo (2011) Javier López López, Rodrigo Maseda Lozano, José Antonio Villamor Vázquez, Milladoiro e Real Academia de Medicina e Cirurxía de Galicia (2012) Ceferino Díaz^†, Fundación Penzol e Organización Nacional de Ciegos Españoles (2013)^† Vítimas, voluntarios e rescatadores de Angrois (2014) David Cal, Xosé Neira Vilas, Manuel Sánchez Salorio e Enrique Beotas^† (2015) Los Suaves, Basilio Losada, Manuel Gallego Jorreto e Francisco Leiro (2016) Miguel Ángel Blanco^†, José Manuel Romay Beccaría, Aníbal Cavaco Silva e Isabel Castelo (2017) María Emilia Casas, Juan José González Rivas e Álvaro Rodríguez Bereijo (2018) Javier Fernández Fernández e Juan Vicente Herrera (2019)
2021-	Sanitarios implicados na atención aos pacientes COVID-19 (2020) Persoas implicadas no dispositivo galego de vacinación fronte á COVID-19 (2021) Julián Barrio Barrio, Paolo Caucci von Saucken, Begoña Valdomar Insua, DisCamino e Xosé Carro Otero (2022) Juan Pardo, Luz Casal e Carlos Núñez (2023) Luís Tosar, Zaza Ceballos e Academia Galega do Audiovisual (2024) Lionor de Borbón, Ricardo Rio e Rui Moreira (2025)
^† Outorgada a título póstumo