Teodosio Vesteiro Torres
Biografía | |
---|---|
Nacemento | 12 de xuño de 1847 Vigo |
Morte | 12 de xuño de 1876 (29 anos) Madrid |
Causa da morte | suicidio, ferida por arma de fogo |
Datos persoais | |
País de nacionalidade | España |
Educación | Seminario de Tuy |
Actividade | |
Ocupación | xornalista , escritor , poeta , compositor |
Período de actividade | 1960-1976 |
Empregador | El Heraldo Gallego (1874) La Caridad El Desengaño La Concordia Revista Galaica Galicia Literaria |
Xénero artístico | Música, xornalismo, poesía e ensaio |
Movemento | Romanticismo |
Lingua | Lingua castelá |
Teodosio Vesteiro Torres, nado en Vigo o 12 de xuño de 1847 e finado en Madrid o 12 de xuño de 1876,[1] foi un músico, xornalista e escritor galego.
Traxectoria
Os seus pais foron Juán María Vesteiro Barbeito, oficial de infantería, natural de Lugo, e Antonia Torres Fernández, natural da Coruña. Ingresou no Seminario de Tui en 1860, onde ocupou unha cátedra de Humanidades e foi bibliotecario, clasificando e ordenando os máis de 6 000 libros alí existentes. Comezou a escribir no Boletín Eclesiástico del Obispado de Tuy.[2] Foi vicepresidente da sociedade La Juventud Católica del Miño,[3] redactor de La Juventud Católica de Tuy e director da orquestra da Catedral de Santa María. En 1871 abandonou os estudios eclesiásticos e trasladouse a Madrid onde exerceu o ensino musical, residindo na casa dos seus curmáns Lorenzo Quintero e Emilia Calé y Torres.[4] En 1872 morreu a súa nai, suceso que lle afectaría fondamente.
Colaborou en El Heraldo Gallego (Ourense), Revista Galaica (Ferrol), La Concordia e La Caridad-El Desengaño (Vigo). En 1875 fundou en Madrid a asociación Galicia Literaria,[5] da que anos despois tomou o seu nome á revista Galicia Literaria. Escribiu en castelán, mais a maioría das súas obras son de temática galega seguindo a ideoloxía galeguista.[6]
Despois de destruír os seus traballos de xuventude, suicidouse no Museo do Prado disparándose un tiro cun revolver, na madrugada do 12 de xuño de 1876, deixando dúas cartas de despedida, unha a Manuel Curros Enríquez e outra a Valentín Lamas Carvajal.
Obras
- Flores para la soledad, seis melodías para canto e piano, 1871.
- Versos, 1874.
- Galería de Gallegos Ilustres, 5 tomos: Poetas de la Edad Media, Guerreros, Marinos, Príncipes y Diplomáticos e Artistas, 1874.[7]
- Rimas de D. Rodrigo de Moscoso y Osorio, vizconde de Altamira. Siglos XV a XVI, 1875.
Póstumas
- Monografías de Vigo, 1878.[8]
- Galería de Gallegos Ilustres. Apéndice, 1879.
- Páginas sueltas, 1892, publicado por Emilia Calé.
- Poesías, 1896, na Biblioteca Gallega de Martínez Salazar.
- Recuerdos de Galicia, 1896, con prólogo de V. Novo y García.[9]
Recoñecemento
Após a súa morte, O Tio Marcos d'a Portela publicou o libriño de vinte páxinas Coroa de morte 'o inspirado escritor é doce poeta gallego Teodosio Vesteiro Torres,[10] despois diso, El Heraldo Gallego publicou o libro Corona fúnebre á la memoria del inspirado escritor y poeta gallego Teodosio Vesteiro Torres (1877, 58 páx.), no que colaboraron Valentín Lamas Carvajal; José M. Hermida; Emilia Calé Torres de Quintero; Eduardo Álvarez Pertierra; A. J. Pereira; Emilia Pardo Bazán; Alfredo Vicenti; José Tresguerras y Melo; Pastora Guerrero; José María Montes; Nicolás Taboada Fernández; Juan Neira Cancela e Rafael Bugallal.[11]
O concello de Vigo adicoulle o nome do Parque Poeta Vesteiro Torres, no barrio de Coia.
O personaxe de Vesteiro, como fantasma do Museo do Prado, aparece na novela El Maestro del Prado y las pinturas proféticas (Planeta, 2013) de Javier Sierra Albert.[12]
Galería de imaxes
Notas
- ↑ López de Serantes, J.: "Vesteiro Torres, más de un siglo enterrado y olvidado..." El Ideal Gallego, 3/1/1986 (en castelán).
- ↑ Álvarez Blázquez, José M. (1980). "La prensa periódica viguesa en el siglo XIX" en Vigo en su historia, p. 496.
- ↑ "Juventud Católica del Miño, La" en Gran Enciclopedia Galega Silverio Cañada (en DVD).
- ↑ Álvarez de la Granja, M. (1996). "Teodosio Vesteiro Torres: Vida e Obra" (35,8 MB) en "Boletín del Instituto de Estudios Vigueses", n. 2 pp. 17-36.
- ↑ Acta de fundación y actas de las reuniones de la Sociedad Galicia Literaria
- ↑ Vilavedra, D. (coord), Cochón, I. et alii: Diccionario da Literatura Galega, volume I (Autores), p. 607-608. Galaxia, 1995. ISBN 84-8288-019-5.
- ↑ Galería de Gallegos Ilustres. Tomo II. Guerreros (1874) na páxina da Real Academia Galega.
- ↑ Ficha do facsímile (1998) de Monografías de Vigo Instituto de Estudios Vigueses.
- ↑ Recuerdos de Galicia con prólogo de V. Novo y García en Galiciana. Biblioteca de Galicia.
- ↑ Coroa de morte 'o inspirado escritor é doce poeta gallego Teodosio Vesteiro Torres en Galiciana
- ↑ Corona fúnebre á la memoria del inspirado escritor y poeta gallego Teodosio Vesteiro Torres (1877).
- ↑ Blas, Ceferino de: "Javier Sierra, invitado de Club Faro" Faro de Vigo, 11/4/2013 (en castelán).
Véxase tamén
Wikimedia Commons ten máis contidos multimedia na categoría: Teodosio Vesteiro Torres |
Bibliografía
- AAVV, "Vesteiro Torres, Teodosio" en Gran Enciclopedia Galega Silverio Cañada (en DVD).
- AAVV, "Vesteiro Torres, Teodosio" en Dicionario biográfico de Galicia, t. 1, p. 305. Ir Indo.
- AAVV, "Vesteiro Torres, Teodosio" en Diccionario enciclopédico galego universal, t. 59, p. 48-49. Ir Indo-La Voz de Galicia.
- AAVV, Enciclopedia Espasa, v. 68, p. 184. ISBN 84-239-4568-5 (en castelán)
- Álvarez de la Granja, M. (1998). Teodosio Vesteiro Torres. Aproximación á súa vida e á súa obra [1]. IEV. ISBN 84-89599-06-8. Ligazón externa en
|title=
(Axuda) - Couceiro Freijomil, A. Diccionario Bio-bibliográfico de Escritores, Santiago, Bibliófilos Gallegos.
- Vilanova, Alberto (1955). Ensayo bio-bibliográfico sobre Teodosio Vesteiro Torres. Buenos Aires.