El Ideal Gallego

El Ideal Gallego
	Instancia de xornal
	Título El Ideal Gallego (es)
	Lingua lingua castelá
Obras e produtos
	Formato de xornal xornal de gran formato
Datas
	Fundación / creación 1 de abril de 1917
Localización
	Situado en A Coruña, provincia da Coruña, Galicia, España
	Sede A Coruña
	Lugar de publicación A Coruña
	País de orixe España
	43°19′57″N 8°25′38″O / 43.332625, -8.427153
ISSN
Identificadores
ISSN
ISSN	1576-6322
Freebase	/m/09gkzl
Fontes e ligazóns
	Páxina WEB elidealgallego.com
	Descrito pola fonte Gran Enciclopedia Galega Silverio Cañada ; Enciclopedia Galega Universal ; Diccionario da literatura galega ;
	Wikidata C:Commons

Para outras páxinas con títulos homónimos véxase: El Ideal Gallego (homónimos).

El Ideal Gallego, subtitulado Diario católico, regionalista e independiente, é un xornal en lingua castelá que se edita na Coruña desde 1917.

Historia e características

Fundado por José Toubes Pego, un sacerdote de Cuntis, co apoio do arcebispo de Santiago, apareceu o 1 de abril de 1917. O seu primeiro director foi Alfredo García Ramos, que permaneceu no posto ata finais de 1919 en que foi substituído por Jacobo Varela de Limia. A este sucedérono Alberto Paredes Bravo (finado en 1925) e outros ata que en 1931 o xornal pasou a ser xestionado pola Editorial Católica. Dende 1931 ata 1935 o director do xornal foi José Martínez Pereiro^[1]. A este sucedeuno Santiago Lozano García en decembro de 1935.

Publicou unha "Hoja literaria" na década dos vinte. Nos anos 60 incluíuse no suplemento dominical unha folla cultural: "Arco da Vella" en galego, da que se responsabilizaba a Agrupación Cultural O Facho. Entre 1984 e 1990 o xornal editou o suplemento bilingüe "Cataventos". En 1992 o xornal pasou a editar no exemplar dominical o suplemento "Cultural 92".