La Galicia Literaria

Na Galipedia, a Wikipedia en galego.
Acta de fundación e actas das reunións da sociedade Galicia Literaria.

Galicia Literaria[1] foi unha asociación de galegos residentes en Madrid con inquietudes literarias activa entre 1875 e 1876.

Historia e características[editar | editar a fonte]

Fundada polo poeta vigués Teodosio Vesteiro Torres, a primeira reunión celebrouse o 20 de setembro de 1875. O obxectivo principal da Asociación, segundo os seus estatutos, era:

...Estrechar más y más sus vínculos de afecto, estimularse mutuamente al cultivo de las Bellas Letras, y constituir un centro de buenos gallegos que trabajasen aquí (en Madrid) por la honra y prosperidad del país en la esfera propia de sus facultades.[1]

O seu primeiro presidente foi Francisco Añón e o secretario, o fundador Teodosio Vesteiro Torres. Reuníanse en sesións ordinarias os días 10, 20 e 30 de cada mes, e realizaban algunhas reunións extraordinarias con motivo da celebración dalgunha efeméride destacada de índole cultural. Nestas sesións falábase e discutíase de literatura e os membros lían os seus traballos ao resto dos compañeiros. Desta asociación saíron algunhas publicacións.

En xaneiro de 1876 realizouse un engadido ás bases para extrapolar os seus obxectivos ao ámbito das Ciencias.

A diferenza de caracteres e ideoloxías políticas xerou algunhas disensións no seo da asociación que provocaron a súa disolución. O incidente máis grave produciuse cando algúns membros, entre eles Manuel Curros Enríquez e Jesús Muruais, propuxeron a publicación dun libro titulado Los gallegos pintados por sí mismos, unha especie de recompilación de tipos galegos. Andrés Muruais e Francisco Añón rexeitaron a idea, argumentando que a natureza da obra prestábase a mostrar unha Galicia estereotipada e polo tanto a imaxe que o libro puidese dar sería moi negativa. Esta disputa case chega ás mans. Dende ese día a asociación foi a menos e Teodosio Vesteiro Torres escribiu a última anotación no libro de actas o 30 de xaneiro de 1876[2].

Membros[editar | editar a fonte]

Nome Datos Sinatura Foto Obra destacada
Teodosio Vesteiro Torres (Vigo, 12/6/1847 - Madrid, 12/6/1876) Firmavesteirotorres.jpg Vesteiro.jpg Galería de gallegos ilustres
Francisco Añón Paz (Outes, 9/10/1812 - Madrid, 20/4/1878) Firmaanon.jpg Francisco Añón, en La Ilustración de Galicia y Asturias 1880.jpg Poesías gallegas y castellanas
Manuel Curros Enríquez (Celanova, 15/9/1851 - A Habana, 7/3/1908) Firmacurrosenriquez.jpg Curros 1.jpg Aires da miña terra
Celso García de la Riega (Pontevedra, 26/8/1844 - Pontevedra, 3/2/1914) Firmacelsogarciadelariega.jpg Garcia riega 1.jpg Colón pontevedrés
Andrés Muruais Rodríguez (Pontevedra, 20/11/1851 - Pontevedra, 21/10/1882) Firmaandresmuruais.jpg Andres muruais 1.jpg La hija del timonel
Jesús Muruais Rodríguez (Pontevedra, 23/12/1852 - Pontevedra, 1903) Firmajesus muruais.jpg Jesusmuruais 1.jpg Cuentos soporíferos
Luís Taboada Coca (Vigo, 6/10/1848 - Madrid, 18/2/1906) Firmaluistaboada.jpg Luistaboada 1.jpg Afinador y mártir
Arturo Vázquez Núñez (Ourense, 15/11/1852 - Ourense 2/3/1907) Firmaarturovazaquez.jpg Arturovazqueznuñez 1.jpg Iglesias románicas de la provincia de Orense
Emilia Calé Torres (A Coruña, 12/2/1837 - Madrid,18/9/1908). Firmaemiliacaletorres.jpg Emilia Calé.jpg Crespusculares
José Novo García (Ferrol ?? - A Coruña 18/10/1898)[3] FirmaUnovo.jpg Josenovo.JPG Por Galicia (cuartillas y apuntes)
Cecilio Gómez Labrada Firmacecilioglabrada.jpg
Emilio Núñez Couto Firmaemilionumero.jpg
Victorino Novo García (Ferrol ?? - A Coruña 26/11/1899) Firmanovogarcia.jpg Historia de Ferrol
Evaristo Vázquez Reyes Vazquezreyes.jpg
Felipe Neri Vázquez Vázquez
Lorenzo Gómez Quintero Morado (?? - Madrid 23/11/1906) La escritura y la imprenta desde sus primeros tiempos
Juan Benito Álvarez Mera La Juventud Católica de Tuy (revista)
Manuel Rey de Rey

Notas[editar | editar a fonte]

  1. 1,0 1,1 Acta de fundación y actas de las reuniones de la Sociedad Galicia Literaria
  2. Ramos González, José Manuel (2013). Inéditos Deputación Provincial de Pontevedra, ed. Andrés Muruais. El díscolo bardo del Lérez. 
  3. Enciclopedia Galega Universal. Edit. Ir Indo. Vigo 2002. ISBN 8476802889

Véxase tamén[editar | editar a fonte]

Bibliografía[editar | editar a fonte]