Carmen Fraga

Na Galipedia, a Wikipedia en galego.
(Redirixido desde "Carmen Fraga Estévez")

María del Carmen Fraga Estévez, nada en León o 19 de outubro de 1948, é unha política galega.

Traxectoria[editar | editar a fonte]

Licenciouse en Xeografía en 1970, e a partir dese ano traballou para o Ministerio de Obras Públicas. Licenciouse de novo, desta vez en Dereito, en 1985 e traballou como asistente do Partido Popular Europeo entre 1986 e 1994.

Nas eleccións ao Parlamento Europeo de 1994 figura na candidatura do Partido Popular e obtén un escano no Parlamento Europeo. Como tal, foi vicepresidenta primeira do grupo do Partido Popular Europeo e, durante o trienio 1997-1999 foi ademais presidenta da Comisión de Pesca. Nas eleccións europeas de 1999 saíu reelixida, e volveu saír tamén nas de 2004 e eleccións ao Parlamento Europeo de 2009nas de 2009. Entre 2002 e 2004 foi Secretaria Xeral de Pesca Marítima. En 2004 foi membro novamente da Comisión de Pesca e da Comisión de Agricultura e Desenvolvemento Rural. En 2009 volveu ser elixida presidenta da Comisión de Pesca. Tamén foi membro da Delegación para as Relacións cos Países do Maghreb e a Arab Maghreb Union.

En 2014 anunciou que non figuraría nas listas electorais para os comicios dese ano. Foi a eurodeputada galega con máis anos de servizo en Bruxelas: vinte.

Vida persoal[editar | editar a fonte]

É filla de Manuel Fraga e da súa dona María del Carmen Estévez Eguiagaray.

Véxase tamén[editar | editar a fonte]

Ligazóns externas[editar | editar a fonte]