Francisco Puy Muñoz

Francisco Puy Muñoz
Nacemento	12 de xaneiro de 1936
	Cambil
Nacionalidade	España
Ocupación	escritor e político
[ editar datos en Wikidata ]

Francisco Puy Muñoz, nado en Cambil (Provincia de Xaén) o 12 de xaneiro de 1936, é un escritor e político español.

Traxectoria

Licenciado en Dereito en 1958 e doutorado en 1961. Foi profesor de Filosofía do Dereito na Universidade de Granada e despois catedrático de Filosofía do Dereito na Universidade de Santiago de Compostela (1966) onde dirixiu, entre outras, a tese doutoral de Carolina Rovira. Profesor invitado das Universidades de Toulousse, Coimbra, Católica de Chile, Perugia, Nacional de Educación a Distancia, Braga e A Habana. Foi fundador da Fundación Alfredo Brañas e presidente do seu padroado dende 1990. Dirixiu un programa de investigación trienal (1999-2002) na USC sobre "Historia da Filosofía do Dereito Español", especialmente dedicado á xurisprudencia galega.

Foi elixido concelleiro de Santiago de Compostela en 1973 en representación do terzo familiar. A proposta de Alianza Popular, foi membro e secretario da comisión do Estatuto dos dezaseis.

Obras

• El derecho y el estado en Nietzsche, 1966.
• El derecho hispánico, 1973.
• La Filosofía del Derecho en la Universidad de Santiago, 1975.
• Derechos Humanos, 1983.
• Tópica Jurídica, 1984.
• Historia da Xurisprudencia Galega.
• Alfredo Brañas filósofo do dereito, 1998.

Recoñecementos

• Doutor honoris causa pola Universidade de Santo Tomás (Chile).
• Doutor honoris causa pola Universidade de Belgrano (Bos Aires).
• Gran Cruz Académica pola Universidade Católica do Uruguai (Montevideo).
• Magister Honoris Causa da Escola Xudicial de México.
• Cruz de Honra de San Raimundo de Peñafort.
• En 2011 foi investido doutor honoris causa pola Universidade Sagrado Coraçao de Bauru (Brasil).

Vida persoal

Casou con Rosario Fraga Iribarne, irmá de Manuel Fraga; é pai de Pedro Puy Fraga.

Véxase tamén

Ligazóns externas

• Ficha en galegos.info