Carlos Robles Piquer

Na Galipedia, a Wikipedia en galego.
Carlos Robles Piquer
Nacemento13 de outubro de 1925
Lugar de nacementoMadrid
Falecemento8 de febreiro de 2018
Lugar de falecementoMadrid
NacionalidadeEspaña
Ocupaciónpolítico, diplomático e avogado
FillosJosé María Robles Fraga e Carlos Robles Fraga
PremiosGran Cruz da Orden de Carlos lll, Gran Cruz de Afonso X o Sabio, Gran Cruz da Orde do Mérito Civil, Medalla da Orde do mérito constitucional, Robert Schuman Medal e Gran Cruz del Mérito Naval con distintivo blanco
Na rede
Dialnet: 330994
editar datos en Wikidata ]

Carlos Robles Piquer, nado en Madrid o 13 de outubro de 1925 e finado na mesma cidade o 9 de febreiro de 2018, foi un político e diplomático español.

Traxectoria[editar | editar a fonte]

Doutor en Dereito e licenciado en Filosofía e Letras e Ciencias Políticas e Económicas, incorporouse á carreira diplomática. Foi embaixador en Libia, Chad, Italia, e Malta, cónsul de Nador, e secretario de embaixada en Bogotá.

A súa carreira política desenvolveuse nos últimos anos do franquismo e nos primeiros da Transición. Entre 1962 e 1967 foi Director Xeral de Información e entre 1967 e 1969 de Cultura Popular e Espectáculos. Logo da morte de Franco, foi Ministro de Educación e Ciencia (1975-1976), no Goberno de Carlos Arias Navarro. Con Adolfo Suárez como presidente, ocupou os cargos de Secretario de Estado de Asuntos Exteriores (1979-1981), Director Xeral de Radio Televisión Española (1981-1982) e presidente do Instituto de Cooperación Iberoamericana (1982).

En xuño de 1983 foi designado senador pola Asemblea de Madrid. Ao acceder España á Unión Europea, foi designado deputado no Parlamento Europeo polo Senado de España. Foi elixido nas Eleccións europeas de 1987, e reelixido en 1989 e 1994, ocupando o cargo ata 1999. Foi coordinador xeral de Alianza Popular. Posteriormente incorporouse á Fundación FAES como patrón.

En 2006 publicou un resumo da súa tese de doutoramento, titulado Europa y el drama de África. En 2011 publicou as súas memorias co titulo Memoria de cuatro Españas[1].

Vida persoal[editar | editar a fonte]

Casado con Elisa Fraga Iribarne, irmá de Manuel Fraga, é pai dos políticos Elisa e José María Robles Fraga, e do diplomático Carlos Robles Fraga.

Recoñecementos[editar | editar a fonte]

En 1998 recibiu a Gran Cruz da Orde Civil de Afonso X o Sabio.


Predecesor:
Cruz Martínez Esteruelas
 
COA Spain 1945 1977.svg
Ministro de Educación e Ciencia
 
1975 - 1976
Sucesor:
Aurelio Menéndez Menéndez


Predecesor:
Fernando Castedo
 Director Xeral de RTVE 
1981 - 1982
Sucesor:
Eugenio Nasarre


Notas[editar | editar a fonte]

  1. Robles Piquer, Carlos (2011). Planeta, ed. Memoria de cuatro Españas: República, guerra, franquismo y democracia. Barcelona. ISBN 978-84-08-10154-3. Consultado o 9 de marzo de 2013.