Provincia da Coruña

Provincia da Coruña

Capital	A Coruña
Área	7.950 km²
Poboación	1.126.707
Densidade	141,72 hab./km²
Concellos	94
Xentilicio	Coruñés, Coruñesa

A Coruña é unha das catro provincias de Galicia creadas por Javier de Burgos en 1833, ocupando a punta nordés do país e da península Ibérica. Limita ao norte e ao oeste co océano Atlántico, ao leste coa provincia de Lugo e ao sur coa provincia de Pontevedra. A capital leva o mesmo nome, A Coruña.

Xeografía

Ten unha superficie de 7.876 km².

Pódese acceder a ela por estrada pola autovía A-6, procedente de Lugo, ou pola autoestrada AP-9, que une a capital da provincia con Ferrol e Santiago de Compostela, prolongándose á provincia de Pontevedra.

Por ferrocarril, son tres as liñas que chegan. RENFE ten tres liñas: Dúas veñen de Castela e León. Unha vén de León e entra a Galiza por Monforte de Lemos, e de alí a Lugo e A Coruña, e outra que vén de Zamora, entra a Galiza por Ourense, continuando por Santiago e A Coruña. A terceira liña de Renfe é o corredor atlántico, que une Vigo coa Coruña.
Por outro lado, FEVE ten unha liña de vía estreita que entra en Galiza cruzando a ría de Ribadeo, desde Asturias, acabando en Ferrol.

Por aire, son dúas as portas de entrada: o aeroporto da Lavacolla, preto de Santiago de Compostela, e o aeroporto de Alvedro, xunto a Coruña.

Por mar, os dous principais portos son o porto da Coruña e o porto de Ferrol.

Ríos

Os principais ríos da provincia son:

• Río Acheiro
• Río Anduriña
• Río Anllóns
• Río Arteixo
• Río Barcés
• Río Baxoi
• Río Belelle
• Río Bermaña
• Río Bolaños
• Río Brexa
• Río Eume
• Río Mandeo
• Río Mera
• Río Grande de Xuvia
• Río Sar
• Río Tambre
• Río Xallas.

Rías

As principais rías da provincia son:

• Ría da Coruña
• Ría de Betanzos
• Ría de Camariñas
• Ría de Cedeira
• Ría de Corme e Laxe
• Ría de Corcubión
• Ría de Ferrol
• Ría de Muros e Noia
• Ría de Ortigueira
• Ría de Pontedeume
• Ría do Barqueiro que a separa da provincia de Lugo
• Ría de Arousa que a separa da provincia de Pontevedra

Clima

A provincia ten un clima oceánico, caracterizado por ser temperado e húmido. A choivas son abundantes, sobre todo no inverno. Ten estacións suaves, cunha temperatura media en inverno de 10º C e de 20º C en verán.

Poboación

Segundo o censo elaborado no 2001, na Provincia da Coruña viven 1.096.027 persoas, das que 404.517 viven nalgunha das tres grandes urbes da provincia (A Coruña, Ferrol e Santiago de Compostela).

O xentilicio é Coruñés/Coruñesa

Wikcionario - Xentilicios dos Concellos da Coruña

Concellos da provincia da Coruña

• Lista de concellos da Coruña

Véxase tamén

Ligazóns externas

• Deputación da Coruña
• Universidade de Santiago de Compostela
• Universidade da Coruña