Cambre

Cambre
Situación
Xentilicio:	Cambrés
Xeografía
Provincia:	Provincia da Coruña
Comarca:	Coruña
Poboación:	23.621 hab. (2010)
Área:	40,7 km²
Densidade:	580,37 hab./km²
Entidades de poboación:	12 parroquias
Capital do concello:	Cambre
Política (2011)
Alcalde:	Manuel Rivas Caridad (PP)
Concelleiros:	BNG: 2 PPdeG: 7 PSdeG-PSOE: 5 Outros: UxC 3, EU 2, PdC 1, PG 1
Eleccións municipais en Cambre
Uso do galego (2001)
Galegofalantes:	87,30 %
Sitio web oficial
www.cambre.org

Para outras páxinas con títulos homónimos véxase: Cambre (homónimos).

Cambre é un concello da provincia da Coruña, pertence á comarca da Coruña. Segundo o INE en 2010 tiña 23.621 habitantes (23.231 no 2009, 22.513 no 2007, 22.092 no 2006, 21.523 no 2005, 20.919 no 2004). O seu xentilicio (véxase no Galizionario) é cambrés.

Evolución da poboación de Cambre - desde 1900 ata 2010 -
1900	1930	1950	1981	2004	2010
6.722	7.805	8.011	9.181	20.919	23.621
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía

O concello ten unha superficie de 40,7 km², e abrangue 12 parroquias. Forma parte da rexión histórica das Mariñas dos Freires, caracterizada por unha sucesión de áreas achanzadas con vales moi suaves, sendo a altitude máxima de 130 m. Pertence á zona de influencia marítima, se ben a única parroquia con costa é O Temple. Está atravesado de leste a oeste polo río Mero, que alimenta o encoro de Cecebre.

O municipio ten clima oceánico húmido, con temperaturas son suaves e precipitacións altas. A humidade relativa do aire é elevada, cun índice superior ao 75 %. A vexetación é hidrófila,con bosques e fragas de carballos, piñeiros e eucaliptos.

Historia

Consérvanse antas neolíticas nos límites co concello de Carral. Consérvase un petróglifo no castro de Sigrás. Tamén se conservan restos dos castros de Pravio, Armental, e Fraís, todos eles de tipoloxía clásica: construídos nun outeiro, cun poboado de casas circulares rodeado dun muro defensivo. Posiblemente o concello, actual vía de paso da ruta inglesa do camiño de Santiago, xa fose percorrido por unha antiga vía romana que unía A Coruña e Betanzos.

Patrimonio

• Vila romana de Cambre.
• Igrexa de Santa María de Cambre: monumento do século XII.
• Tramo do Camiño Inglés (Camiño de Santiago).
• Museo Arqueolóxico (cos restos da Vila romana de Cambre e o seu centro de interpretación).
• Contorno do río Mero.
• Pantano de Cecebre.
• Paisaxes que se estenden entre Cecebre e Bribes, que coas súas fragas inspiraron ó escritor, periodista e humorista coruñés Wenceslao Fernández Flórez a escribir a famosa novela O bosque animado (1943), que inspirou á súa vez a varias películas de título homónimo como a de José Luis Cuerda de 1987 (El bosque animado) e a de animación de Ángel de la Cruz e Manolo Gómez de 2001 (O bosque animado).
• Villa Florentina, actual Casa Museo de Wenceslao Fernández Flórez, situada en San Salvador de Cecebre e dirixida pola Fundación Wenceslao Fernández Flórez.

Galería de imaxes

Artigo principal: Galería de imaxes de Cambre.

• 

  Ponte da ría do Burgo.

• 

  Muller mariscadora de Xabier Correa Corredoira, Ría do Burgo.

• 

  O Paraugas, escultura ó lado da ponte do Burgo.

• 

  Ponte da ría do Burgo.

• 

  Igrexa de Santa María de Cambre.

• 

  Vila romana de Cambre.

Lugares de Cambre

As doce parroquias que conforman o concello de Cambre.

Para unha lista completa de todos os lugares do concello de Cambre vexa: Lugares de Cambre.

Véxase tamén

• Fondo de fotografía histórica. Fototeca do Concello de Cambre

Concellos da Comarca da Coruña
Abegondo	Arteixo	Bergondo	Cambre	Carral	A Coruña	Culleredo	Oleiros	Sada