Inditex

Na Galipedia, a Wikipedia en galego.

Coordenadas: 43°18′52.55″N 8°30′18.02″W / 43.3145972°N 8.5050056°W / 43.3145972; -8.5050056

INDITEX
Inditex.svg
Industria de Diseño Textil
Sede de inditex arteixo.jpg
Sede de Inditex en Arteixo.
Tipo Sociedade Anónima
Fundación 1985
Localización Avda. Deputación. Polígono de Sabón, 15142 Arteixo (A Coruña) Galicia Galicia
Fundador Amancio Ortega Gaona
Persoas clave Pablo Isla (presidente)
Industria Téxtil
Beneficio 15.946 millóns de euros (2012)[1]
Beneficio neto 2.361 millóns de euros (2012)
Número de empregados 112.468 (xuño de 2012)[2]
Páxina web inditex.com

INDITEX (acrónimo de Industria de Diseño Textil, S.A.) é un grupo galego de deseño, fabricación e distribución téxtil. É o primeiro grupo europeo e o segundo mundial de confección e roupa. Ten a súa sede central no Polígono de Sabón en Arteixo, A Coruña.

Historia[editar | editar a fonte]

Primeira tenda de Zara, A Coruña.

En 1963 Amancio Ortega, Rosalía Mera, Antonio e Josefina Pepita (irmáns de Amancio), Primitiva Renedo (muller de Antonio) e Miguel Jove (Marido de Pepita) xunto con José Caramelo (quen máis tarde fundaría Caramelo)[3] traballan en La Maja e marchan para fundar unha empresa dedicada á fabricación de prendas de vestir na rúa Noia da Coruña. En 1971 fundan Goa (as iniciais dos irmáns Amancio e Antonio Ortega Gaona ao revés) no Polígono da Moura na Grela. En 1974 Amancio Ortega merca a terceira parte do polígono de Sabón que estaba a construir a Deputación da Coruña en Arteixo. Non foi porén ata 1975 cando abriu a primeira tenda baixo a denominación Zara na rúa Juan Flórez[4] da Coruña. Durante os dez anos seguintes, a cadea estendeuse rapidamente por toda España e en 1985 creouse INDITEX coma cabeceira do grupo de empresas, que medrou progresivamente ata contar con varios centros de fabricación, que distribuían os seus produtos a distintos países europeos, abrindo tendas en Porto (1988), Nova York (1989) e París (1990).

Expansión internacional
Data Países
1988 Portugal (Porto)
1989 Estados Unidos (New York)
1990 Francia (París)
1991 -
1992 México
1993 Grecia
1994 Bélxica e Suecia
1995 Malta
1996 Chipre
1997 Noruega e Israel
1998 Xapón, Turquía, Reino Unido, Arxentina, Venezuela, Liberia, Emiratos Árabes Unidos e Kuwait
1999 Alemaña, Países Baixos, Polonia, Brasil, Chile, Uruguai, Arabia Saudí, Bahrain e Canadá
2000 Australia, Qatar, Dinamarca e Andorra
2001 Irlanda, Islandia, Luxemburgo, República Checa, Puerto Rico, Xordania e Italia
2002 Finlandia, Suíza, O Salvador, República Dominicana e Singapur
2003 Eslovenia, Rusia, Eslovaquia e Malaui
2004 Marrocos, Hong Kong, Estonia, Letonia, Lituania, Hungría, Romanía e Panamá
2005 Mónaco, Costa Rica, India, Filipinas e Tailandia
2006 Serbia, China e Tunisia
2007 Colombia, Croacia, Guatemala e Omán
Fonte: Inditex

No ano 1991 o grupo expandiuse coa creación da cadea de tendas Pull and Bear e a adquisición do 65% da cadea Massimo Dutti, merca que se completou en 1995. Tamén se creou Kiddy's Class, unha cadea de tendas de roupa para nenos. Bershka abriu as súas portas en 1998 e ao ano seguinte merca Stradivarius.

2001 converteuse nun ano importante para o grupo, coa apertura de Oysho e a saída a bolsa do grupo o 23 de maio por un valor total dun billón de pesetas. Dous meses despois o grupo xa formaba parte do selecto Ibex 35. A expansión do grupo seguiu ata hoxe en día.

En 2002 crea a marca Often que sae ao mercado en 2003. En 2006 a marca pecha tendo entón 40 establecementos, 36 en España e catro en Portugal. Trinta desas tendas foron vendidas ao empresario catalán Julián Imaz cos que creou Friday's Project. En 2010, xa ca marca Often pechada, o Tribunal Xeral da Unión Europea rexeitou a petición de Inditex para rexistrar a marca para reloxos e complementos por posible confusión coa marca española de reloxos Olten[5].

En 2011-12 a marca Oysho chegou a un acordo de deseño e colaboración con Adidas[6].

Beneficios[editar | editar a fonte]

Map of Inditex global markets.svg
Presenza do Grupo Inditex no mundo en 2012
Cadea Nº de tendas
Zara Logo.svg Zara 1.763
Actual logo pull and bear.jpg Pull and Bear 817
Massimo Dutti 630
Bershka.jpg Bershka 899
Stradivarius 794
Oysho 529
Logotipo zh.jpg Zara Home 364
Kiddy's Class - Skhuaban 171
Uterqüe 91
Tempe 2
Lefties -
Inditex.svg TOTAL 6.060
Número de tendas a 30/04/2013[7].

O grupo Inditex facturou no ano 2005 uns 6.741 millóns de euros, un 25% máis que o ano anterior, converténdose así no primeiro grupo téxtil europeo (superando por primeira vez á empresa sueca H&M) e segundo do mundo detrás da empresa norteamericana GAP. O beneficio neto do grupo acadou os 803 millóns de euros nese ano. En 2006 o beneficio do grupo situouse nos 1.002 millóns de euros, cun volume de negocio de 8.196 millóns de euros[8].

Ademais, o grupo integra tamén diversas empresas como Zara Logística ou Tempe, de produción de calzado e a construtora GOA INVEST SA[9].

A roupa que non se vende despois de facer o ciclo por tódolos mercados onde está Inditex remata en mercados como o de África, fóra dos círculos nos que se moven as empresas de Inditex[10].

Número de tendas
Situación Propias Franquías Total
España 1.888 37 1.925
Resto de Europa 1.882 204 2.086
América 325 70 395
Resto do mundo 239 399 638
Totais 4.334 710 5.044
Número de tendas a 31 de xaneiro de 2010 en 77 países (actualizado a 31 de xaneiro de 2012)[11][12].
En decembro de 2012 Inditex abriu a tenda número 6.000, un Zara en Oxford Street de 2.500 m².
[13]

Dende a súa creación o grupo Inditex mantén un crecemento de vendas superior á media do sector.

Política ambiental[editar | editar a fonte]

En 2007 o Tribunal Superior de Xustiza de Galicia (TSXG) confirmou a multa de 60.101 euros imposta a Inditex pola Xunta por ter instalado un xerador eólico sen autorización nas súas instalacións de Sabón[14].

Entre 2007 e 2010 Inditex iniciou un proxecto de aforro enerxético e produción eléctrica construíndo unha planta de coxeración de 5.000 kW, unha instalación termo solar de 1.500 m2 e un aeroxerador de 850 kW. Entre todos producen máis da metade da enerxía consumida nas instalacións de Sabón. Nos centros loxísticos de Meco, Tordera, Zaragoza, Elche e León fixéronse instalacións fotovoltaicas[15]. O proxecto global inclúe a redución da enerxía consumida polas tendas, redución da produción de residuos e deseños ecoeficientes.

Produción[editar | editar a fonte]

País Traballadores Fornecedores Fabricantes
Flag of Bangladesh.svg Bangladesh 230.000 84 150
Flag of the People's Republic of China.svg China 200.000 248 761
India India 52.000 114 174
Turquía Turquía 50.000 129 251
Marrocos Marrocos 50.000 104 158
Portugal Portugal 16.000 147 291
Flag of Brazil.svg Brasil 11.000 69 232
Inditex ten 1.398 fornecedores, uns 5.000 fabricantes en 40 países e uns 700.000 traballadores.[16].

A roupa e complementos que vende Inditex provén principalmente de empresas alleas ao grupo aínda que os deseños e estilos son propios de cada marca xa que contan con xestión independente e organización propia na toma de decisións. Zara é a única marca que ten produción propia, aproximadamente a terceira parte dos seus artigos son feitos en fábricas de Inditex ou rematados alí. O calzado é deseñado e xestionado pola filial Tempe de Alacant para tódalas marcas do grupo. Os artigos de punto son fabricados por Indipunt en Narón, outra filial do grupo.

Centros loxísticos[editar | editar a fonte]

Muíño de vento na Avda. Amancio Ortega de Sabón.

Inditex ten tódolos centros loxísticos en España que distribúen produtos de tódalas marcas[17] a nivel mundial.

  • En Galiza:
    • Centro loxístico de Zara en Sabón, Arteixo. Tamén fabrica roupa para Zara
    • Pull&Bear en Narón, tamén é a sede da marca
  • Plataforma Europa, Zaragoza
  • Centro de Tordera, en Barcelona. Massimo Dutti, Bershka e Oysho
  • Centro en Sallent de Llobregat para Stradivarius
  • Plataforma loxística de León[18] tamén xestiona os excedentes sen vender
  • Centro loxístico de Tempe, Alacant. Calzado para tódalas marcas do grupo
  • Centro de Meco, Madrid. Distribución de roupa infantil de Zara e menaxe de Zara Home
  • Plataforma loxística en Cabanillas del Campo, Guadalajara

Traballo infantil[editar | editar a fonte]

Protesta contra Inditex en Santiago de Compostela.

En 2006 o diario portugués Expresso fixo públicas fotografías en Felgueiras de nenos de 11 a 14 anos cosendo zapatos para Zara. Inditex comprometeuse a investigar o caso e declarou que no último ano ata 400 empresas deixaron de traballar para eles por diversos incumprimentos: traballo infantil, liberdade de asociación, saúde, seguridade ou medioambiente[19][20].

Inditex prescindiu de Javier Chércoles Blázquez, Director do Departamento de Responsabilidade Corporativa, por diferenzas con Pablo Isla tras unha inspección en 2008 a unha empresa que traballou para Zara en Bangladesh acusada de abusos verbais, físicos e reducións de salarios[21].

En 2011 AHA, unha contrata de Zara en Brasil, foi inspeccionada por un equipo de inspectores de traballo e axentes da policía. Liberaron a 15 traballadores a maioría bolivianos e peruanos que eran explotados en condicións de escravitude en Sao Paulo en xeiras de 16 horas diarias por un soldo miserable, algúns deles eran menores de catorce anos[21].

Galería de imaxes[editar | editar a fonte]

Notas[editar | editar a fonte]

  1. Pull & Bear crece en Colombia con una nueva tienda en Bogotá, Moda.es (en castelán).
  2. Resultados Inditex 2012: gana un 32% más gracias a sus ventas en Asia (en castelán).
  3. http://www.elmundo.es/magazine/m30/textos/zara1.html Empezó en la mercería La Maja. elmundo.es ]
  4. "El primer Zara cambia de imagen", La Voz de Galicia (en castelán).
  5. Often, el único punto negro de Inditex (en castelán).
  6. En las entrañas de Zara. Marie Clare (en castelán).
  7. "Tiendas en el mundo". Inditex. http://www.inditex.es/es/quienes_somos/tiendas. Consultado o 30/04/2013.
  8. "Inditex gañou un 25% máis en 2006", Vieiros.
  9. "La cuadrilla de lujo de Amancio Ortega", El País (en castelán).
  10. "El amigo sirio-canario de Amancio Ortega", Faro de Vigo (en castelán).
  11. 25 de abril de 2011 (en inglés).
  12. Tiendas en el mundo, Inditex (en castelán).
  13. "Inditex abre en Londres su tienda número 6.000 en el mundo", La Voz de Galicia (en castelán).
  14. "Multan a Inditex por construir una torre eólica en Arteixo sin autorización", Líderdiario.com (en castelán).
  15. "En Inditex se lleva el verde", La Opinión (en castelán).
  16. INDITEX: Responsabilidad Social Empresarial con Intervención Sindical, CC.OO. (2011) (en castelán).
  17. "El éxito de ventas por Internet obliga a Inditex a redoblar su logística", economíadigital.
  18. Inauguración de la nueva plataforma logística de Inditex en León, Inditex (en castelán).
  19. "Una empresa contratada por Zara usa a niños para coser los zapatos, según un semanario portugués", 20 minutos (en castelán).
  20. "Zara investiga un presunto uso de trabajo infantil en Portugal", El País (en castelán).
  21. 21,0 21,1 Informe Zara, Solidaridad.net (en castelán).

Véxase tamén[editar | editar a fonte]

Commons
Commons ten máis contidos multimedia na categoría: Inditex Modificar a ligazón no Wikidata

Bibliografía[editar | editar a fonte]

Ligazóns externas[editar | editar a fonte]


Flag of Galicia.svg Empresas do grupo Inditex
Bershka | Kiddy's Class - Skhuaban | Lefties |Massimo Dutti | Often | Oysho | Pull and Bear | Stradivarius | Tempe | Uterqüe | Zara | Zara Home