Vimianzo

Vimianzo
Situación
Xentilicio:	Vimiancés
Xeografía
Provincia:	Provincia da Coruña
Comarca:	Terra de Soneira
Poboación:	8.128 hab. (2010)
Área:	187,4 km²
Densidade:	44,29 hab./km²
Entidades de poboación:	14 parroquias
Capital do concello:
Política (2011)
Alcalde:	Manuel Antelo (BNG)
Concelleiros:	BNG: 4 PPdeG: 3 PSdeG-PSOE: 3 Outros: 3
Eleccións municipais en Vimianzo
Uso do galego (2001)
Galegofalantes:	99,49 %
Sitio web oficial
www.vimianzo.es

Para outras páxinas con títulos homónimos véxase: Vimianzo (homónimos).

Vimianzo é un concello da provincia da Coruña, pertence á comarca da Terra de Soneira. Segundo o IGE en 2010 tiña 8.128 habitantes (8.402 no 2006, 8.466 no 2005, 8.517 no 2004, 8.653 en 2003). O seu xentilicio (véxase no Galizionario) é Vimiancés.

Evolución da poboación de Vimianzo - desde 1900 ata 2010 -
1900	1930	1950	1981	2004	2010
8.637	9.222	10.678	9.646	8.475	8.128
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Casa consistorial.

Xeografía

Limita cos concellos de Zas, Dumbría, Muxía, Camariñas e Laxe.

Patrimonio histórico e artístico

Ten unha grande abundancia de restos megalíticos entre os que destacan os dolmens de Pedra Cuberta, a Casota de Freáns ou Pena Moura de Monte Carnio. Nos últimos anos apareceron exemplos de petróglifos nos lugares de Boallo e Berdoias. Na parroquia de Tines atopouse nos anos 50 a Estela de Vitorinus (Museo Arqueolóxico da Coruña) e distintos restos de enterramentos romano-suevos.

Da época medieval hai que subliñar o castelo de Vimianzo ou Torres de Martelo. Este castelo mostra un excelente estado de conservación e pódese visitar. Outra fortaleza defensiva, esta do século XVI, que merece ser destacada son as Torres de Cereixo situadas ó carón dunha igrexa románica que posúe a primeira representación da traslación do corpo do apóstolo Santiago o Maior.

Xa, en plena actualidade, destaca a labor que exerce desde comezos do século XXI, a Asociación Xuvenil Cherinkas no ámbito do Deporte e a Cultura do concello. Con máis de 20 actividades por ano, é sen lugar a dúbidas a asociación sen ánimo de lucro máis productiva de toda a Costa da Morte. Actividades como o SondeRock, o Roland Esgarros ou a Cherinkopa son produto dun grupo de arredor de 200 socios.

Galería de imaxes

Artigo principal: Galería de imaxes de Vimianzo.

• 

  Castelo de Vimianzo

• 

  Porta sur da igrexa de Cereixo. Representa a traslación do Apóstolo Santiago.

• 

  Casota de Freán

• 

  Batáns do Mosquetín.

Lugares de Vimianzo

Para unha lista completa de todos os lugares do concello de Vimianzo vexa: Lugares de Vimianzo.

Véxase tamén

Ligazóns Externas

• Asociación Xuvenil Cherinkas de Vimianzo

Concellos da Comarca da Terra de Soneira
Camariñas	Vimianzo	Zas