Ares

Na Galipedia, a Wikipedia en galego.

Coordenadas: 43°25′43″N 08°14′34″W / 43.42861°N 8.24278°W / 43.42861; -8.24278

Ares
Escudo de Ares
Ares-ria18.jpg

Vista panorámica da vila
Situacion Ares.PNG
Situación
Xentilicio[1] aresán
Xeografía
Provincia Provincia da Coruña
Comarca Comarca de Ferrol
Poboación 5.801 hab. (2013)
Área 18,3 km²
Densidade 316,99 hab./km²
Entidades de poboación 3 parroquias
Política (2011)
Alcalde Julio Iglesias Redondo
Concelleiros BNG: 2
PPdeG: 4
PSdeG-PSOE: 6
Outros: NAL 1
Eleccións municipais en Ares
Uso do galego[2] (2001)
Galegofalantes 93,17%
Na rede
www.concellodeares.com
Facebook

Ares é un concello da provincia da Coruña, pertencente á comarca de Ferrol. Esténdese pola franxa costeira que vai desde a Ría de Ferrol ata o porto de Redes.

O seu xentilicio (véxase no Galizionario) é aresán.

Demografía[editar | editar a fonte]

A poboación a 1 de xaneiro de 2013 era de 5.801 habitantes, 2.871 homes e 2.930 mulleres, segundo o IGE (en 2012 5.839, 5.673 no 2009, 5.405 no 2006, 5.301 no 2005, 5.265 no 2004, 5.188 no 2003).

Evolución da poboación de Ares (desde 1900 ata 2013)
 1900  1930  1950  1981  2004  2009  2011  2012  2013
 4.209  4.850  4.724  4.708  5.265  5.673  5.801  5.839  5.801
Fontes: INE e IGE

(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Censo Total 5.801
Menores de 16 anos 698 (12.03 %)
Entre 16 e 64 anos 3.801 (65.52 %)
Maiores de 64 anos 1.302 (22.44 %)

Patrimonio histórico[editar | editar a fonte]

Ares conta cun estilo arquitectónico orixinal, con casas dunha soa planta e galerías de madeira pintada de cores vivas. Todo o concello está salpicado por edificios de arquitectura indiana. Moitos deles son dunha grade beleza e gozan dun case perfecto estado de conservación. A súa singularidade converteuna nun destino de veraneo moi visitado nos anos 80 e 90. Este feito contribuíu á propia degradación do entorno arquitectónico, que se viu inundado de casas modernas de varios pisos, aínda que hai zonas que conservan o encanto orixinal da vila, como “O Porto”, onde abundan as casas dunha altura e paredes encaladas que envolven arrevesadas canellas.

As construcións máis relevantes son o Mosteiro de Santa Catalina de Montefaro e as Baterías militares do Segaño e Coitelada, ademais dos restos dunha antiga torre situada ao final do espigón, en dirección a Estacas.

Flora e fauna[editar | editar a fonte]

A pesar de que o contorno se degradou bastante nos últimos anos, aínda se poden atopar en Ares multitude de especies animais difíciles de atopar outras partes de Galicia,[Cómpre referencia] como andoriñas, morcegos e lucecús, entre outras.

A ría é rica en marisco; abundan as centolas, nécoras, ameixas, berberechos, percebes, vieiras etc. Tamén os muxos asoman pola ría e, nalgunhas épocas do ano, sobre todo no verán, é común divisar grupos de arroaces gozando das tranquilas augas desta ría.

Economía[editar | editar a fonte]

A economía de Ares baséase na pesca, así como na agricultura e o turismo.

Turismo[editar | editar a fonte]

A vila aresana está situada á beira dunha enseada rodeada de praias que suman case tres quilómetros costeiros de areais de augas tranquilas. As praias máis coñecidas de Ares son A Rampa, O Cruceiro/A Xunqueira, Redes, Seselle, O Raso, Sabadelle, Río Sandeu e Chanteiro. Tamén hai algunhas calas como Estacas e Centeás, agora con escaleiras, e moitas outras calas solitarias de difícil acceso.

Con respecto ás festas locais, destacan O Voto de Chanteiro, O Carme e as súas procesións marítimas tanto en Redes como en Ares, San Roque en Ares, San Pedro en Cervás e a festividade do Corpus Christi. Na véspera desta última, ata ben entrada a madrugada, toda a xente da vila afánase en cubrir varias rúas do centro con alfombras feitas de flores polas que pasará o día seguinte a procesión.

Ares conta ademais con dous cámpings próximos ás praias, hotel, bares e lugares onde gozar da gastronomía local.

Hai varias rutas de sendeirismo e mountain bike polas que se pode gozar de vistas como a de Montefaro, coas Rías Altas e un Océano Atlántico sempre custodiado pola Torre de Hércules.

Política e goberno[editar | editar a fonte]

Goberno municipal[editar | editar a fonte]

Julio Iglesias Redondo é o alcalde de Ares dende xuño de 2007. Goberna en solitario cos únicos apoios estables dos cinco concelleiros do seu grupo, o PSdeG. Na oposición, sentan os edís de PP, BNG e do grupo independente NAL.

Galería de imaxes[editar | editar a fonte]

Artigo principal: Galería de imaxes de Ares.
Ría de Ares, vista dende Pontedeume.  
Praia de Chanteiro, unha vista da praia.  
A ermida da Virxe da Mercede, lugar de Chanteiro.  
Redes.  
A ermida da Virxe da Mercede, entrada.  

Parroquias[editar | editar a fonte]

Galicia | Provincia da Coruña | Parroquias de Ares

Ares (San Xosé) | Caamouco (San Vicente) | Cervás (San Pedro)


Lugares de Ares[editar | editar a fonte]

Para unha lista completa de todos os lugares do concello de Ares vexa: Lugares de Ares.

Notas[editar | editar a fonte]

  1. Véxase no Galizionario.
  2. Datos de 2001 publicados en 2004.

Véxase tamén[editar | editar a fonte]

Commons
Commons ten máis contidos multimedia na categoría: Ares Modificar a ligazón no Wikidata

Ligazóns externas[editar | editar a fonte]

Concellos da Comarca de Ferrol Comarca de Ferrol
Ares
Ares
Cedeira
Cedeira
Fene
Fene
Ferrol
Ferrol
Moeche
Moeche
Mugardos
Mugardos
Narón
Narón
Neda
Neda
San Sadurniño
San Sadurniño
As Somozas
As Somozas
Valdoviño
Valdoviño