La Voz de Galicia
- Para outras páxinas con títulos homónimos véxase: Galicia (homónimos).
- Para outras páxinas con títulos homónimos véxase: La Voz de Galicia (homónimos).
| Fundación | 4 de xaneiro de 1882 |
|---|---|
| Xénero | Información xeral |
| País | Galiza |
| Cidade | A Coruña |
| Ámbito | Internacional |
| Lingua | Castelán e galego |
| Periodicidade | Diaria |
| Publicación | Matutina |
| Prezo unitario | 1,10€ durante a semana e 2€ os domingos (2008) |
| Color | En branco e negro e en cor |
| Fundador | Juan Fernández Latorre |
| Director | Xosé Luis Vilela |
La Voz de Galicia é un xornal galego, redactado maioritariamente en castelán, fundado no ano 1882 por Juan Fernández Latorre. La Voz de Galicia fíxose un oco a nivel estatal converténdose nun dos dez medios impresos con maior tiraxe de todo o estado[Cómpre referencia]. A empresa editora, La Voz de Galicia Sociedad Anónima, sempre estivo nas mans da mesma familia e na actualidade o accionista maioritario e único é Santiago Rey Fernández-Latorre.
Índice |
[editar] Historia e características
Segundo datos da OXD (Oficina de Xustificación da Difusión, Oficina de Justificación de la Difusión), La Voz de Galicia tivo unha tirada media diaria, no período comprendido entre xaneiro e decembro de 2006) de 118.206 exemplares, cunha difusión de 103.112 [1], o que representou un lixeiro descenso sobre os datos do ano anterior, 2005, no que tivera unha difusión de 119.615 e 103.399 exemplares, respectivamente.
No mesmo período do ano 2006, a edición dominical do diario tivo unha tirada de 160.400 exemplares, como promedio, e unha difusión de 138.970.
É cabeceira do Grupo Voz, que ten a súa sede na Coruña e que é propietario, ademais do citado xornal, de nove emisoras de radio (RadioVoz), unha produtora de televisión, unha empresa de estudos de sondaxe de opinión (Sondaxe), unha licenza de televisión dixital terrestre (TDT) de ámbito autonómico, e tamén foi a editora do xornal Diario de León, vendido a un empresario da capital leonesa no mes de xuño de 2007.
[editar] Edicionalización
O modelo de edicións que caracteriza a La Voz comezou a xestarse na década de 1960 coa idea non de restar información, senón de dar a cada cal a que demanda. As preto de 60 páxinas do corpo central conteñen unha selección de noticias de ámbito xeral, mentres que un caderno pequeno de doce a dezaseis páxinas que se intercambian en cada edición, ofrece aos lectores a información máis próxima, a propia da súa cidade, comarca ou provincia.
As seccións reciben os nomes de:
- A Coruña
- A Mariña
- Arousa
- Barbanza
- Carballo
- Deza
- Ferrol
- Lemos
- Lugo
- Ourense
- Pontevedra
- Santiago
- Vigo
- España
