La Voz de Galicia

Na Galipedia, a Wikipedia en galego.

Coordenadas: 43°19′16″N 8°30′14″W / 43.32108°N 8.503879°W / 43.32108; -8.503879

La Voz de Galicia
La Voz de Galicia Sabón.jpg
Azotea, La Voz de Galicia - Radio Voz, Vigo.JPG
Tipo información xeral
Cor cor e branco e negro
Fundación 4 de xaneiro de 1882
Empresa editora La Voz de Galicia, S.A.
Propietario Santiago Rey Fernández-Latorre
Director Xosé Luis Vilela
Fundador Juan Fernández Latorre
Tendencia conservadorismo, rexionalismo galego
Lingua castelán e galego
Localidade Arteixo
Ámbito nacional (Galiza)
Periodicidade diaria
Prezo 1,20 durante a semana e 2,20 os domingos (2012)
Seccións España, Mundo, Comarcal, Opinión, Deportes
Na rede
Web
Twitter @lavozdegalicia
Facebook

La Voz de Galicia é un xornal galego con sede no polígono de Sabón (Arteixo), redactado maioritariamente en castelán, fundado no ano 1882 por Juan Fernández Latorre. La Voz de Galicia fíxose un oco a nivel estatal converténdose nun dos dez medios impresos con maior tiraxe de todo o estado[1]. A empresa editora, La Voz de Galicia Sociedad Anónima, sempre estivo nas mans da mesma familia e na actualidade o accionista maioritario e único é Santiago Rey Fernández-Latorre.

Historia e evolución[editar | editar a fonte]

Segundo datos da Oficina de Xustificación da Difusión (OJD), La Voz de Galicia tivo unha tirada media diaria, no período comprendido entre xaneiro e decembro de 2006) de 118.206 exemplares, cunha difusión de 103.112[2], o que representou un lixeiro descenso sobre os datos do ano anterior, 2005, no que tivera unha difusión de 119.615 e 103.399 exemplares, respectivamente. No mesmo período do ano 2006, a edición dominical do diario tivo unha tirada de 160.400 exemplares, como promedio, e unha difusión de 138.970. La Voz de Galicia mantén dende vai anos unha tirada superior aos cen mil exemplares sendo un xornal coñecido en Galicia pola súa difusión sendo moi superior ás súas vendas xa que está presente en moitos lugares públicos: institucións, bancos, centros de hostalería, locais sociais, etc.

A cabeceira do Grupo Voz ten a súa sede e redacción na Coruña e a rotativa en Sabón (Arteixo). O grupo ademais do citado xornal é propietario de nove emisoras de radio (RadioVoz) que dan cobertura a toda Galicia, unha produtora de televisión que traballa creando series para outras emisoras, unha empresa de estudos de sondaxe de opinión (Sondaxe), unha licenza de televisión dixital terrestre de ámbito autonómico, e tamén foi a editora do xornal Diario de León, vendido a un empresario da capital leonesa no mes de xuño de 2007. La Voz de Galicia tamén tivo proxectos para expandirse fora de Galiza, así creou edición nacional en Madrid e as súas emisoras de radio estiveron a emitir programación con grupos como Antena 3.

Edicións locais[editar | editar a fonte]

O modelo de edicións que caracteriza a La Voz comezou a xestarse na década de 1960 coa idea non só de achegar información local, achegando tamén a cada comarca as súas novas. Nesa época estaban a xurdir xornais nas cidades centrados en informar no ámbito local e ían pechando outros ao tempo. As preto de 60 páxinas do corpo central, con portada en cor e un número variable no interior de páxinas en cor, conteñen unha escolma de novas de ámbito xeral, mentres que un caderno pequeno de doce a dezaseis páxinas intercala en cada edición, ofrecendo aos lectores a información máis próxima, á súa cidade, comarca ou provincia. Cada comarca recibe así un pequeno xornal co título de La Voz de, e o nome da comarca. A información complétase con colaboradores locais.

As seccións reciben os nomes das principais comarcas de Galiza:

A delegación de La Voz de Galicia en Vigo está no edificio Vista Alegre, na rúa García Barbón.

O uso do galego no xornal está limitado a novas concretas sobre temas galegos e ao uso que del fan colaboradores habituais do xornal ou artigos de opinión de xornalistas, políticos ou xente da cultura.

Edición dixital[editar | editar a fonte]

La Voz de Galicia iniciou a súa edición dixital o 17 de maio de 2000[3]. Dende os seus inicios a páxina foi unha das máis seguidas en Galiza entre os xornais informativos. Foi ampliando contidos, nos inicios limitábase a ofrecer un resumo das novas máis destacadas do xornal e algunha información local. Existe unha versión de pago con acceso a todo o contido do xornal. La Voz de Galicia ten rexistrados en internet lavozdegalicia.es, lavozdegalicia.com, lavoz.com e avoz.com

Notas[editar | editar a fonte]

Véxase tamén[editar | editar a fonte]

Commons
Commons ten máis contidos multimedia na categoría: La Voz de Galicia

Outros artigos[editar | editar a fonte]

Ligazóns externas[editar | editar a fonte]