Monfero

Na Galipedia, a Wikipedia en galego.

Coordenadas: 43°20′4.08″N 8°3′21.08″W / 43.3344667°N 8.0558556°W / 43.3344667; -8.0558556

Monfero
Escudo de Monfero
27 Casa do concello de Monfero.JPG

Situacion Monfero.PNG
Situación
Xentilicio[1] monferés
Xeografía
Provincia Provincia da Coruña
Comarca Comarca do Eume
Poboación 2129 hab. (2012)
Área 171,7 km²
Densidade 12,4 hab./km²
Entidades de poboación 7 parroquias
Capital do concello Rebordelo
Política (2011)
Alcalde Benjamín Rodríguez Abad
Concelleiros BNG: 1
PPdeG: 1
PSdeG-PSOE: 4
Outros: ICMON 5
Eleccións municipais en Monfero
Uso do galego[2] (2001)
Galegofalantes 99,48%
Na rede
www.concellodemonfero.com
correo@monfero.dicoruna.es

Monfero é un concello da provincia da Coruña, pertencente á comarca do Eume. Segundo o IGE en 2012 tiña 2.129 habitantes (2.239 no 2010, 2.414 no 2006, 2.444 no 2005, 2.490 no 2004, 2.552 en 2003). O seu xentilicio (véxase no Galizionario) é «monferés».

Evolución da poboación de Monfero (desde 1900 ata 2013)
 1900  1930  1950  1981  2004  2009  2011  2012  2013
 5.715  6.473  6.530  3.587  2.490  2.239    2.129  {{{9}}}
Fontes: INE e IGE

(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía[editar | editar a fonte]

Monfero ten 173,28 km², e abrangue sete parroquias. A casa consistorial está no lugar de Rebordelo, na parroquia de San Fiz de Monfero. Está no leste da provincia da Coruña, por onde limita cos concellos lugueses de Xermade e Guitiriz; ao norte limita coas Pontes de García Rodríguez, A Capela e Cabanas; ao sur con Irixoa e Aranga; e ao oeste con Vilarmaior e Pontedeume.

Está atravesado pola estrada AC-151 (que o une coa A-6), a C-640 que vai de Betanzos a Viveiro, e a AC-144, que vai cara a Pontedeume. Está a 45 km da Coruña e a 80 de Santiago de Compostela.

A Serra da Loba é a rexión montañosa máis destacada, destacando no centro do concello o Monte da Pendella (712 m). O río Eume fai de fronteira polo norte, e a el van dar os afluentes do Frai Bermuz e San Bartolomeu. No oeste están amais os ríos Lambre e Lambruxo.

Unha parte das Fragas do Eume, declaradas parque natural en 1997, áchanse dentro do territorio de Monfero.

Historia[editar | editar a fonte]

Hai restos de presenza humana na prehistoria, como as mámoas na Pena do Moncouso. Amais, hai varios topónimos que denotan presenza castrexa.

Na Idade Media a zona era xurisdición do mosteiro cisterciense, xa reflectida en documentos de 1135.

Patrimonio[editar | editar a fonte]

O mosteiro de Monfero pertenceu á Orde do Císter, e ten as súas orixes cara ao século X.

Consérvanse varias pontes do século XV, todas dun só arco: a ponte do Dez sobre o río Frai Bermuz, a ponte de San Paio sobre o Lambre (co concello de Irixoa á outra beira) e outra sobre o río Lambruxo, entre os lugares das Travesas e Vilarboi.

Amais das igrexas parroquiais, hai varias pequenas ermidas, como a da Ascensión en Boicornello (Val de Xestoso), as de Santo André da Ribeira e Lagares (San Fiz de Monfero), e a de San Bartolomeu na Ermida (Queixeiro).

Hai 5 casas de turismo rural: Casa de Graña da Acea, Casa Don Bernardo, Casa Lourán, Casa Piñeiro e Rodeo da Casa.

Galería de imaxes[editar | editar a fonte]

Artigo principal: Galería de imaxes de Monfero.

Parroquias[editar | editar a fonte]

Galicia | Provincia da Coruña | Parroquias de Monfero

O Alto de Xestoso (Santa María) | Queixeiro (San Xurxo) | San Fiz de Monfero (San Fiz) | Santa Xiá de Monfero (Santa Xiá) | Taboada (Santa Mariña) | O Val de Xestoso (San Pedro) | Vilachá (Santa María)

Lugares de Monfero[editar | editar a fonte]

Para unha lista completa de todos os lugares do concello de Monfero vexa: Lugares de Monfero.

Notas[editar | editar a fonte]

  1. Véxase no Galizionario.
  2. Datos de 2001 publicados en 2004.

Véxase tamén[editar | editar a fonte]

Commons
Commons ten máis contidos multimedia na categoría: Monfero Modificar a ligazón no Wikidata


Concellos da Comarca do Eume Comarca do Eume
Cabanas
Cabanas
A Capela
A Capela
Monfero
Monfero
Pontedeume
Pontedeume
As Pontes de García Rodríguez
As Pontes