Porto do Son

Para outras páxinas con títulos homónimos véxase: O Son.

Porto do Son
Casa do Concello.
Situación
Xentilicio	sonense
Xeografía
Provincia	Provincia da Coruña
Comarca	Comarca de Noia
Poboación	9699 hab. (2012)
Área	94,58 km²
Densidade	102,55 hab./km²
Entidades de poboación	10 parroquias
Capital do concello	Porto do Son
Política (2011)
Alcalde	Luís Oujo (PPdeG)
Concelleiros	BNG: 3 PPdeG: 5 PSdeG-PSOE: 3 Outros: A.V.S. 2
Eleccións municipais en Porto do Son
Uso do galego (2001)
Galegofalantes	98,48%
Páxina web oficial
http://www.portodoson.org/

Porto do Son é un concello da provincia da Coruña, pertencente á comarca de Noia. A capital do concello é a vila homónima, situada na parroquia de Noal. En Porto do Son está o castro de Baroña.

Xeografía

Porto do Son é un concello que ocupa o lado noroeste da Península do Barbanza. Limita ao norte coa ría de Muros e Noia, ao sur con Boiro e a Pobra do Caramiñal, ao leste con Noia e Lousame, e ao oeste con Ribeira.

A Península do Barbanza é unha terra moi accidentada e Porto do Son non é unha excepción. O monte está en case todo o concello moi preto da costa, o que obriga á poboación a concentrarse en torno á liña costeira en case todo o territorio.

Demografía

Comparando a evolución demográfica desde 1900, a poboación de Porto do Son mantense estable ó contar nese ano con 9.244 habitantes e no 2005 con 9.990.

A poboación aumentou lixeiramente ata a metade de século, cando comeza a baixar lenta pero progresivamente, con pequenas variacións. Isto débese á baixa natalidade e a unha emigración que leva unha parte significativa da poboación ó exterior, o cal é constante na maioría dos concellos de Galicia.

En 2012 a poboación era de 9.699 habitantes, o que indica unha diminución a 2011, cando era de 9.847 persoas (9.899 habitantes en 2007, 10.025 no 2006, 9.990 no 2005.

Censo Total (Habitantes)	9.699
Menores de 15 anos	1.201 (12.38 %)
Entre 15 e 64 anos	6.184 (63.76 %)
Maiores de 65 anos	2.314 (26.86 %)

Evolución da poboación de Porto do Son (desde 1900 ata 2012)
1900	1930	1950	1981	2004	2009	2011	2012
9.244	9.682	10.876	11.102	10.039	9.873		9.699
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Economía

No ano 2001, a taxa de actividade do concello de Porto do Son era do 45,2 % e o paro de 9,1 %. Por sectores, o sector terciario é o predominante, pois ocupa un 42,3 % dos traballadores sonenses. O sector secundario, cunha ocupación predominante da construción, ocupa un 33 % dos traballadores. E o sector primario é o minoritario, ocupando un 24 % dos traballadores sonenses, a maioría en actividades pesqueiras.

Turismo

Porto do Son celebra no mes de agosto a Festa de Exaltación do Polbo.

Porto do Son na cultura popular

• Os de Noia son borrachos,/ os de Muros aloqueiros,/ os de Fisterra son mouros,/ e os do Son sonche bucheiros.
  • Aloque ou aloqueiro significan pantano, lameira, e, por extensión, atranco, dificultade, compromiso.
  • Bucheiro pode significar barrigán, tripón; ou pescador de bucheiros, nome local dos muxos.

Galería de imaxes

Artigo principal: Galería de imaxes de Porto do Son.

• 

  Vista da ría de Muros e Noia desde Porto do Son

• 

  Praia de Arnela, na parroquia de Baroña

• 

  Castro da parroquia de Baroña

• 

  Porto

• 

  Detalle do Castro

• 

  Praia de Caveiro

• 

  Cruceiro no núcleo urbano

• 

  Praia de Porto do Son con Monte Louro ó fondo

Parroquias

O territorio sonense está dividido en dez parroquias, a maior das cales é Nebra e a máis poboada, Noal, onde se atopa a capital do concello. Todas elas están bañadas polas augas da ría de Muros e Noia, excepto Ribasieira, que non dá ó mar.

Lugares de Porto do Son

Para unha lista completa de todos os lugares do concello de Porto do Son vexa: Lugares de Porto do Son.

Véxase tamén

Ligazóns externas

• Información do Concello de Porto do Son

Concellos da Comarca de Noia
Lousame	Noia	Outes	Porto do Son