Vilasantar

Vilasantar
Situación
Xentilicio:	wikt:
Xeografía
Provincia:	Provincia da Coruña
Comarca:	Betanzos
Poboación:	1.415 hab. (2009)
Área:	59,2 km²
Densidade:	24,19 hab./km²
Entidades de poboación:	7 parroquias
Capital do concello:
Política (2011)
Alcalde:	Fernando Pérez Fernández (PPdeG)
Concelleiros:	BNG: 4 PPdeG: 5 PSdeG-PSOE: 0 Outros: -
Eleccións municipais en Vilasantar
Uso do galego (2001)
Galegofalantes:	99,30 %
Sitio web oficial
www.vilasantar.com

Vilasantar é un concello da provincia da Coruña, pertencente á comarca de Betanzos. Segundo o IGE no 2009 tiña 1.415 habitantes (1.496 no 2006, 1.538 no 2005, 1.574 no 2004, 1.610 en 2003).

Evolución da poboación de Vilasantar - desde 1900 ata 2010 -
1900	1930	1950	1981	2004	2010
3.020	3.331	4.094	2.529	1.574	{{{6}}}
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Historia

Consérvanse megálitos como as mámoas do monte Vilariño, a mámoa de Pedriño e a medorra de Fanegas, na parroquia de Vilariño. Da cultura castrexa consérvanse os castros de Vilariño e o das Corredoiras.

Da romanización hai restos do campamento romano da Cidadela, o máis extenso dos descubertos en Galicia, entre os concellos de Sobrado e Vilasantar. Na Idade Media estas terras pertencían ao condado de Présaras, que tiña a súa orixe nas praessurae romanas, terras desertas ofrecidas a colonos para que as cultivasen e poboasen.

A zona estivo fortemente vencellada ao mosteiro de Santa María de Mezonzo. A súa orixe posiblemente estea vencellada aos suevos, pois a igrexa conserva dous capiteis do século VI ou VII, e aparece en documentos latinos como mosteiro de Mosontio. A mediados do século X ingresou nel Pedro de Mezonzo, que chegaría a abade do convento e bispo compostelán.

Na Idade Moderna había numerosos fidalgos, como testemuñan as diversas casas señoriais. Vilasantar foi constituído como concello en 1834. A súa poboación foi medrando até 1950, cando empezou a descender por mor da emigración.

Economía

É un concello no que o sector terciario pesa sobre o resto e no que no sector secundario destaca a industria da fabricación de taboleiro de madeira e de chapa de madeira pola presenza do Grupo Losán na vila.

Galería de imaxes

Artigo principal: Galería de imaxes de Vilasantar.

• 

  Igrexa de Santa María de Mezonzo.

Lugares de Vilasantar

Para unha lista completa de todos os lugares do concello de Vilasantar vexa: Lugares de Vilasantar.

Véxase tamén

Concellos da Comarca de Betanzos
Aranga	Betanzos	Cesuras	Coirós	Curtis	Irixoa	Miño	Oza dos Ríos	Paderne	Vilarmaior	Vilasantar