Río Anllóns
| Anllóns | |
 Ponte sobre o río Anllóns na vila de Ponteceso, preto da súa desembocadura. |
|
| País |  Galicia |
| Rexión | n/d |
| Nacemento | Montes de Xalo |
| Altitude | n/d |
| Lonxitude | 54.4 Km |
| Caudal medio | 9.931 m³/s |
| Conca | |
| Desembocadura | Ría de Corme e Laxe |
O Anllóns é un río galego que nace nos montes do Xalo, a 400 metros de altitude, e desemboca na ría de Corme e Laxe. Pertence á vertente atlántica. Foi declarado lugar de importancia comunitaria no 2001.
Índice |
Descrición [editar]
Percorrido [editar]
Percorre 54.4 km polos concellos de Cabana de Bergantiños, Carballo, Cerceda, Coristanco e Ponteceso.
Afluentes [editar]
Recibe as augas de un bo número de regatos como o Graña, o Quenxe, o Acheiro, o Abaixo, o Queo ou o Bertón, durante o curso alto. Tras pasar o monte Neme recibe as augas do Gándara, o Bandeira, o Vao, o Calvar, o Portecelo ou o Batán. No curso baixo, tras pasar Verdes, os rápidos fan que acelere a súa velocidade. Nesta zona recibe as augas do Lourido, o Ponteceso, o Prados ou o Bouzas. Xa na desembocadura recibe a auga do rego dos Muíños, chamado así debido aos numerosos muíños de auga que hai nel.
Réxime hídrico [editar]
O seu caudal medio é de 9.931 m³/s.
Intervención Humana [editar]
Construcións [editar]
No Anllóns atópanse os coñecidos muíños da Saimia. Hoxe en día xa non traballan, aínda que as súas instalacións están en pé.
Aproveitamento [editar]
No Anllóns, e xa no concello de Ponteceso, atopase a coñecida como "Presa de don Manolo"[Cómpre referencia], hoxe xestionada por Gas Natural Fenosa. Tamén no concello de Ponteceso atópase o encoro de Anllóns, da empresa Hisdrospania, e no de Cabana de Bergantiños o de Corcoesto, de Unión Fenosa.
Véxase tamén [editar]
Outros artigos [editar]
Galería de imaxes [editar]
- Vexa o artigo principal na Galería de imaxes do río Anllóns
-
Vista da vila de Ponteceso e o río Anllóns dende o Monte Branco
-
Vista do estuario do Río Anllóns na súa desembocadura desde o paseo de Cabana de Bergantiños
-
O río ao seu paso por Verdes, Coristanco.
-
Vista do estuario do río Anllóns desde Canduas.
