Cerceda

Para outras páxinas con títulos homónimos véxase: Cerceda (homónimos).

Cerceda
Casa do concello.
Situación
Xentilicio	cercedense
Xeografía
Provincia	Provincia da Coruña
Comarca	Comarca de Ordes
Poboación	5318 hab. (2012)
Área	110,9 km²
Densidade	47,95 hab./km²
Entidades de poboación	6 parroquias
Capital do concello	Cerceda
Política (2011)
Alcalde	José García Liñares (PSdeG-PSOE)
Concelleiros	BNG: 1 PPdeG: 5 PSdeG-PSOE: 7 Outros: -
Eleccións municipais en Cerceda
Uso do galego (2001)
Galegofalantes	99,47%
Páxina web oficial
www.cerceda.org

Cerceda é un concello da provincia da Coruña, pertencente á comarca de Ordes. Segundo o IGE a súa poboación no 2012 era de 5.318 habitantes (5.570 no 2009, 5.483 no 2006, 5.500 no 2005, 5.499 no 2004, 5.471 no 2003). O seu xentilicio (véxase no Galizionario) é «cercedense».

Evolución da poboación de Cerceda (desde 1900 ata 2012)
1900	1930	1950	1981	2004	2009	2011	2012
4.803	5.949	7.418	7.201	5.499	5.486		5.318
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Patrimonio

Existen restos de dous castros galaicos, o castro de Coto de Guichar (na parroquia das Encrobas) e o castro de Cerceda. Neste atopouse un torque de ouro, conservado no Museo Provincial de Lugo.

Entre os diversos templos relixiosos destaca a igrexa de Santo André de Meirama, construída no século XII e reformada en 1720.

Do pazo de Boedo, declarado en 1994 Ben de Interese Cultural, mantense do un caserón cun par de chemineas e uns brasóns. No pazo-torre de Gontón das Encrobas están localizadas na actualidade as oficinas da empresa mineira Limeisa. A súa torre tiña orixe medieval. O pazo das Lavandeiras foi construído no século XVIII, de estilo barroco, estando no presente restaurado. Forma parte dun conxunto histórico fundado polos descendentes dos Becerra.

Economía

Cerceda é un concello con dúas grandes empresas, a Central Térmica de Meirama e a planta de tratamento de residuos da empresa de Sogama outras empresas están no polígono industrial do Acevedo. Durante o verán abre o parque acuático Aquapark.

Turismo

Cerceda conta cun parque acuático municipal que está aberto na época estival.

Tamén ten 3 rutas homologadas de sendeirismo:

• PR-G 129 Senda Rodís - Xesteda (senda circular)
• PR-G 130 Senda Meirama - Xalo - Meirama (senda circular)
• PR-G 131 Ruta Cerceda - Portobrea (ruta lineal)

Galería de imaxes

Artigo principal: Galería de imaxes de Cerceda.

• 

  Incineradora de Sogama coa central térmica de Meirama ao fondo.

• 

  Vista parcial das instalacións municipais do parque acuático de Cerceda.

• 

  Vista da central térmica de Meirama (Cerceda) e a zona próxima.

• 

  Muíño de Cerceda.

• 

  Monumento de homenaxe a Castelao.

• 

  Detalle do mural homenaxe á minaría do lignito.

Lugares de Cerceda

Para unha lista completa de todos os lugares do concello de Cerceda vexa: Lugares de Cerceda.

Véxase tamén

Ligazóns externas

• Páxina oficial do Concello de Cerdeda
• Ruta sendeirista homologada: PR-G 129 Senda Rodís - Xesteda - SEGATUR
• Ruta sendeirista homologada: PR-G 130 Senda Meirama - Xalo - Meirama - SEGATUR
• Ruta sendeirista homologada: PR-G 131 Ruta Cerceda - Portobrea - SEGATUR

Concellos da Comarca de Ordes
Cerceda	Frades	Mesía	Ordes	Oroso	Tordoia	Trazo