Manuel Meilán

Na Galipedia, a Wikipedia en galego.
(Redirixido desde "Manuel Meilán Martínez")
Manuel Meilán
Medalla Castelao Icona vectorial.svg
Nacemento 18 de xullo de 1904
Lugar Lugo, Galicia Galicia
Falecemento 1994
Lugar Montevideo, Flag of Uruguay.svg Uruguai
Nacionalidade España
Ocupación Político
Premios Medalla Castelao
editar datos en Wikidata ]

Manuel Meilán Martínez, nado en Lugo o 18 de xullo de 1904 e falecido en 1994 en Montevideo, foi un dinamizador do galeguismo na comunidade emigrante en Uruguai.

Traxectoria[editar | editar a fonte]

Xesús Canabal, Castelao e Manuel Meilán, Montevideo, 1940.

Para evitar a Guerra do Rif emigra en 1922 a Buenos Aires, onde comeza a traballar no sector comercial. Traba contacto cun grupo de galeguistas onde estaban Eduardo Blanco Amor, Ramón Suárez Picallo, José Benito Abraira, Lino Pérez e Rodolfo Prada. Forma parte de El Hogar Gallego, e comeza a participar na Federación de Sociedades Gallegas Agrarias y Culturales.

En 1931 participa na creación do Partido Galeguista na Arxentina, do que é secretario. En 1934 entra a traballar nun laboratorio farmacéutico e trasládase a Montevideo. Participa nos inicios da Irmandade Galeguista do Uruguai con Antón Crestar e da Casa de Galicia de Uruguai. Aliñado co goberno democrático republicano, colabora en diversos xornais e en sociedades de recadación de fondos para o mantemento do exército e da resistencia republicana. En 1940 ingresa na masonería.

En 1956 participa no primeiro Congreso da Emigración Galega, que se celebra en Buenos Aires e que ten como presidente a Xesús Canabal, compañeiro seu da emigración uruguaia e tamén de masonería. Canda el e Alfredo Somoza impulsa as emisións radiofónicas Sempre en Galicia (1950), e o Patronato da Cultura Galega de Montevideo (1968).

Recoñecementos[editar | editar a fonte]

En 1987 recibiría a Medalla Castelao.

Véxase tamén[editar | editar a fonte]

Bibliografía[editar | editar a fonte]